Aizaaya 5:21 - EBƆRƐ BE KAWƆL

²¹ Asheŋ maaŋ nyalɛ n sa menyi! Menyee fɛ fanɛ menyi be anishi bugi nna nɛ men nyi asheŋ ga.

Aizaaya 5:21 ပူးပေါင်းရင်းမြစ်များ

Job be kawɔl 11:12

Keshin nɛ ewulpo e pin asheŋ du kpakpa a chɔ keshin nɛ kurma kpeŋso e nu n sa esa.

Aŋasa 26:12

Ewulpo bɔ esa nɛ e bee tre mbe kumu enyiashempo, mo alɛ nseŋ wuli.

Aŋasa 26:16

Etɔlpo kikɛ bee fɛ nna fanɛ e nyi asheŋ a chɔ basa damta.

Aŋasa 3:7

Sa maa fɛ fanɛ fo nyi asheŋ ga. Baa nu a sa Enyɛnpe Ebɔrɛ na nsaa gelge alubi.

Aizaaya 10:13

Asiriya be ewurgboŋ bee puchi nna a kaŋɛ le: “Ŋ gbagba be eleŋ so nɛ n wora ade kikɛ. Ma alɛ kɔ eleŋ nsaa nyi asheŋ nsaa kɔ kenyi ga. N du fanɛ gbolu kpenso nɛ e bee tɛ a yuu basa so nna a suge efuliana na be nsawule nɛ mpetɛsɔ na eleŋ so.

Aizaaya 37:23

Wanɛ nɛ fo daa fɛ fanɛ fee tege nsaa wora eyurto na? Ma, Israɛl be Ebɔrɛ cheembi na nɛ fo daa maa sa bunyaŋ na.

Aizaaya 40:23

Ebɔrɛ e naa bar bumo nɛ baa ji kuwura kenyɛnso kaseto, nsaa shin nɛ baa ki basa fuloŋ ashi durnya to na.

Aizaaya 47:10

Men daŋ ta asheŋ lubi be kewora nna fanɛ kebɛlso be kusɔ kuŋkumuso a kaŋɛ le: ‘Esa kama maa wu anyi!’ Men be kanyiasheŋ nɛ kashennyi e fule menyi, nɛ men yirda fanɛ men nawule e baa la ashi durnya to, esa kikɛ maŋ naa du fanɛ menyi.

Baru lela nɛ Jɔn kute na 9:41

Nɛ Yesu kaŋɛ bumo: “Men daŋ tan nna, kulubi daa maaŋ baa wɔ menyi so, ama ŋkpal men ka bee kaŋɛ fanɛ menyee wu ere bre, menyi be alubi beeŋ baa kraa wɔ menyi so.”

Romebi 1:22

B yɛ b nyi asheŋ, ama bumo alɛ ki bewulpo nna.

Romebi 11:25

Ŋ kurgepoana, kashenteŋ be wulo ko wɔtɔ nɛ mee sha fanɛ men pin kumo, saŋɛ na so men maaŋ ta menyi be amu fanɛ basa nyiashempo. Kumo nde fanɛ kumu kpakpaso be kebaawɔtɔ nɛ k ba Israɛlebi so na maŋ ba nna nɛ k ba kaa wɔtɔ mbaanaayɔ, kumo be ekar e la saŋɛ nɛ nnyamase nɛ baaŋ nya kumɔlga na kikɛ ya loge nyam.

Romebi 12:16

Men baa kɔ kɔnɔkoŋwule be kebaawɔtɔ a sa abar. Men sa maa maŋ menyi be amu so, ama men baa bar menyi be amu kaseto a shuli a shuŋ bebɔlpo be ashuŋ a maa fɛ fanɛ men la benyiashempo.