Aizaaya 5:1 - EBƆRƐ BE KAWƆL

¹ Men kaŋ asoe n nu kashɛ nɛ mee shin nɛ m boŋ n sa menyi ere. K la n teri ko nɛ mbe ndibi sɔrso be kudɔ be asheŋ be kashɛ nna. N teri na daa kɔ ndibi sɔrso be kudɔ nɛ k daa wɔ kepreŋsawule nɛ k bee wora asɔ nɛnɛ so nna.

Aizaaya 5:1 ပူးပေါင်းရင်းမြစ်များ

Nshɛ 101:1

O Enyɛnpe Ebɔrɛ, meeŋ boŋ kashɛ a laŋɛ fo kasha nɛ keji asheŋ nɛ amo be ekpa so be kaplɛa so.

Nshɛ 45:1

Ŋ kɔ mmalga lela ma nfɛra to nɛ n sa ewura. Meeŋ ta ma kudonduloŋ m boŋ amo fanɛ kananɛ esibɛpo lela bee ta kelembi a sibɛ na.

Nshɛ 60:5

Enyɛnpe Ebɔrɛ, nu anyi be kekule nseŋ ta fo enɔ lempo na m mɔlga anyi nɛ an la fo basa shaso na.

Nshɛ 80:8

An du fanɛ asɔrso nɛ baa tre greeps na be kefeelebi nna, nɛ fo keta anyi n lar Ijipt be efuli so nseŋ ba ju efuli pɔtɛana so be basa n lɛ nseŋ ta anyi n fɛa bumo be kasawule so.

Sɔlɔmɔn 2:16

Ma eshapo la meya nna, nɛ ma alɛ gba la mo peya; Atoto nɛ baa tre lili na be kakpa nɛ e bee yɛr mbe asɔbɔya kejito.

Sɔlɔmɔn 5:16

Mbe kɔnɔ be kepipe wɔ ebel nna, nɛ mbe kusɔ kama malɛ bee par ma. To, Jerusalɛm be beche, kananɛ n jipo nɛ ma eshapo na du nna na.

Sɔlɔmɔn 5:2

Mee di nɛ ma kagbene maa di. Ŋ ku edare fanɛ n jipo ka ba ŋmɛa ma kukuloŋ. N jipo nɛ ma eshapo, nɛ fo du fanɛ lepɔ, bugi ma nɛ n luri; ŋkpal manɛ so bunyaŋ tɔr ma so nna; nɛ ma kumu nɛ ma emin kikɛ pɔ.

Sɔlɔmɔn 6:3

N la n jipo peya nna nɛ n jipo malɛ gba la meya. E bee sa mbe mbolpɔ ajibi ashi atoto nɛ baa tre lili na be kudɔbi na to nna.

Jɛremaya 12:10

Juda du fanɛ ma ndibi sɔrso be kudɔ nna. Bewura damta nɛ b shi efuli pɔtɛana so e ba mur ma ndibi sɔrso be kudɔ. B chichi ma adɔsawule so nna n jija ma asɔduuso, nseŋ shin nɛ ma kasawule nɛ k walɛ a par ma na ki keshishɛrsawule a dese fuloŋ.

Jɛremaya 2:21

N daŋ lara menyi nna nɛ men baa la ndibi sɔrso be kudɔ lela nɛ k beeŋ baa sɔr asɔrso lela nɛnɛ a sa ma, ama men keni basa men ki naniere! Men ki fanɛ ndibi sɔrso be kudɔ nɛ ekama maa keni so nɛ k ki kupuŋ nn, a maaŋ naŋ tiŋ a sɔr kusɔrso koŋwule gba.

Ezikɛl 15:2

“Dimɛdi pibi, Ezikɛl, nuso nɛ baa ta kefeelebi a ber kedibi? Kefeelebi be keyabi nɛ kupuŋ to be kedibi be keyabi be kumo e kɔ tɔnɔ?

Ezikɛl 19:10

Fo nio daa du fanɛ kedibi sɔrso nna nɛ k yil m mata kabombi; K daa sɔr nɛnɛ nna nsaa kɔ ayabi damta ŋkpal k ka daa nya nchu nɛnɛ so.

Hoziya 10:1

Israɛl be basa daa du nna fanɛ asɔrso nɛ baa tre greep na be kefeelebi. B baa dii dama baa pere kenishi nna a pɔr ebɔrɛsure damta. Bumo be adɔjibi baa wora nɛnɛ baa pere kenishi nna a lɔŋɛ kakpa nɛ baa shuŋ agbir na nɛnɛ.

Matiu 21:33

Nɛ Yesu kaŋɛ basa na: “Men naŋ nu keŋasa ko: Kowurnyɛn ko e daa wɔtɔ n dɔ ndibi sɔrso be kudɔ n fɛa asɔ ŋ kulti kumo nseŋ kur asɔrso na be kemaŋ nɛ b baa nyaŋ amo ndoŋ. Kumo be kaman nɛ e yuu kejaŋ jeŋgreŋ ko malɛ. E ka loge ade kikɛ nɛ e ta kudɔ na m bɔɔ paawuraana enɔ fanɛ b baa keni so nseŋ yɔ efuli pɔtɛ ko so.

Maak 12:1

Ade be kaman nɛ Yesu naŋ bɔ bumo aŋasa a kaŋɛ: “Kanyɛn ko e daŋ dɔ ndibi sɔrso be kudɔ n fɛa asɔ ŋ kulti kumo nseŋ kur asɔrso na be kemaŋ nɛ b baa nyaŋ amo ndoŋ. Kumo be kaman nɛ e yuu kejaŋ jeŋgreŋ ko malɛ. E ka loge ade kikɛ nɛ e ta kudɔ na m bɔɔ paawuraana enɔ fanɛ b baa keni so nseŋ yɔ efuli pɔtɛ ko so.

Luuk 20:9

Ade be kaman nɛ Yesu naŋ fara a bɔ keŋasa ere a sa basa na. E yɛ: “Kanyɛn ko e daŋ dɔ ndibi sɔrso be kudɔ nseŋ ta kumo m bɔɔ paawuraana enɔ fanɛ b baa keni so nseŋ yɔ efuli pɔtɛ ko so nɛ e ya wora nchɛnnyɔ.

Baru lela nɛ Jɔn kute na 15:1

Yesu yɛ: “N du fanɛ kedibi sɔrso gbagba nna nɛ n Tuto malɛ la ndibi sɔrso na be ekenipo.

Ditɛronɔmi 8:10

Ade be kaman, menyeeŋ nya asɔ kama nɛ menyee sha n ji nseŋ ta kechɔrɔ n sa Enyɛnpe menyi be Ebɔrɛ na ŋkpal e ka sa menyi kasawule lela so.

Ditɛronɔmi 8:7

Ŋkpal manɛ so, kasawule nɛ k kɔ mbombi nɛ achubu nɛ a bee bɔlɔ a shile a luri ataŋɛ to nɛ kepreŋsawule so kikɛ, nsaa wora adɔjibi ga na so nɛ Enyɛnpe menyi be Ebɔrɛ na kɔ menyi a yɔ so na.