Aizaaya 5:26 - EBƆRƐ BE KAWƆL

²⁶ Kasogberge na be kaman, Enyɛnpe Ebɔrɛ ere beeŋ pal enɔ n tre efuli pɔtɛana nɛ a wɔ kufɔ kufɔ be basa nɛ b ba kɔ menyi kena. E beeŋ foŋ kafoli nna n tre bumo nɛ b nya manaŋ n shi durnya be lalaloge kikɛ m ba fanɛ afu na!

Aizaaya 5:26 ပူးပေါင်းရင်းမြစ်များ

Nshɛ 60:4

Ama fo sa basa nɛ baa ŋana fo bre tɔɔnɛ nɛ b bɔla kumo so ŋ gelge bedoŋ be atanyembi.

Nshɛ 72:8

Shin nɛ mbe kuwurji e yili teku ko ase n salga to n ya fo teku nyɔsopo ase. Ŋko n yili Yufreetes be Lɔr na ase n salga to n ya fo durnya be ekar.

Aizaaya 10:3

To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Aizaaya 11:12

Enyɛnpe Ebɔrɛ na beeŋ maŋ tɔɔnɛ be tuta so ŋ ŋini efuliana na fanɛ e naa bɛta Israɛl nɛ Juda be basa nɛ b daŋ pesaŋ to a wɔ durnya be kaplɛkama na nna a ba.

Aizaaya 13:2

E yɛ, Aizaaya, yili kepreŋ nɛ shɛŋ maŋ wɔ kumo so na be awɔlto m maŋ kena be tuta so! Ponte ŋ kaŋɛ esoji na fanɛ b kre kena. Pla bumo enɔ fanɛ b kɔ n nya n luri mbunagboŋ lempo na to n ya kɔ Babilɔn be kadegboŋ na.

Aizaaya 13:3

N tre ma benapo lempoana nɛ b yirda bumo be amu n lar nɛ b ya kɔ kena ŋ gberge basa nɛ n nya agbo n wɔtɔ na kusoe.

Aizaaya 13:4

Men kaŋ asoe n nu, awɔr ka bee gbri abee so fanɛ jimaŋ damta na! K du fanɛ efuliana nɛ kuwurgboŋana e naa gama abar so! Enyɛnpetale Ebɔrɛ na e naa gama benapo abar so nɛ b kɔ kena.

Aizaaya 13:5

B shi efuli wɔfɔ wɔfɔ nɛ a wɔ durnya be lalaloge to nna a ba. Enyɛnpe Ebɔrɛ na malɛ e kaa kagbene n ta mbe akɔsɔ a ba nɛ e ba mur Babilɔn be efuli kikɛ.

Aizaaya 18:3

Esa kama nɛ e wɔ durnya ere to, e nu nfe! Tɔɔnɛ be tuta ko beeŋ baa wɔ abee be awɔlto nɛ men wu kumo nseŋ nu kabel be kushu!

Aizaaya 30:16

Kusɔ nɛ menyee fɛ e la fanɛ menyeeŋ dii egbaŋɛ shileso n shile m mɔlga menyi be amu ŋkpal men doŋana so. Menyee fɛ fanɛ menyi be egbaŋɛ beeŋ tiŋ n shile ga ama bumo nɛ baa ju a buu menyi so na peya beeŋ shile a chɔ bumo nɛ b pɛ menyi.

Aizaaya 31:9

Bumo be ewurgboŋ beeŋ lara keya n shile ŋkpal kufu so nɛ kufugboŋ e tɔr bumo be benapo be benimuana na so nɛ b shile ŋ ka bumo be kena to be etuuta n lɛ kaman.” Kusɔ nɛ Enyɛnpe Ebɔrɛ nɛ baa shuŋ mo Jerusalɛm to nɛ mbe edɛ bee chɔɔ esarga ndoŋ na kaŋɛ nna na.

Aizaaya 39:3

Kumo be kaman nɛ anebi Aizaaya yɔ ewura Hɛzekaya kutɔ n ya bishi mo le: “Nnɛ nɛ basa ere shi m ba nfe; nɛ manɛ nɛ b kaŋɛ fo?” Nɛ ewura Hɛzekaya kaŋɛ: “B shi efuli wɔfɔ ko nɛ baa tre kumo Babilɔn na nna.”

