Aizaaya 48:11 - EBƆRƐ BE KAWƆL

¹¹ Ŋ gbagba so nɛ mee wora le na. M maa sha fanɛ ma ketre e jija nɛ basa e baa keni ma jiga, ŋko n shin nɛ ma nɛ esa ko e chige ma kemaŋkura to. Ma kemaŋkura la n nawule peya nna.”

Aizaaya 48:11 ပူးပေါင်းရင်းမြစ်များ

Nshɛ 106:8

Ama e daŋ mɔlga bumo, fanɛ kananɛ e nase kɔnɔ na; nseŋ ŋini bumo mbe eleŋgboŋ.

Nshɛ 115:1

Anyi ere maŋ daga fanɛ b kpaŋ anyi kuraa! Enyɛnpe Ebɔrɛ na nawule e daga fanɛ ekama nyam e kpaŋ mo; ŋkpal mbe kasha nɛ k maa chɛrga nɛ mbe kashenteŋji so.

Nshɛ 25:11

O Enyɛnpe Ebɔrɛ, ta alubi damta nɛ n wora m paŋ ma, ŋkpal fo ketre so.

Nshɛ 25:7

Ta ma kebiato be alubi nɛ kusoe kpakpaso be asheŋ woraso m paŋ ma, nseŋ nyiŋi ma ŋkpal fo kasha nɛ fo alelasheŋ so.

Aizaaya 37:35

Meeŋ kuŋ kadegboŋ na ŋkpal ŋ gbagba be kemaŋkura nɛ kɔnɔ nɛ n nase n sa ma kayɛrbi Deevid nɛ e daa la ewura ashi Jerusalɛm to jemanɛ ko na so.’ ”

Aizaaya 42:8

N nawule kpeŋ e la Enyɛnpe Ebɔrɛ na. M maaŋ shuli nɛ agbir ŋko edimɛdi e sɔ kemaŋkura nɛ bunyaŋ nɛ e daga ma na.

Aizaaya 43:25

Ma, e naa ta menyi be alubi a paŋ menyi, ŋkpal esa nɛ e la ma so. Ma alɛ maŋ naa nyiŋi alubi nɛ men wora ŋ gbiti ma na.

Aizaaya 48:5

Amoso nɛ ŋ kaŋɛ menyi asheŋ ere dra dra kikɛ na, saŋɛ na so nɛ a kaŋ wora m bɔlɔ so, menyi maaŋ kaŋɛ fanɛ agbir nɛ menyee shuŋ na e shin nɛ a wora m bɔlɔ so.

Aizaaya 48:9

Ŋkpal ŋ ka bee sha basa e kpaŋ ma ketre so, nɛ mee pɛ ma agbo nsaa maŋ mur menyi na.

Aizaaya 52:5

Naniere aloŋ e naaŋ wora ashi Babilɔn be efuli so gba. Men la anya nna, ama b maŋ ka shɛŋ n tɔ menyi. Bekama nɛ baa ji kuwura menyi so na bee puchi nna nsaa wu bumo be amu a wɔtɔ ma a keni ma jiga.

Jɛremaya 14:7

Ma basa bee shu a tre ma a kaŋɛ le nna: ‘Kashenteŋto, anyi be alubi bee ji a bri anyi, amoso chɛ anyi to, Enyɛnpe Ebɔrɛ, fanɛ kananɛ fo nase kɔnɔ fanɛ feeŋ chɛ anyi to na. Ale damta nɛ an shile n lar fo kaman. An wora alubi ŋ gbiti fo kashenteŋto

Ezikɛl 20:14

Ama n daa maŋ wora loŋ, ŋkpal ŋ ka daa maa sha fanɛ ma ketre e jija ashi efuliana nɛ b wu kananɛ n lara bumo ashi Ijipt be efuli so na be anishito so.

Ezikɛl 20:22

Ama n daa maŋ wora loŋ, ŋkpal ŋ ka daa maa sha fanɛ ma ketre e jija ashi efuliana nɛ b wu kananɛ n juŋkpar bumo n lar Ijipt be efuli so na be anishito so.

Ezikɛl 20:39

Kusɔ nɛ Enyɛnpetale Ebɔrɛ bee kaŋɛ menyi nde: Menyi Israɛlebi, be ekama nɛ e bee sha e ya kaa shuŋ mbe agbirana, ŋkpal manɛ so, ade kikɛ be kaman menyeeŋ ba nu n sa ma nseŋ yige kebaa lara esarga a sa menyi be agbirana a jija ma ketre.

Ezikɛl 20:44

Jemanɛ nɛ meeŋ wora menyi, Israɛlebi, asheŋ nɛ a beeŋ bar ma ketre kemaŋkura nɛ mannɛ men be asheŋ lubi nɛ aworbi jiga so na nɛ menyeeŋ pin fanɛ ma e la Enyɛnpetale Ebɔrɛ na.”

Ezikɛl 20:9

Ama n daa maŋ wora loŋ, ŋkpal ŋ ka daa maa sha fanɛ ma ketre e jija efuliana nɛ baaŋ wu kananɛ meeŋ lara ma kumu ŋ ŋini Israɛl be basa nseŋ juŋkpar bumo n lar Ijipt be efuli so na be anishito so.

Ezikɛl 36:22

Amoso kaŋɛ Israɛlebi na kubɔya nɛ ma, Enyɛnpetale Ebɔrɛ na kɔ nɛ sa bumo: Mannɛ menyi Israɛlebi so nɛ meeŋ wora kusɔ nɛ mee sha kewora ere, ama ma ketre cheembi nɛ men ŋaba efuli pɔtɛ kama nɛ men yɔ kumo so na so.

Danɛl 9:17

O Ebɔrɛ, jande, nu ma kabɔrɛkule ere nseŋ wu ma kuwɔr n shin nɛ fo bɔrɛlambu nɛ k bure na e naŋ lɔŋɛ n yili. Saŋɛ na so ekama beeŋ pin fanɛ fo e la Ebɔrɛ na.

Baru lela nɛ Jɔn kute na 5:23

saŋɛ na so, ekama beeŋ bunyaŋ ma, Ebinyɛn na fanɛ kananɛ baa bunyaŋ Etuto na. Ekama malɛ nɛ e maa bunyaŋ ma, Ebinyɛn na maa bunyaŋ Etuto nɛ e shuŋi ma na gba nna na.

Romebi 2:24

Loŋ koŋwule na malɛ nɛ abɔrɛsibɛ na bee kaŋɛ na fanɛ: “Menyi, Juwebi so nɛ nnyamase bee malga a ji Ebɔrɛ emɔrɔ.”

1 Samuɛl 12:22

Ebɔrɛ na e lara menyi fanɛ mo gbagba be basa. Ŋkpal mbe ketre ka shibi so, e maaŋ yige menyi kikɛ.