Aizaaya 5:10 - EBƆRƐ BE KAWƆL

¹⁰ Yabra belbelso fanɛ egalɔn ashe nawule nɛ esa beeŋ nya ashi ndibi sɔrso be kudɔ nɛ k fo fanɛ nto adunyɔ be kasawule so, nseŋ nya ayu beeŋ wora ekurwa kuduaburwa nawule ashi ayuduu ekurwa kalfa nɛ aduburwa nɛ e ta n duu to.”

Aizaaya 5:10 ပူးပေါင်းရင်းမြစ်များ

Ɛksodɔs 37:22

B daŋ ŋalga shuwa gbagba nna n lɔŋɛ kefitilatɔl na nɛ kumo be ayabi na, nɛ amo kikɛ la kukoŋwule.

Aizaaya 32:13

nɛ ewi be yiri yiri kɔr ma basa be nsawule so so. Men baa shu anishichubi ŋkpal kagbenefuli nɛ k maŋ naa wɔ basa be elaŋ to ashi kadegboŋ nɛ kebaawɔtɔ daa nite nɛnɛ kumo to na so.

Aizaaya 7:23

Jemanɛ na kaŋ fo, ewi nɛ egɔnnyaŋɛ beeŋ sɔ ndibi sɔrso be adɔ lelaana nɛ amo to be kekama kɔ ewaindibi nɛ a fo kagboŋ nɛ amo be amansherbi beeŋ fo fanɛ gbiti be ndarbi kagboŋ na kikɛ to.

Jɛremaya 48:33

Kagbenefuli nɛ kagbenewushi maŋ naa wɔ basa to ashi Mowab be adɔsawule nɛ ndibisɔrso be adɔana so ŋkpal b ka maŋ naa nya adɔjibi nɛ greeps, a wora yabra so.

Jowɛl 1:17

Asɔduuso malɛ wɔ shishɛr wɔlso to a wu. Asɔduuso kama malɛ maŋ naa wɔtɔ nɛ an ta n yili echefoso. Amoso mpuroana kikɛ yil a jija.

Levitikɔs 26:26

Meeŋ ti ekpa nɛ menyee bɔla so a nya ajibi na, saŋɛ na so beche kudu beeŋ baa tɔ bumo be ebodobodo ashi ebodobodo be ebu koŋwule to. Baŋ baa karga amo nna a sa ekama, nɛ men we amo n loge gba, men kraa maaŋ moɛ.

Levitikɔs 27:16

Nɛ esa ko ku mbe kanaŋ be kasawule be kaba n nase kɔnɔ n sa Enyɛnpe Ebɔrɛ na, k ki kusɔ cheembi nna na. Bɔrɛmatapo na beeŋ yili aduuso nɛ a beeŋ fo n duu kasawule na so nna ŋ ku kumo be yawu. Yawu na malɛ beeŋ baa la fanɛ ayu duuso kurwa adunyɔ kikɛ la gbiti be ndarbi kudu nna.

Heegai 1:6

Men duu asɔ damta, ama asɔ gbrɛbi nɛ men teŋi. Menyee ji ga, ama menyi alɛ maa moɛ. Menyee nuu nchu ga, ama a maa tuge menyi achukoŋ. Menyee buu asɔbuuso, ama men kraa shu awo. Beshumpo bee shuŋ a nya kakɔka, ama k du fanɛ b kaa bee ta amo a wɔtɔ ekɔlgu nɛ a futi to nna.”

Heegai 2:16

ekama nɛ e daa yɔ aboyu nɛ e buri n nase ase daa tama kenya aboyu fanɛ ebɔtɛ anyɔ nna, ama e daa nya bɔtɛ koŋwule nna. Esa beeŋ yɔ yabra to a tama kenya ekɔlba kalfa be bɔlɔ bɔlɔ, ama e bee nya ekɔlba adena nna.

Ditɛronɔmi 28:38

Menyeeŋ dɔ n duu asɔduuso damta, ama gbrɛbi nɛ menyeeŋ teŋi. Elotɔr e naaŋ baa ji men be adɔjibi.

Ditɛronɔmi 28:39

Menyeeŋ dɔ ndibi sɔrso be adɔ nseŋ keni amo so nɛnɛ, ama menyi alɛ maaŋ nya amo be asɔrso n chuge ŋko n nya amo be yabra belbelso n nuu. Kumo be kaman nɛ ashushombi e ji ndibi na gbagba.