Aizaaya 7:18

Loŋ be jemanɛ na kaŋ fo, Enyɛnpe Ebɔrɛ na beeŋ foŋ kafoli nɛ k baa la tɔɔnɛ n sa Ijipt be efuli so be basa, nɛ b shi lɔrgboŋ nɛ baa tre Nail na ase m ba menyi so fanɛ ashushombi na. Kumo be kaman nɛ Asiriya be basa malɛ e shi bumo be kasawule so m ba menyi so fanɛ emushoŋ na.

Jɛremaya 4:13

Men keni, edoŋ be benapo e naa ba fanɛ awɔlpa na. Bumo be kena to be egbaŋɛturko bee shile nna fanɛ kawuliwuli nɛ bumo be egbaŋɛ malɛ bee shile a chɔ kusore ka bee firgi. To, an wu m mur nna na!

Jɛremaya 5:15

Israɛl be basa, Enyɛnpe Ebɔrɛ na beeŋ shin nɛ efuli ko so be basa e shi kufɔ kufɔ m ba kɔ menyi kena. B la basa lempo nɛ b wɔtɔ dra dra kikɛ nna nɛ menyi alɛ maŋ nyi ŋgbar nɛ baa gbar.

Jɛremaya 51:27

Men maŋ tuta na so ashi kasawule na so nseŋ foŋ kabel na, saŋɛ na so efuliana na be basa beeŋ nu nseŋ bela ase m ba kɔ Babilɔn kena! Men kela n tre efuliana nɛ baa tre Ararat nɛ Minni nɛ Ashkenaz be benapo nɛ b ba kɔ Babilɔn be basa kena. Men lara enapo nimuso nɛ e juŋkpar benapo na ŋ kɔ. Menyi alɛ e bar egbaŋɛ damta nɛ b baa du fanɛ elotɔr ka mel abar so na.

Nfabel 4:19

An doŋana na daa du fanɛ kusore ka bee fuu kusɔ na nna. B daa ju a buu anyi so kaplɛkama nna a fin anyi nɛ b pɛ. Abee so nɛ b daa kuŋ anyi a pɛ, ŋko pugi keshishɛrsawule so a jo anyi nɛ an ba purgi bumo nɛ b pɛ.

Ezikɛl 38:17

Nɛ Enyɛnpetale Ebɔrɛ na naŋ kaŋɛ le: “Fo asheŋ nɛ n daa malga dra dra jemanɛ nɛ n daŋ bɔla ma nyɛrbi, Israɛl be anebiana na so na, fanɛ kachako bee ba nɛ n shin nɛ esa ko e ba kɔ Israɛlebi kena na.

Jowɛl 2:7

Baa ba nna m ba kɔ kusɔ kama fanɛ benapo na, nsaa dii egbalana fanɛ kananɛ benapo bee dii egbal na. Bumo kikɛ bee kaa pɛ abar to kelargato nna a ji kenyɛn a yɔ anishito tinini ŋkaa maa gbɛ a yɔ kakpa ko, ŋko a kagle abar to. Baa tiŋ a luri bekumpo lempo to a lar nɛ shɛŋ shɛŋ maa kuŋ bumo ekpa.

Habakuk 1:8

Bumo be egbaŋɛ bee shile a chɔ ekarmɛ nsaa keta kufu malɛ a chɔ ekuntuŋ nɛ akoŋ kɔ. Bumo be egbaŋɛdiipoana shi mboŋ wɔfɔ nna nɛ bumo be egbaŋɛ bee shile a pulgi kasawule a ba eleŋso fanɛ kusore ka firgi n yuu kusɔ jisoso na.

Zakareya 10:8

Meeŋ tre ma basa m ba gama abar so, ma alɛ beeŋ mɔlga bumo nseŋ shin nɛ b wora keshi a du fanɛ kananɛ b daa sa na.

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Ditɛronɔmi 28:49

Enyɛnpe Ebɔrɛ na beeŋ shin nɛ efuli pɔtɛ be basa nɛ men maa nu bumo be ŋgbar e shi kufɔ kufɔ ŋ kre kena m ba purgi menyi fanɛ kusore ka ta koshi na.