Aizaaya 5:16 - EBƆRƐ BE KAWƆL

¹⁶ Enyɛnpetale Ebɔrɛ na bre bee wora kusɔ nɛ k daga nna a ŋini mbe keshi, nsaa ji mbe basa demu a lara mbe kecheembiya efuli.

Aizaaya 5:16 ပူးပေါင်းရင်းမြစ်များ

1 Kronikɛls 29:11

Fo kuwurgboŋ nɛ eleŋ nɛ kemaŋkura nɛ kuwurji wɔtɔ nna mbaanaayɔ. Fo e kɔ esoso nɛ kasawule so kikɛ be eleŋ nsaa ji kusɔ kama so kuwura.

Nshɛ 21:13

Enyɛnpe Ebɔrɛ, kemaŋkura e baa la fo peya. Anyeeŋ boŋ nshɛ m maŋkura fo ŋkpal fo eleŋgboŋ na so.

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Nshɛ 9:16

Enyɛnpe Ebɔrɛ be kebaaji asheŋ nɛ amo be ekpa so nɛ baa ta a pin mo. Ama alubiworapoana gbagba be alubi e naa kilgi a ji bumo.

Aizaaya 12:4

Kachako bee ba nɛ basa e boŋ kashɛ ŋ kaŋɛ le: “Ta kechɔrɔ n sa Enyɛnpe Ebɔrɛ na! Tre mo fanɛ e chɛ fo to! Kaŋɛ efuliana na kusɔ nɛ e wora! Kaŋɛ bumo kananɛ e shi be asheŋ!

Aizaaya 2:11

Enyɛnpe Ebɔrɛ na kaŋ ba, baaŋ bar esa kama nɛ e bee fɛ fanɛ e shi ga, ŋko ekama nɛ e bee maŋ mbe kumu so, kaseto. Enyɛnpe Ebɔrɛ na nawule e naaŋ nya kemaŋkura loŋ be kachɛ na.

Aizaaya 2:17

Kachɛ na kaŋ fo, baaŋ bar esa kama nɛ e bee maŋ mbe kumu so nɛ ekama nɛ e bee fɛ fanɛ e shi ga kaseto. Enyɛnpe Ebɔrɛ na nawule e naaŋ nya kemaŋkura.

Aizaaya 2:9

Amoso, bumo kikɛ beeŋ ŋaba nseŋ ji anishinyɔr. Enyɛnpe Ebɔrɛ, sa maŋ ta m paŋ bumo!

Aizaaya 28:17

Kewora asheŋ nɛ amo be ekpa so nɛ asheŋ niŋiso e naaŋ baa la efɔl nɛ meeŋ baa ta a kargaso a pɔr nɛ k baa niŋi. Bɔrɛjembubi nɛ bɔrɛchu beeŋ bɔlɔ m mur efɛsheŋ nɛ men ta a kuŋ menyi be amu na nseŋ sulɔ amo kikɛ n ya lɛ.”

Aizaaya 29:23

Men kaŋ wu mbia nɛ meeŋ sa menyi na pɔɛŋ nɛ menyeeŋ pin fanɛ ma e la Israɛl be Ebɔrɛ cheembi na. Saŋɛ na so menyeeŋ maŋkura ma nseŋ bunyaŋ ma.

Aizaaya 30:18

Ama amo nɛ amo kikɛ Enyɛnpe Ebɔrɛ na kraa jo nɛ e wu menyi kuwɔr nna. E wora shiriya nɛ e shu menyi so ŋkpal e kaa bee wora asheŋ nɛ a daga jemanɛ kikɛ na so. Kagbenefuli la bekama nɛ bumo be yirda wɔ Enyɛnpe Ebɔrɛ na to na peya nna.

Aizaaya 33:10

Ndoŋ nna nɛ Enyɛnpe Ebɔrɛ na kaŋɛ efuli pɔtɛana na le: “Naniere meeŋ wora kusɔ ko ŋ ŋini ma eleŋgboŋ.

Aizaaya 33:5

Enyɛnpe Ebɔrɛ na e chɔ esa kikɛ nsaa ji kuwura kusɔ kama so. E beeŋ shin nɛ kashenteŋji nɛ asheŋ niŋiso be kebaawora e bɔlɔ Jerusalɛm to.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 6:3

Bumo alɛ daa ponte awɔrso nna a shoŋi abar a kaŋɛ le: “Enyɛnpetale Ebɔrɛ na nawule e du cheembi! Mbe kemaŋkura e bɔlɔ durnya kikɛ nyam to.”

Aizaaya 61:8

Ŋkpal manɛ so, Enyɛnpe Ebɔrɛ na bee sha kebaawora asheŋ nɛ amo be ekpa so nna. Ama kasuge nɛ kapuni bre, e kishi amo. Mo e nase mbe basa kɔnɔ kashenteŋto fanɛ e beeŋ nɛfa bumo mbaanaayɔ na.

Aizaaya 8:13

Baa nyiŋi fanɛ ma, Enyɛnpetale Ebɔrɛ na du cheembi nna. N nawule e daga fanɛ fo baa ŋana ga nsaa sa ma bunyaŋ.

