Aizaaya 5:12 - EBƆRƐ BE KAWƆL

¹² Ejaŋjilaŋ nɛ echakachaka nɛ nlopi nɛ yabra nɛ menyee ta a ji menyi be amu ashi menyi be kasanuu be kejigboŋana to, ama menyi maa kaa fɛ asɔ nɛ Enyɛnpe Ebɔrɛ na wora be asheŋ.

Aizaaya 5:12 ပူးပေါင်းရင်းမြစ်များ

Jɛnesis 31:27

Manɛ e ba nɛ fo ŋana ma so n shile? Manɛ e ba nɛ fo daa maŋ kaŋɛ ma nɛ n shin nɛ an ta kagbenefuli nɛ alaŋsɔ m boŋ nshɛ n cha n shuŋi fo ekpa?

2 Samuɛl 19:35

Yiramu! Ma nfɛ aduburwa nna na. Shɛŋ shɛŋ malɛ maŋ naa yɛlga ma. Ajibi ŋko asɔnuuso kikɛ maŋ naa wora ma ebel. Ma alɛ maŋ naa nu nshɛ gba be ebel, amoso maa sha keki esulɔ n sa fo.

Job be kawɔl 34:27

ŋkpal b ka yige kebaabɛ mo so nseŋ kplaŋ mbe mbra kikɛ so so.

Nshɛ 28:5

Bumo be shɛŋ maŋ wɔ Enyɛnpe Ebɔrɛ be asheŋ to. Amoso e beeŋ gberge bumo kusoe nseŋ mur bumo cheche.

Aizaaya 22:13

Ama men daa maŋ nu n sa Enyɛnpe Ebɔrɛ na nsaa ji eyur. Men daŋ mɔ mbolpɔ nɛ ana nna a ji nsaa nuu yabra. Ade kikɛ be kaman nɛ men kaŋɛ le: “Men shin nɛ an ji nseŋ nuu kabre! Ŋkpal manɛ so echefo nɛ an wu n choŋ.”

Aizaaya 24:8

Kagbenefuliso be nshɛ nɛ b daa laŋ ejaŋjilaŋ nɛ ŋkure a boŋ na kikɛ kuu.

Aizaaya 29:1

Asheŋ maaŋ nyalɛ n sa Jerusalɛm, kakpa nɛ ma bɔrɛsure na wɔ nɛ k la kadegboŋ nɛ Deevid daŋ chena kumo to na! Kumo to be basa beeŋ tiŋ a ji bumo be nchɛgboŋ kafɛ kafɛ kikɛ.

Aizaaya 5:19

Le nɛ menyee kaŋɛ: “Shin nɛ Enyɛnpe Ebɔrɛ na e nya manaŋ n wora kusɔ nɛ e yɛ e beeŋ wora na ai, saŋɛ na so anyeeŋ wu kumo. Shin nɛ Israɛl be Ebɔrɛ cheembi na e wora asheŋ nɛ e kre na ai; n shin nɛ an wu kusɔ nɛ k wɔ mbe nfɛra to.”

Aizaaya 56:12

Kusɔ nɛ basa nɛ baa boo nsa bee kaŋɛ e la fanɛ men shin nɛ an ya nuu nsa m boo kananɛ anyee sha. Echefo peya e baa chɔ kabre peya!”

Ezikɛl 26:13

Nɛ n shin nɛ nshɛ nɛ menyee boŋ a cha awɔr na e ku nɛ esa maaŋ naŋ nu menyi be ejaŋjilaŋ be kushu kikɛ.

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Luuk 16:19

Kamalga ere be kaman nɛ e naŋ bɔ keŋasa ere ŋ kaŋɛ: “Damawura ko e daa wɔtɔ a buu yawu kpakpaso be asɔbuuso lela peper mɔlmɔlbi ko a wɔtɔ a ji ajibi belbelso damta kachɛ kama.

1 Kɔrintebi 14:7

Hale alaŋsɔ fanɛ kalopi nɛ jaŋjilaŋ nɛ a maŋ kɔ ŋkpa ere gba, nɛ b maŋ foŋ ŋko n laŋ amo amo be ekpa so, nuso nɛ feeŋ wora m pin amo be kushu ka wɔ ebel?

Juud 1:12

Nɛ le be basa ere baŋ tu menyi n chena kakpa nɛ asɔriebi bee shɛr a ji a ŋini abar kasha, k du fanɛ asɔ lubi ka do kusɔ fuful so nna. Baa paŋ anishinyɔr nna a tase a ji a nuu a keni bumo nawule be amu so. B du fanɛ bɔrɛ ka mɔl nna nɛ afu ta awɔlpa na n choŋ nɛ bɔrɛ na gboŋi na nna. K maŋ kɔ tɔnɔ kikɛ kuraa. B naa du fanɛ ndibi sɔrso mo nɛ a maŋ kɔ asɔrso amo be kesɔr be saŋɛ na nna, amoso, b du fanɛ ndibi mo nɛ a wu nɛ b tia amo nna nɛ k ki fanɛ a wu nna na kuraa.

1 Samuɛl 12:24

Men baa nu a sa Enyɛnpe Ebɔrɛ na nsaa ta menyi be ŋgbene kikɛ a shuŋ mo nsaa nyiŋi asheŋgboŋ damta nɛ e wora n sa menyi na.