Aizaaya 48:2 - EBƆRƐ BE KAWƆL

² Menyee puchi a kaŋɛ fanɛ men la Jerusalɛm, kadegboŋ cheembi na to be basa nsaa ta menyi be amu a to Israɛl be Ebɔrɛ nɛ e la Enyɛnpetale Ebɔrɛ na so nna.

Aizaaya 48:2 ပူးပေါင်းရင်းမြစ်များ

Nehemaya 11:1

Basa na be bejuŋkparpoana na daa wɔ Jerusalɛm to nna nɛ bumo nɛ b ka na malɛ to beri n lara basa kudu kikɛ to be esa koŋwule nɛ e ya chena Jerusalɛm nɛ k la kade cheembi na to nɛ bekpanu nɛ b ka na malɛ a ya chena nde mo nɛ a ka na to. Ŋkpal manɛ so nwu daa maŋ shi Jerusalɛm to.

Nehemaya 11:18

Livaiebi nɛ b daa wɔ Jerusalɛm to na kikɛ daa la basa alfa anyɔ nɛ aduburwa nɛ ana nna.

Nshɛ 48:1

Enyɛnpe Ebɔrɛ na shi nseŋ daga an ka fur mo ga ashi kadegboŋ nɛ e wɔ kumo to nɛ k tase mbe kebeegboŋ cheembi nɛ baa tre Zayɔn na so na.

Nshɛ 87:3

Jerusalɛm la Ebɔrɛ be kadegboŋ nna, nɛ baa malga asheŋ lela damta ga a laŋɛ kumo be kaplɛa so.

Aizaaya 10:20

Jemanɛ ko bee ba nɛ Israɛl nɛ Juda be basa nɛ baaŋ ji efute na maaŋ naŋ ta bumo be amu n deŋi efuli nɛ k daŋ ka gbrɛ nɛ k mur na so. Baaŋ ta bumo be amu n deŋi Enyɛnpe, Israɛl be Ebɔrɛ cheembi na so nna.

Aizaaya 47:4

“Ma e la Enyɛnpetale, Israɛl be Ebɔrɛ cheembi na; Ma e la bumo be Emɔlgapo.”

Aizaaya 51:13

Men teŋ Enyɛnpe Ebɔrɛ nɛ e to menyi nseŋ to esoso nɛ kasawule kikɛ na so nna a? Nɛ manɛ nna nɛ menyee ŋana kufu ŋkpal basa nɛ baa kɔrfɛ menyi nsaa sha kemur menyi agbo so na? Bumo be kanya agbo maaŋ tiŋ n wora menyi shɛŋ.

Aizaaya 51:15

Ŋkpal manɛ so, ma e la Enyɛnpe menyi be Ebɔrɛ na. Ma e naa shin nɛ teku bee baga to nsaa ku atili a wora awɔr. Ma ketre e la Enyɛnpetale Ebɔrɛ!

Aizaaya 52:1

Jerusalɛm to ebi, men tiŋi edi to! Men koso n yili ŋ kpeŋ menyi be eyur to! Ebɔrɛ be kade cheembi to ebi, men ta menyi be asɔbuuso lela m buu! Nnyamase nɛ b shi efuli pɔtɛana so na maaŋ naŋ luri menyi be kadegboŋ to n tɔrɔ menyi kikɛ.

Jɛremaya 10:16

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Jɛremaya 21:2

“Jande Jɛremaya, malga Enyɛnpe Ebɔrɛ na kutɔ n sa anyi, ŋkpal manɛ so, Babilɔn be efuli so be ewura, Nebukadneeza nɛ mbe benapo e ba kulti Jerusalɛm n wɔtɔ a sha kekɔ anyi kena na. Ashere Enyɛnpe Ebɔrɛ na beeŋ wora mbe emamachisheŋ na be kuko n shin nɛ Nebukadneeza e yige anyi nseŋ bɛta n yɔ mbe efuli so.”

Jɛremaya 44:26

Ama naniere men kaŋ asoe n nu kɔnɔ nɛ ma, Enyɛnpe Ebɔrɛ na bee nase ashi ma ketregboŋ na to a sa menyi Israɛlebi kikɛ nɛ men wɔ Ijipt na. M maaŋ naŋ shin nɛ menyi be ekama e naŋ ta ma ketre n nase kɔnɔ a kaŋɛ le: ‘M bɔ Enyɛnpetale Ebɔrɛ nɛ e bee sa ŋkpa na!’

Danɛl 9:24

Nfɛ adushushunu be ntuŋ shunu e naŋ fo pɔɛŋ nɛ Ebɔrɛ e mɔlga fo basa nɛ kadegboŋ cheembi na ashi kulubi to. Baaŋ nya alubi be ketampaŋ nsaa ji asheŋ nɛ amo be ekpa so mbaanaayɔ; saŋɛ na so bɔrɛdare na nɛ kewuŋkaŋɛ na beeŋ bɔlɔ so kashenteŋto nɛ b naŋ laŋɛ n ta bɔrɛlambu cheembi na m bɔɔ Ebɔrɛ enɔ.

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Matiu 27:53

Amoso, Yesu be ketiŋi luwu to na be kaman nɛ b lar bumo be nchaŋana na to n yɔ kadegboŋ cheembi na to nɛ basa damta ya wu bumo ndoŋ.

Matiu 4:5

Ndoŋ nna nɛ alubipo na naŋ shin nɛ b yɔ kadegboŋ cheembi na to n ya shin nɛ Yesu yili bɔrɛlambu na be kakpa jeŋgreŋ ko so nseŋ kaŋɛ mo le:

Romebi 2:17

To, mannɛ fo e naa tre fo kumu Juw nsaa ta fo yirda a deŋi Mosis be mbra na so a wɔtɔ a ji njɔŋ a kaŋɛ fanɛ fo nɛ Ebɔrɛ be nferinto wɔ ebel na a?

Kelaraŋŋini 11:2

Ama sa maŋ ta kusɔ kargaso na ŋ karga lambu na be laŋ na bre, ŋkpal manɛ so, b ta ndoŋ nna n sa nnyamase, bumo alɛ beeŋ nɔkɔr kadegboŋ cheembi na to afɔl adena nɛ anyɔ.

Kelaraŋŋini 21:2

Nɛ n wu kadegboŋ cheembi na, kumo e la Jerusalɛm popɔr na ka shi Ebɔrɛ kutɔ ashi ebɔrɛso fanɛ kejafɔ ka mea to nɛ e tu mo kul na.

Kelaraŋŋini 22:19

Ekama malɛ nɛ e lara mmalga ashi abɔrɛsheŋ wuŋkaŋɛ be kawɔl ere to, Ebɔrɛ beeŋ lara mbe kachigeso ashi ŋkpa be kedibi be asɔrso na to nseŋ naŋ lara mbe kachigeso ashi kadegboŋ cheembi nɛ b malga kumo nɛ ŋkpa be kedibi sɔrso be kananɛ a du be asheŋ ashi kawɔl ere to na.

Demujipoana 17:13

Kumo be kaman nɛ Maika kaŋɛ: “Naniere bre, ŋkpal Livai be kabuna be esa ka ki ma bɔrɛmatapo so, Enyɛnpe Ebɔrɛ na beeŋ shin nɛ asheŋ e baa nite nɛnɛ a sa ma.”