Aizaaya 49:9 - EBƆRƐ BE KAWƆL

⁹ Kumo be kaman nɛ ŋ kaŋɛ basa nɛ b wɔ kabuti to le: “Men lar kabuti to!” Ma alɛ beeŋ kaŋɛ bumo nɛ b wɔ tentembiri to le: “Men lar tentembiri na to m ba kefulto to!” Baaŋ baa du fanɛ mbolpɔ nɛ a bee ji abeemase nna.

Aizaaya 49:9 ပူးပေါင်းရင်းမြစ်များ

Aizaaya 42:16

Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.

Aizaaya 42:7

Fo e naaŋ shin nɛ etanpo be anishi e bugi; Feeŋ sɔ basa nɛ b wɔ tentembiri be kabuti to n yige.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

Luuk 4:18

“Enyɛnpe be Kiyoyu nɛ e kɔ a sa basa kikɛ na wɔ ma so. E lara ma nna n nɛfa ma nɛ m bɔ baru lela na n sa betirpo, mo e shuŋi ma nɛ n ya bɔ kesɔnyige be baru n sa bumo nɛ b ki beko be anya nseŋ bɔ anishi be kebugi be baru n sa betanpo. E yɛ n sɔ bumo nɛ baa mɛaŋ na n yige.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Aizaaya 41:18

Meeŋ shin nɛ elɔr e baa shile abee be awɔlto nɛ abuye e pete a shile ataŋɛ to. Meeŋ shin nɛ keshishɛrsawule e ki fanɛ apa nɛ kasawule wɔlso e ki fanɛ kubuye e shile.

Aizaaya 9:2

Basa nɛ baa nite tentembiri to na wu kefultogboŋ ko. Kumo e la kebaanyi Ebɔrɛ na. Kefultogboŋ na lar nna n fulto n yuu ekama nɛ e wɔ kasawule nɛ k la luwu be tentembiri mina na so so.

Nshɛ 102:20

E daŋ nu basa nɛ b wɔ kabuti to ka bee shu to nna, nseŋ sɔ bumo nɛ b daŋ daga luwu na n yige.

Nshɛ 69:33

Bumo nɛ b maŋ kɔ epe baŋ shu n tre Enyɛnpe Ebɔrɛ na, e beeŋ nu. Mo alɛ maaŋ teŋ mbe basa nɛ b wɔ kabuti to na so.

Kɔlɔsiebi 1:13

An Tuto na sɔ anyi ashi Setani be tentembiri be kuwurji to n yige nseŋ ta anyi n wɔtɔ mo Pibinyɛn shaso na be kuwurji to.

Ɛfesesebi 5:14

Amoso nɛ abɔrɛsibɛ na bee kaŋɛ le na fanɛ: “Edipo koso, niŋi to ŋ koso ashi luwu to nɛ Kristo e nyaŋɛ kefulto n yuu fo so.”

Ɛfesesebi 5:8

Ŋkpal manɛ so, dra na menyi alɛ gba daa wɔ tentembiri to nna, ama naniere bre men wɔ kefulto to nna ashi Enyɛnpe na to. Amoso, men baa wɔtɔ fanɛ basa nɛ b wɔ kefulto to.

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Baru lela nɛ Jɔn kute na 10:9

Ma e la kabuna na, esa kama nɛ e bɔla ma to n luri, beeŋ nya kumɔlga. Mo alɛ beeŋ baa luri a lar a nya ajibi.

Baru lela nɛ Jɔn kute na 8:12

Yesu ka naŋ ya malga basa na kutɔ nɛ e kaŋɛ bumo le: “Ma e la durnya be kefulto. Esa kama nɛ e bɛ ma so maaŋ nite tentembiri to kikɛ, ama e beeŋ baa kɔ kefulto nɛ k bee sa ŋkpa.”

Luuk 1:79

e beeŋ shin nɛ an fara a nya kumɔlga naniere nseŋ nyaŋɛ kefulto ashi ebɔrɛso n yuu bumo nɛ b wɔ tentembiri to nsaa ŋana luwu na so kikɛ n shin nɛ an bɔla kagbenewushi be ekpa to.”

