Aizaaya 48:3 - EBƆRƐ BE KAWƆL

³ Kumo be kaman nɛ Enyɛnpe Ebɔrɛ na kaŋɛ Israɛlebi na le: “Dra dra kikɛ nɛ ŋ kaŋɛ kusɔ nɛ k beeŋ wora; epul na to malɛ nɛ n shin nɛ loŋ wora.

Aizaaya 48:3 ပူးပေါင်းရင်းမြစ်များ

Aizaaya 29:5

Afu beeŋ ber befɔ kama nɛ baa kɔ fo, Jerusalɛm, na n yɔ fanɛ kalabɛr na, nɛ bumo be benapo nɛ bumo be asheŋ kɔ kufu na e firgi n choŋ fanɛ amimi na. Jemanɛ nɛ ekama maa tama fanɛ kusɔ ko beeŋ wora na

Aizaaya 30:13

Men wora n jija. Men ki fanɛ egbal jeŋgreŋ nɛ k yili esoso m baŋɛ m ba fo kaseto nna. Menyi alɛ beeŋ tiŋ n tɔr epul to.

Aizaaya 37:29

N wu fo kamoowu nɛ agbogboŋ na kikɛ. Naniere meeŋ ta dariwa n wɔtɔ fo kamuna to nseŋ ta kebarga n wɔtɔ fo kɔnɔ to. Kumo be kaman nɛ n ta fo m bɔla ekpa nɛ fo bɔla so m ba na m bɛta n yɔ kakpa nɛ fo shi m ba.”

Aizaaya 37:7

Asiriya be ewurgboŋ na beeŋ nu b yɛ b yɛ be kubɔya ko, nɛ k shin nɛ e bɛta n yɔ mo gbagba be efuli so nɛ b ya mɔ mo ndoŋ.”

Aizaaya 41:22

Men ba kaŋɛ ma kusɔ nɛ k beeŋ wora echefoso, saŋɛ na so nɛ k kaŋ wora, anyeeŋ pin kumo. Men bugi asheŋ nɛ a wora dra na to ŋ kaŋɛ ashi demujikpa, nseŋ kaŋɛ anyi amo be afito.

Aizaaya 41:27

Ma, Enyɛnpe Ebɔrɛ na e juŋkpar m bɔ baru na n sa Zayɔn. N daŋ shuŋi kabɔ Jerusalɛm to fanɛ e ya kaŋɛ le nna: ‘Menyi be basa bee ba! Baa ba epe nna!’

Aizaaya 42:9

Asheŋ kama nɛ ŋ kaŋɛ fanɛ a beeŋ wora na wora kashenteŋto. Naniere meeŋ naaŋ kaŋɛ fo asheŋ popɔr pɔɛŋ nɛ a fara a wora.”

Aizaaya 43:9

Kaŋɛ efuliana na be basa fanɛ b gama abar so. Bumo be agbirana na be kumo e naaŋ tiŋ ŋ kaŋɛ kusɔ nɛ k beeŋ wora echefoso? Agbirana na be emo e naŋ tiŋ ŋ kaŋɛ kusɔ nɛ k bee wora naniere ere? Men shin nɛ agbirana na e bar bumo be eshɛdajipoana, nɛ b ba ŋini fanɛ kusɔ nɛ b kaŋɛ na la kashenteŋ nna.

Aizaaya 45:21

Men ba demujikpa! Bekama nɛ baaŋ tiŋ m malga ŋ kuŋ bumo be amu na e to abar jina. Dra dra na kikɛ, wanɛ e tiŋ ŋ kaŋɛ kusɔ nɛ k beeŋ wora? Mannɛ ma Enyɛnpe Ebɔrɛ nɛ e mɔlga mbe basa na e tiŋ ŋ kaŋɛ a? Ebɔrɛ kikɛ maŋ naa wɔtɔ n ti ma so.

Joshuwa 21:45

Enyɛnpe Ebɔrɛ be nnɔ nɛ e daŋ nase n sa Israɛlebi na kikɛ daŋ bɔlɔ so nna.