Aizaaya 48:4 - EBƆRƐ BE KAWƆL

⁴ N nyi menyi ka la amu kpakpaso wuraana, menyi be amu du kpakpa nna fanɛ abɛlso, nɛ menyi be nsɔto malɛ du kpakpa fanɛ danyaŋ.

Aizaaya 48:4 ပူးပေါင်းရင်းမြစ်များ

2 Bewura 17:14

Amo nɛ amo kikɛ Israɛlebi na daa maŋ wora kasonu n sa Enyɛnpe Ebɔrɛ na. Bumo alɛ gba daa kɔ asoe kpakpaso nna fanɛ bumo nananyɛnana nɛ b daŋ kini keshuŋ Enyɛnpe bumo be Ebɔrɛ na.

2 Kronikɛls 30:8

Menyi ere e sa maŋ wora amu kpakpaso fanɛ kananɛ men nananyɛnana daŋ wora na, ama men baa nu a sa Enyɛnpe Ebɔrɛ na. Men ba men Nyɛnpe Ebɔrɛ be bɔrɛlambu cheembi nɛ k wɔ Jerusalɛm na to m ba bunyaŋ mo saŋɛ na so e maaŋ naŋ nya agbo n wɔtɔ menyi.

2 Kronikɛls 36:13

Ewura Zɛdikaya daŋ kini kenu n sa ewura Nebukadneeza nɛ e daŋ tintiŋ mo nɛ e bɔ Ebɔrɛ fanɛ e beeŋ bugi kagbene a shuŋ mo na nna. E daa kɔ kumu kpakpaso nna nseŋ kini kechɛrga m bɛta m ba Enyɛnpe Israɛl be Ebɔrɛ na kutɔ.

Nehemaya 9:28

Ama b baŋ nya kayurwushi, baa kilgi nna a wora alubi a da fo so, nɛ fo naŋ ta bumo m bɔɔ bumo doŋana enɔ. Kumo be kaman nɛ b naŋ kule n fin fo kechɛto, ŋkpal fo kuwɔrwu ka shi ga so, fo naŋ laŋɛ m mɔlga bumo.

Nshɛ 75:5

Ma e naa kaŋɛ bumo fanɛ b yige kebaapuchi a malga bumo be keshi be asheŋ.”

Nshɛ 78:8

Bumo ere maaŋ baa du fanɛ bumo nanaana nɛ b daŋ lar Ebɔrɛ kaman nseŋ kini kewora mo kasonu, nɛ bumo be yirda ashi Ebɔrɛ to daa maa yil to kpakpa, nɛ b maŋ ji kashenteŋ n sa mo na.

Ɛksodɔs 32:9

Kumo be kaman nɛ Enyɛnpe Ebɔrɛ naŋ kaŋɛ Mosis: “N nyi kananɛ basa ere kɔ kusoe kpakpaso.

Ɛksodɔs 33:3

Ama ma ere gbagba bre maaŋ naŋ tu menyi n yɔ, nɛ mannɛ aloŋ meeŋ mur menyi ekpa to n loge, ŋkpal men be amukpakpaso so.”

Ɛksodɔs 33:5

B daŋ wora ade kikɛ nna ŋkpal Enyɛnpe Ebɔrɛ na ka daŋ kaŋɛ Mosis le so: “Men la amukpakpasowuraana nna. M baŋ tu menyi n yɔ anishito gbrɛ kama gba, meeŋ mur menyi kuraa, amoso ekama e lara mbe abitasɔ mo so pɔɛŋ nɛ n yili kusɔ nɛ meeŋ wora menyi na.”

Ɛksodɔs 9:7

Ndoŋ nna nɛ Fɛɛro shuŋi m bishi Israɛlebi na kusɔ nɛ k wora bumo to nɛ b kaŋɛ mo fanɛ Israɛlebi na bre be asɔbɔya be kukoŋwule gba maŋ wu. Ama amo nɛ amo kikɛ nɛ Fɛɛro kraŋ wora kagbene kpakpaso ŋ kini keshin nɛ basa na e yɔ.

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Aizaaya 30:9

B wɔtɔ nna a lar Ebɔrɛ kaman nsaa ku efɛ nsaa kini kebaanu a sa Enyɛnpe Ebɔrɛ na be keŋini.

Aizaaya 46:12

Menyi, basa nɛ men be ŋgbene du kpakpa, nɛ menyi nɛ kumɔlga barga abar na e nu nfe!

Jɛremaya 19:15

fanɛ Enyɛnpetale, Israɛl be Ebɔrɛ na yɛ: “Meeŋ shin nɛ kasogberge nɛ ŋ kaŋɛ fanɛ meeŋ bar kadegboŋ ere nɛ nde kama nɛ e kulti kumo na so na kikɛ e ba amo so, ŋkpal menyi be ŋgbene ka du kpakpa nɛ menyi maa nu a sa ma mmalga so.”

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jɛremaya 5:3

Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.

Jɛremaya 7:26

Amo nɛ amo kikɛ men to be esa kikɛ m maa nu a sa ma. Menyi be ŋgbene bee wora kpakpa nna a ti so nɛ menyee kini ma nsaa lar ma kaman gba a chɔ men nananyɛnana na.

Ezikɛl 2:4

Basa nɛ mee shuŋi fo bumo kutɔ ere la ŋgbene kpakpaso nɛ kusoe kpakpa be basa nɛ b maa sa ma bunyaŋ nna. Ya kaŋɛ bumo kusɔ nɛ ma, Enyɛnpetale Ebɔrɛ na kaŋɛ.

Danɛl 5:20

Ama ŋkpal e ka maa wu kuwɔr nsaa kɔ kumu kpakpaso nɛ kamoowu nɛ ŋkpensheŋ so, b daŋ gboŋi mo kuwura nna nɛ e paŋ mbe bunyaŋ be eyilikpa.

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.

Romebi 2:5

Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.

Ditɛronɔmi 10:16

Amoso yili kabre a yɔ, men baa wora Enyɛnpe Ebɔrɛ na kasonu nseŋ yige menyi be ŋkpensheŋ na.

Ditɛronɔmi 31:27

N nyi kananɛ bumo be amu nɛ ŋgbene du kpakpa. Jemanɛ nɛ n wɔ bumo to gba, b lar Enyɛnpe Ebɔrɛ na kaman. Ma luwu be kaman bre baaŋ wora kumo nɛ k chɔ loŋ.

Hibruwebi 3:13

Nɛ saŋɛ baa wɔtɔ nɛ baa tre kabre be saŋɛ, men baa leŋ abar to, saŋɛ na so, alubi be kafulesheŋ kama maaŋ shin nɛ menyi be ekama be kagbene e ki kpakpa.