Aizaaya 5:17 - EBƆRƐ BE KAWƆL

¹⁷ Ndegboŋana na be alambure to nɛ mbolpɔ fɔlbi nɛ mboe fɔlbi beeŋ ta ŋ ki amo be ejikpa a ji afitiri.

Aizaaya 5:17 ပူးပေါင်းရင်းမြစ်များ

Nehemaya 9:37

Kasawule na malɛ be asɔrso lela kikɛ ki bewura nɛ fo lara fanɛ b baa ji kuwura anyi so ŋkpal anyi be alubi so na peya nna; bumo alɛ naa ji eleŋ anyi nɛ anyi be asɔbɔya so, ŋkpal loŋ so an wɔ kagbenejija to nna.”

Nshɛ 119:70

B maa pin fo asheŋ to, ama ma ere be kagbene bee fuli fo mbra so nna.

Nshɛ 17:10

B maa wu kuwɔr nsaa ji njɔŋ.

Nshɛ 17:14

Enyɛnpe Ebɔrɛ ta fo enɔ lempo na m mɔlga ma ashi loŋ be basa be enɔ to. Basa nɛ durnya ere be kebaawɔtɔ nawule la bumo be tɔnɔ. Fo e naa sa basa nɛ fee sha ajibi; bumo be mbia beeŋ nya n ji kanaŋkama so, nɛ bumo nanabiana gba e nya n ji kanaŋkama so.

Nshɛ 73:7

Asheŋ lubi nawule e naa shi bumo be ŋgbene to a lar, nɛ ŋkre lubi malɛ bɔlɔ bumo be nfɛra to.

Aizaaya 1:7

Menyi be efuli na kikɛ mur nɛ esa kikɛ maŋ naa wɔ kumo so nɛ kumo be ndegboŋana na chɔɔ a dese fuloŋ. Men yil a keni nna nɛ befɔ ta menyi be kasawule nseŋ mur kusɔ kama cheche.

Aizaaya 10:16

Enyɛnpetale Ebɔrɛ na beeŋ shin nɛ kulɔ lubi e tɔr fo nɛ fo benapo so nseŋ shin nɛ fo eyur e bel edɛ fanɛ k ka bee suse ashi fo kuwurpiŋi to na.

Aizaaya 17:2

Siriya be efuli so be ndegboŋ beeŋ ki nde nɛ ekama shile ka amo nɛ a dese fuloŋ. A beeŋ ki mbolpɔ nɛ ana be ejikpa nɛ esa kikɛ maaŋ baa ju amo a lar ndoŋ.

Aizaaya 32:14

Basa beeŋ shile n lar ewurkpa ŋ ka kumo fuloŋ nɛ basa be elaŋ nɛ ebu lempoana nɛ a daa kuŋ basa na kikɛ e ki alambure a dese hale mbaanaayɔ. Kumo be kaman nɛ ndoŋ e ki ekurma be epelkpa nɛ mbolpɔ be ejikpa.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 65:10

Kumo be kaman nɛ b baa shuŋ ma, Enyɛnpe Ebɔrɛ na ashi ndoŋ nsaa kpa bumo be mbolpɔ nɛ ana a yɔ Sharɔn be keplasawule nɛ k wɔ kasawule na be epeŋitɔrkpa be kaba so nɛ b ya ji afitiri lela nɛ Akɔ be Ketaŋɛ nɛ kumo alɛ wɔ epeŋilarkpa be kaba so na so.

Aizaaya 7:25

Ewidibi be yiri yiri beeŋ kɔr n sɔ apreŋsawule kama nɛ men daa dɔ so nɛ esa kikɛ maaŋ naŋ yɔ amo so. A beeŋ ki mboŋ nɛ ana nɛ mbolpɔ beeŋ baa ji.”

Jɛremaya 5:28

nseŋ naa ji a daŋ apurfu na. Bumo be asheŋ lubi maŋ kɔ ekar. B maa sa amunibi asɔ nɛ e daga bumo ŋko a ji a chɛ betirpo nɛ b kɔ kashenteŋto.

Nfabel 5:2

Anyi be kasawule laŋɛ basa pɔtɛ be enɔ to; nɛ befɔ sɔ anyi be nwu n chena to.

Hoziya 4:16

Israɛlebi ki basa kpeŋso nna fanɛ ekurmanyɛn. Nuso gba nɛ meeŋ wora ŋ keta bumo n yɔ keji to ashi kupuŋ to fanɛ mbolpɔbi?

Hoziya 8:7

Men baŋ maŋ du ayu nseŋ du afu, kawuliwuli nɛ menyeeŋ teŋi. Ayu baaŋ maŋ bel a maaŋ tiŋ n wul kude. Nɛ men baŋ teŋi ayu gba, bedoŋ beeŋ ba sɔ amo ŋ ka menyi.

Maika 2:12

Ma, Enyɛnpe Ebɔrɛ na e naa nase kɔnɔ, fanɛ meeŋ naŋ bar ma basa Israɛlebi, nɛ baaŋ ji efute na abar so. Meeŋ gama bumo abar so fanɛ mbolpɔ ka wɔ kuluu to, saŋɛ na so basa beeŋ wora keshi n sɔ kasawule na so kikɛ.

Zefanaiya 2:14

Ndoŋ beeŋ ki asɔbɔya be yiri kikɛ be edesekpa. Egbuŋgbula be yiri kikɛ beeŋ baa jɔŋɛ egbal bure so na so nsaa shu a wɔtɔ etokuro to. Baaŋ gboŋi sida be ndibi nɛ b ta m buu nwu na so na kikɛ.

Zefanaiya 2:6

Menyi be kasawule nɛ k dese teku ase na beeŋ ki kakpa nɛ mbolpɔkpapo beeŋ baa yuu bumo be ebuana nɛ mbolpɔ be aluu.

Luuk 21:24

Basa beeŋ ta etokobi m mɔ bumo be beko nɛ efuliana so ebi kikɛ e pɛ bumo be beko anya n yɔ bumo be efuliana so nɛ nnyamase e mur Jerusalɛm kikɛ nyam. K beeŋ ba du loŋ nna hale nɛ nnyamase na be eleŋ be jemanɛ e ya choŋ.

Ditɛronɔmi 28:33

Efuli pɔtɛ so be basa beeŋ ba suge menyi be adɔjibi nɛ men gben n dɔ n nya na. Menyi maaŋ naŋ nya shɛŋ ama kɔrfɛ nɛ kamɛaŋ nawule.

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.