Ezikɛl 20:41

Jemanɛ nɛ meeŋ naŋ lara menyi efuliana nɛ men pesaŋ to n yɔ to m bɛta m ba gama abar so na, ma kagbene beeŋ naŋ fuli menyi so nɛ n sɔ menyi be esarga fanɛ duwu nɛ a bee dufɛ viim na. Ndoŋ nɛ efuliana na kikɛ beeŋ wu fanɛ n du cheembi nna.

Ezikɛl 28:22

Kaŋɛ basa nɛ b wɔ ndoŋ na fanɛ kusɔ nɛ ma, Enyɛnpetale Ebɔrɛ na kaŋɛ a laŋɛ bumo be kaplɛa so e la fanɛ, Sidɔn be basa, ŋ ki menyi doŋ nna na. Basa malɛ beeŋ maŋkura ma ŋkpal kusɔ nɛ meeŋ wora menyi so. Ŋ kaŋ gberge menyi kusoe ŋ ŋini ma kecheembiya na nɛ basa beeŋ pin fanɛ ma, e la Enyɛnpe Ebɔrɛ na.

Ezikɛl 28:25

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Meeŋ bɛta Israɛl be basa na n shi efuliana nɛ n daŋ pesaŋ bumo to n yɔ na m ba nɛ efuliana na kikɛ e pin fanɛ n du cheembi nna. Israɛl be basa na beeŋ naŋ ba chena bumo gbagba be kasawule so, kumo nɛ n ta n sa ma kayɛrbi Jeekɔb dra dra na.

Ezikɛl 36:23

Ŋ kaŋ lara kecheembiya nɛ k wɔ ma ketregboŋ nɛ men ŋaba ashi efuliana na so na ŋ ŋini bumo na nɛ baaŋ pin fanɛ ma e la Enyɛnpe Ebɔrɛ na. Ma, Enyɛnpetale Ebɔrɛ na e kaŋɛ, fanɛ men bɔla menyi so ŋ ŋini efuli pɔtɛana na fanɛ n du cheembi nna.

Ezikɛl 38:16

ŋ kre m ba buu bumo so fanɛ bɔrɛfugboŋ ka ba kasawule na so na. Jemanɛ na kaŋ fo, meeŋ shin nɛ men kɔ m pɔɔ ma kasawule so nɛ efuliana na e pin esa nɛ e la ma ashi kusɔ nɛ meeŋ bɔla menyi so n wora a ŋini ma kecheembiya na.”

Ezikɛl 38:23

Kananɛ meeŋ ŋini efuliana na kikɛ ma keshi nɛ kecheembiya nna na. Aloŋ nɛ baaŋ pin fanɛ ma e la Enyɛnpe Ebɔrɛ na.”

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Nɔmbɛs 20:13

Israɛlebi na daŋ fubel m bile asheŋ nna m malga ŋ gbiti Enyɛnpe Ebɔrɛ na, nɛ e ŋini bumo mbe kecheembiya be eleŋ nseŋ sa bumo nchu nɛ b nuu nseŋ nase kakpa na be ketre Mɛriba. Mɛriba be kifito e la kefubel m bile asheŋ.

Romebi 2:5

Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.

1 Pita 1:16

Ŋkpal manɛ so, abɔrɛsibɛ na bee kaŋɛ fanɛ Ebɔrɛ kaŋɛ: “Men baa du cheembi, ŋkpal manɛ so, n du cheembi nna.”

1 Pita 2:15

Ŋkpal manɛ so, kusɔ nɛ k bee par Ebɔrɛ e la fanɛ men baa wora kelela, nɛ loŋ e tiŋ n shin nɛ bumo nɛ b maŋ nyi nsaa malga kawuliso be mmalga na e lo bumo be nnɔ.

1 Pita 3:15

Ama men baa sa Kristo bunyaŋ fanɛ Enyɛnpe ashi men be ŋgbene to. Men baa wora shiriya saŋkikɛ a jo esa kama nɛ e beeŋ ba bishi menyi tama mo nɛ men kɔ ere be kifito, nɛ men kaŋɛ mo.

Kelaraŋŋini 3:7

Nɛ e kaŋɛ: “Sibɛ kawɔl ere n sa Filadɛlfia be kade to be asɔri be malaika na ŋ kaŋɛ mo le: ‘Mmalga ere shi ma, emo nɛ e du cheembi nsaa la kashenteŋwura nsaa kɔ Ewura Deevid be sɔfi to na kutɔ nna. Kusɔ nɛ m bugi, esa kikɛ maaŋ tiŋ n ti kumo, kusɔ kama malɛ nɛ n ti, esa kikɛ maaŋ tiŋ m bugi kumo.

Kelaraŋŋini 4:8

Asɔbɔya keniso ana na be kekama daa kɔ atɛ ashe nna nɛ anishi malɛ sɔ bumo be eyurana kikɛ so hale bumo be atɛana to kikɛ. Kapa nɛ kanyɛ b daa maa lo to kikɛ, b daŋ baa boŋ le nna: “Enyɛnpetale Ebɔrɛ e la cheembi cheembi cheembi. Mo e daa wɔtɔ nseŋ kraa wɔtɔ ŋkeŋ naa ba na.”