Aizaaya 48:1 - EBƆRƐ BE KAWƆL

¹ Israɛl be basa, men nu nfe! Menyi nɛ men la an nananyɛn Jeekɔb be kanaŋ to ebi nseŋ shi Juda be yiri to na nɛ n de na. Menyi e naa ta Enyɛnpe Ebɔrɛ na be ketre a bɔ ntaŋ nsaa kaŋɛ fanɛ menyi ere bee shuŋ Israɛl be Ebɔrɛ na nna, ama k maŋ la kashenteŋ nɛ k shi menyi be ŋgbene to.

Aizaaya 48:1 ပူးပေါင်းရင်းမြစ်များ

Jɛnesis 32:28

Ndoŋ nna nɛ kanyɛn na kaŋɛ Jeekɔb le: “Yili kabre mbaanaayɔ fo ketre maaŋ naŋ ji Jeekɔb, k ki Israɛl, ŋkpal fo nɛ Ebɔrɛ nɛ edimɛdi ka kɔ nɛ fo pɔɔ so so.”

Jɛnesis 35:10

ŋ kaŋɛ: “Fo ketre e la Jeekɔb, ama b maaŋ naa tre fo Jeekɔb. Fo ketre e la Israɛl naniere.”

2 Bewura 17:34

B kraa kɔ loŋ be edaŋkaresheŋ na to hale kabre. B maa shuŋ Enyɛnpe Ebɔrɛ na; bumo alɛ maŋ naa bɛ mbe mbra nɛ e ta n sa Jeekɔb nɛ e chɛrga mbe ketre ŋ ki Israɛl na nɛ mbe kaman to ebi na so.

2 Bewura 5:20

nɛ anebi Elaisha be kayɛrbi Gehazi fɛ mbe kumu to le: “Manɛ nna nɛ n nyɛnpe yige Siriya be kanyɛn ere nɛ e bee yɔ jiga loŋ? K daŋ daga e ka sɔ kakɛ nɛ e bar mo na. Enyɛnpe Ebɔrɛ nɛ e wɔ ŋkpa to ere so meeŋ ju m buu mo so n ya sɔ kusɔ ko mo kutɔ.”

Nshɛ 63:11

Ama ewura na nɛ bumo nɛ b yirda fo na bre beeŋ ji eyur, ŋkpal fo Enyɛnpe Ebɔrɛ na so. Ama befɛpo bre beeŋ lo bumo be nnɔ.

Nshɛ 66:3

Men kaŋɛ Ebɔrɛ fanɛ mbe aworbi kikɛ kɔ kufu nna, nɛ mbe eleŋgboŋ na bee shin nɛ mo doŋana bee chicha a jɔŋɛ mo ase kufuso.

Nshɛ 68:26

Le nɛ baa ponte a kaŋɛ: “Men fur Enyɛnpe Ebɔrɛ ashi mbe basa Israɛlebi be nshɛr to.”

Nshɛ 68:27

Bɛnjamin be yiri to ebi nɛ b maŋ shi na e juŋkpar n ta Juda be yiri to be benimu m bɛso. Nɛ Zɛbyulɔn nɛ Naftali malɛ bɛ benimu bɛso.

Ɛksodɔs 23:13

Men wora kasonu n sa kusɔ kama nɛ ma, Enyɛnpe Ebɔrɛ kaŋɛ menyi ere kikɛ. Menyi alɛ e sa maŋ kaŋ shuŋ kegbir kama ŋko a ti kegbir kama be ketre.”

Aŋasa 5:16

Mbia nɛ fo nɛ bejipoche beeŋ kurge na, maaŋ lar tɔnɔ n sa fo.

Aizaaya 26:13

Beko gba daŋ ji kuwura anyi so n ti fo, Enyɛnpe anyi be Ebɔrɛ na so, ama fo nawule nɛ anyee wora kasonu.

Aizaaya 44:5

Basa pɔtɛ beeŋ kaŋɛ le kukoko to: ‘N la Enyɛnpe Ebɔrɛ peya nna.’ Baaŋ ta bumo be amu n ti Israɛl be basa so. Bumo be ekama beeŋ sibɛ Enyɛnpe Ebɔrɛ na be ketre n deŋi mbe be kabre so nsaa tre mo kumu Ebɔrɛ be esa.”

Aizaaya 45:23

Ma kɔnɔ naseso la kashenteŋ nna, kumo alɛ maa chɛrga. M bɔ ntaŋ n nase kɔnɔ fanɛ ekama beeŋ ba gbir ma kumuli nseŋ shuŋ ma, Enyɛnpe Ebɔrɛ na.

Aizaaya 46:12

Menyi, basa nɛ men be ŋgbene du kpakpa, nɛ menyi nɛ kumɔlga barga abar na e nu nfe!

Aizaaya 51:1

Enyɛnpe Ebɔrɛ na yɛ: “Nɛ menyee sha kebaawora kusɔ nɛ k niŋi nsaa wora Enyɛnpe Ebɔrɛ na kasonu, kumo ere men baa keni menyi nananyɛn Eebraham so a wora asheŋ. Mo e du fanɛ kefalta nɛ men shi kumo to n lar na.

