Aizaaya 5:14 - EBƆRƐ BE KAWƆL

¹⁴ Bubuni wora shiriya nna m bela ase a jo Jerusalɛm to be bejuŋkparpoana na nɛ jimaŋ damta nɛ baa cha awɔr na, fɔŋfɔŋ bumo nɛ baa puchi kadegboŋ na so na.

Aizaaya 5:14 ပူးပေါင်းရင်းမြစ်များ

Nshɛ 49:14

B du fanɛ mbolpɔ nna nɛ luwu bee kpa bumo a yɔ bumo be nchaŋ to. Ebɔrɛ be basa e naŋ ji bumo so kuwura chipurso nɛ bumo be eyurana e baa dese nchaŋ to a bɛ.

Nshɛ 55:15

Alubi e naa ji bekama nɛ b kishi ma na so eleŋ. Amoso shin nɛ luwu e purgi bumo nɛ b yɔ nchaŋ to nɛ b kraa keni.

Aŋasa 1:12

n shin nɛ bumo nɛ b kɔ eleŋ nɛ alenfia na e ki bubuni n luri nchaŋ to.

Aŋasa 27:20

Kananɛ luwu nɛ nchaŋ maa moɛ na, aloŋ nɛ dimɛdi maa nya asɔ a moɛ.

Aŋasa 30:16

Amo e la, nchaŋ, nɛ eche egbentepo, nɛ kasawule wɔlso, nɛ edɛ nɛ esa maaŋ naŋ tiŋ n duŋ.

Aizaaya 14:11

Ejaŋjilaŋ nɛ b daa ta a boŋ nshɛ a maŋkura fo, ama naniere fo e ba bubuni to na. Ashushombi e ki fanɛ fo kusɔ dese so nɛ echɔnchɔŋ malɛ ki fanɛ keta m buu fo so na.”

Aizaaya 14:9

Bumo nɛ b wɔ bubuni to wora shiriya nna a jo nɛ b keta Babilɔn be efuli so be ewura kefɔ. Bewura dra nɛ b ji eleŋ ga durnya to na ka nu mbe keba bumo kutɔ ashi bubuni to na be asheŋ, bumo be ŋgbene fuli nna.

Aizaaya 21:4

Ndoŋ nna nɛ ma nfɛra wul ma to nɛ kufu pɛ ma ga nɛ mee chicha. N daa yɛlga fanɛ kaaseso e fo manaŋ nna nɛ ma eyur e wushi ma, ama kaaseso ka fo nɛ kusɔ nɛ k chɔ loŋ naŋ tu ma.

Aizaaya 24:8

Kagbenefuliso be nshɛ nɛ b daa laŋ ejaŋjilaŋ nɛ ŋkure a boŋ na kikɛ kuu.

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Ezikɛl 7:12

Saŋɛ na bee ba. Kachɛ na taga to. Amoso esa nɛ e bee tɔ asɔ e sa maŋ shin nɛ mbe kagbene e baa fuli mo, esa nɛ e bee fa malɛ gba be kagbene e sa maa jija mo, ŋkpal manɛ so ma agbo bee ba ekama so nna.

Danɛl 5:30

Loŋ be kanyɛso gbagba nɛ b mɔ Babilɔn be ewura Bɛlshaaza na.

Nahum 1:10

Baaŋ baa du fanɛ besanuupo nɛ b nuu nsa ga nɛ a pɔɔ bumo so nna; ŋko ajinjɛ nɛ atuweklaŋ nɛ a mel abar to nɛ edɛ chɔɔ amo m mur na nna.

Habakuk 2:5

Kedamaya bre bee fule esa nna. Kejimuniwuraana bee wu bumo be amu nna ga, bumo alɛ maa wushi kikɛ. B du fanɛ luwu nɛ k maa mɔ a moɛ nna. Amoso b baŋ kɔ m pɔɔ efuli ko so n sɔ kumo, b naa yɔ kenyɔsopo so nna.

Matiu 7:13

Men bɔla kabunabi na to n luri. Ŋkpal manɛ so, ekpa nɛ k bee yɔ kemur be kakpa na kpalga to nna nɛ kumo be kabuna gba kpalga to. Nɛ basa nɛ baa bɔla kumo so a luri na malɛ shi.

Luuk 17:27

Basa daa wɔtɔ nna a ji a nuu nɛ benyɛn bee ta beche nɛ beche malɛ bee yɔ kakil to hale loŋ nɛ kachako nɛ Nowa ya luri ekuloŋgboŋ na to nɛ nchugboŋ na ba mur bumo kikɛ nyam.

Luuk 21:34

Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.