Aizaaya 5:20 - EBƆRƐ BE KAWƆL

²⁰ Asheŋ maaŋ nyalɛ n sa menyi! Menyee ta kulubi nna a tre kelela nsaa ta kelela a tre kulubi. Menyee ta tentembiri nna a ki kefulto nsaa ta kefulto a ki tentembiri. Menyi alɛ naa ta kusɔ kekra nna a ki kusɔ belbelso, nsaa ta kusɔ belbelso a ki kusɔ kekra.

Aizaaya 5:20 ပူးပေါင်းရင်းမြစ်များ

Job be kawɔl 17:12

Ama kusɔ nɛ n nekpaana na beeŋ tiŋ n wora e la kebaasa ma tama fuloŋ; b maa ji kashenteŋ.

Ɛksodɔs 23:7

Men sa maa ku efɛ a deŋi basa so, ŋko a ji demu a kaŋɛ fanɛ basa nɛ b maŋ wora n jija daga luwu. Esa kama nɛ e wora loŋ maaŋ ji n lar ma anishito kikɛ.

Aŋasa 17:15

Enyɛnpe Ebɔrɛ kishi bumo nɛ baa malga a kuŋ belubiworapo, nɛ bumo nɛ baa ku asheŋ a deŋi basa nɛ b maŋ wora kulubi na ga.

Aŋasa 4:17

Asheŋ lubi nɛ kelantokɔ, du nna fanɛ ajibi nɛ nchu n sa bumo.

Aizaaya 24:9

Basa maŋ naa nuu yabra nsaa boŋ nshɛ kagbenefuliso. Yabra gba maŋ naa wora basa ebel

Aizaaya 29:21

Ebɔrɛ beeŋ mur bekama nɛ baa ku efɛ a jija beko be atre, nɛ bumo nɛ baa kuŋ belubiworapo ashi kasogberge to na. E beeŋ mur bekama nɛ baa ku efɛ demujikpa a shin nɛ basa nɛ baa ji kashenteŋ maa nya kashenteŋ na gba.

Aizaaya 30:10

Bumo alɛ bee kaŋɛ anebiana na nna fanɛ b baa lo bumo be nnɔ to. Kusɔ nɛ baa kaŋɛ bumo e la: “Men sa maa kaŋɛ anyi kusɔ nɛ k daga be asheŋ. Men baa kaŋɛ anyi asheŋ nɛ anyee sha kebaanu na, hale nɛ a maŋ la kashenteŋ gba.

Aizaaya 32:5

Ewura nɛ mbe benimuana maaŋ naŋ sa bewulpo bunyaŋ ŋko n sa basa jiga fanɛ beyu kemaŋkura be eyilikpa.

Ezikɛl 13:19

Men keni ma jiga ma basa be anishito, ŋkpal shiŋkafa nɛ ajibi gbrɛbi nɛ menyeeŋ nya so. Ma basa kaa bee nu efɛ so, men bɔla efɛ so m mɔ basa nɛ b daŋ maŋ daga luwu nseŋ shin nɛ bumo nɛ b daga luwu bre ji efute.”

Eemɔs 5:7

Menyeeŋ mur cheche, ŋkpal manɛ so menyee kilgi kashenteŋ nna a buu nsaa wɔtɔ a puni basa!

Maika 3:2

ama men kishi alela be kebaa wora nna nsaa sha alubi be kebaa wora. Men wɔtɔ nna a debɔr ma basa nsaa jija bumo be atre fanɛ kananɛ baa luu kusɔbɔya be kawɔl nsaa marga kumo be eblaŋ ashi awibi so na.

Habakuk 1:4

Mbra na maŋ kɔ eleŋ nɛ tɔnɔ kikɛ. Ekama malɛ maa ji asheŋ nɛ amo be ekpa so. Basa lubi e naa ji a bri basa niŋiso a shin nɛ kashenteŋji maŋ naa wɔtɔ.

Malakai 2:17

Men shin nɛ menyi be mmalga fi Enyɛnpe Ebɔrɛ, ama le nɛ menyee bishi: “Nuso nɛ anyi be mmalga wora n fi mo? Ŋkpal men ka bee kaŋɛ fanɛ Enyɛnpetale na bee fɛ fanɛ belubiworapo bre e walɛ so, nseŋ naa kaŋɛ fanɛ bumo be asheŋ bee par mo so.” Kumo be kaman nɛ men naa kaŋɛ le: “Nnɛ nɛ Ebɔrɛ nɛ e bee ji asheŋ nɛ amo be ekpa so na wɔ?”

Malakai 3:15

Naniere bre, ŋkpensheŋ wuraana na nɛ anyeeŋ kaŋɛ fanɛ baa nya nɛfa. Belubiworapoana gba bee wora Ebɔrɛ nna a keni nsaa ta bumo be amu a ji.’ ”

Luuk 16:15

Nɛ e kaŋɛ bumo le: “Menyi e naa sha fanɛ basa e baa tre menyi basa lela, ama Ebɔrɛ nyi menyi be ŋgbene to be nfɛra. Asɔ nɛ durnya ere to ebi malɛ bee bunyaŋ a fɛ fanɛ a la asɔ lela na maŋ la shɛŋ Ebɔrɛ be anishito.”

Ditɛronɔmi 25:1

Nɛ menyi to be benyɔ nya kesheŋ nseŋ yɛr kumo demujikpa nɛ b ji kumo nɛ eko ji m bri mo barkasa,

2 Pita 2:1

Kananɛ anebi fɛpoana daŋ lar n luri dra na to ebi to na, loŋ koŋwule na nɛ beŋinipo fɛpoana beeŋ lar n luri menyi to. Baaŋ ŋana m bar efɛ be keŋiniana nɛ a bee mur basa nseŋ kini Enyɛnpe nɛ e sɔ bumo n yige na, saŋɛ na so n ta kemur purgiase m bar bumo be amu.