Jowɛl 3:18

Loŋ be kachɛ na ndibi nɛ b kɔ amo be asɔrso a wora nsa na beeŋ wora keshi nɛ asɔbɔya e chase abee so. Juda be efuli so be mbombi malɛ maaŋ naŋ wɔlto kikɛ. Nchu beeŋ shi bɔrɛlambu na to n shile n ya kaa luri ndibi nɛ baa tre akasia nɛ a yil ketaŋɛ to na to.

Ezikɛl 34:29

Ade kikɛ be kaman, meeŋ sa bumo kasawule lela nɛ akoŋ maaŋ naa wɔ kumo so. Efuli pɔtɛana be basa maaŋ naaŋ mushe bumo kikɛ.

Ezikɛl 34:23

Ade kikɛ be kaman nɛ n sa bumo ewura nɛ e beeŋ baa du fanɛ ma kayɛrbi ewura Deevid nɛ e baa kpa bumo nsaa keni bumo so nɛnɛ.

Aizaaya 65:13

Kumo be kaman nɛ Enyɛnpetale Ebɔrɛ na naŋ kaŋɛ le: “Basa kama nɛ baa shuŋ ma nsaa wora ma kasonu na beeŋ nya n ji nseŋ nuu yilayilaso, ama akoŋ nɛ achukoŋ e naaŋ mɔ menyi alubiworapoana bre. Bumo be ŋgbene beeŋ fuli bumo ama menyi ere beeŋ ji anishinyɔr.

Aizaaya 5:17

Ndegboŋana na be alambure to nɛ mbolpɔ fɔlbi nɛ mboe fɔlbi beeŋ ta ŋ ki amo be ejikpa a ji afitiri.

Nshɛ 146:7

Mo e naa ji asheŋ nɛ amo be ekpa so a sa betirpo nsaa sa bumo nɛ akoŋ kɔ kusɔ jiso. Enyɛnpe Ebɔrɛ na e naa lara basa nɛ b ti ebu ashi kabuti to.

Nshɛ 22:26

Betirpo beeŋ ji m moɛ, nɛ bekama nɛ baa bunyaŋ fo na e chɔrɔ fo. Shin nɛ asheŋ e baa nyalɛ a sa bumo saŋkama.

Ditɛronɔmi 32:13

Kumo be kaman nɛ e shin nɛ b ji kuwura abeesawule so, nseŋ naŋ shin nɛ b ji asɔ nɛ b dɔ n nya bumo be adɔ to. B daŋ nya emushoŋ ashi abee so n ji; bumo be ɔlifs be ndibi purge nɛnɛ kejasawule so.

Luuk 2:32

Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”

Aizaaya 48:17

Kusɔ nɛ Enyɛnpe, Israɛl be Ebɔrɛ cheembi, nɛ e mɔlga menyi na kaŋɛ nde: “Ma e la Enyɛnpe menyi be Ebɔrɛ, nɛ mee sha keŋini menyi asheŋ ŋkpal menyi be nɛnɛ so, nseŋ juŋkpar menyi ekpa nɛ menyeeŋ baa bɔla so a wora asheŋ.

Maika 5:4

Ewura na kaŋ ba e beeŋ ta Enyɛnpe Ebɔrɛ na be eleŋ nɛ Ebɔrɛ na be ketre be kemaŋkura n ji kuwura mbe basa so. Mbe basa beeŋ nya kekuŋ gboŋgboŋi, ŋkpal manɛ so, mbe ketre beeŋ dii n yɔ durnya be efuli kama so

Levitikɔs 25:54

Nɛ fanɛ e maŋ nya kesɔnyige akpaana ere be kekama so, a daga fanɛ mo nɛ mbe mbia kikɛ ka nya bumo be amu Kelaŋɛ n sa be Kafɛ nɛ k baa ba na to.