Aizaaya 51:2

Ma, Ebɔrɛ e lara Eebraham nɛ mbe eche Sɛɛra, nɛ men baa la bumo be kaman to ebi. Jemanɛ nɛ n daŋ tre Eebraham na, nɛ e daa maŋ kɔ ebi, kumo be kaman nɛ n nɛfa mo nseŋ sa mo kaman to ebi damta.

Aizaaya 58:2

Baa shuŋ ma karechɛ kikɛ nna a ŋini fanɛ b pere kenishi a sha kepin ma ekpa nseŋ wora ma mbraana kasonu fanɛ efuli nɛ k bee wora kusɔ nɛ k daga. B yɛ n sa bumo mbraana nɛ a maa kpɛa basa to nseŋ naa leŋ bumo to a kaŋɛ fanɛ bumo kebaashuŋ ma na bee wora bumo ebel nna.”

Aizaaya 62:8

Le nɛ Enyɛnpe Ebɔrɛ na bɔ ntaŋ n nase kɔnɔ ŋ kaŋɛ: “M maaŋ naŋ ta fo ayu n sa fo doŋana fanɛ bumo be kusɔ jiso kikɛ; befɔ malɛ maaŋ naŋ nya yabra nɛ fo gben n wora na n nuu kikɛ.

Aizaaya 64:6

Anyi kikɛ wora alubi ŋ ku so. Hale anyi be asheŋ lela gba du fanɛ achɛbi krenso ashi fo kutɔ nna. Anyi be alubi so, an du fanɛ afantaŋ wɔlso nɛ afu ber amo n ya lɛ nna.

Aizaaya 65:16

Esa kama nɛ e bee sha nɛfa ashi kasawule na so beeŋ kule Ebɔrɛ nɛ e bee ji kashenteŋ na nɛ e nɛfa mo. Ekama malɛ nɛ e bee sha kenase kɔnɔ e beeŋ nase kɔnɔ na kashenteŋji be Ebɔrɛ na be ketre to nna. Ŋkpal manɛ so, etɔrɔ dra na kikɛ choŋ nɛ n teŋ amo so.”

Jɛremaya 4:2

kumo ere menyeeŋ tiŋ n ta ma ketre n nase nnɔ. Kumo be kaman nɛ efuliana na be basa e kpaŋ ma nɛ ma alɛ e nɛfa bumo.”

Jɛremaya 44:26

Ama naniere men kaŋ asoe n nu kɔnɔ nɛ ma, Enyɛnpe Ebɔrɛ na bee nase ashi ma ketregboŋ na to a sa menyi Israɛlebi kikɛ nɛ men wɔ Ijipt na. M maaŋ naŋ shin nɛ menyi be ekama e naŋ ta ma ketre n nase kɔnɔ a kaŋɛ le: ‘M bɔ Enyɛnpetale Ebɔrɛ nɛ e bee sa ŋkpa na!’

Jɛremaya 5:2

Menyee kaŋɛ fanɛ Enyɛnpe Ebɔrɛ na nɛ menyee shuŋ, ama kumo alɛ maŋ shi menyi be ŋgbene to.

Levitikɔs 19:12

Sa maŋ kaŋ ta ma ketre n nase kɔnɔ nɛ fo maŋ kre ketia, saŋɛ na so, fo maaŋ ŋaba ma ketre. Ma e la Enyɛnpe, men be Ebɔrɛ na.

Maika 2:7

Menyi Israɛlebi nɛ men la Jeekɔb be kaman to ebi na kɔ ekpa nɛ men baa kaŋɛ fanɛ Enyɛnpe Ebɔrɛ na nya agbo nna n wora kusɔ nɛ e wora ere? Enyɛnpe Ebɔrɛ maa kaa nɛfa bekama nɛ baa wora asheŋ niŋiso nna a?”

Zefanaiya 1:5

Ma alɛ beeŋ mur bekama nɛ baa dii achoŋi so n ya kaa jɔŋɛ epeŋi nɛ kufɔl nɛ achɛkpabi ase a bunyaŋ amo na. Kumo be kaman nɛ n mur bekama nɛ baa bunyaŋ ma a kaŋɛ fanɛ ma e wɔ bumo, ama nsaa ta kegbir nɛ baa tre Mɔlɛk na be ketre a bɔ ntaŋ na gba.

Zakareya 5:3

Ndoŋ nna nɛ malaika na kaŋɛ ma: “B sibɛ kɔnɔsho nɛ k beeŋ ba durnya be kasawule so kikɛ nna n wɔtɔ kumo to. Kawɔl sibɛso na be kaba ko so bee kute kananɛ baaŋ lara eyu kikɛ ashi kasawule so nna, nɛ kaba nyɔsopo malɛ bee kute kananɛ baaŋ ju esa kama nɛ e bee bɔ ntaŋ a ku efɛ be asheŋ nna.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Nɔmbɛs 24:7

Baaŋ nya mbɔrɛchu damta nseŋ duu bumo be adɔjibi kasawule nɛ k kɔ kayul nɛnɛ so. Bumo be ewura be kuwurji beeŋ baa chɔ Amalɛk be ewura Agag peya. Mbe kuwura beeŋ ji eleŋ ga nɛ mbe ketre e dii.

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.

Baru lela nɛ Jɔn kute na 1:47

Yesu ka wu Nataniɛl ka bee ba mo kutɔ nɛ e kaŋɛ mo le: “Kashenteŋto, Israɛl be esa gbagba nde nɛ efɛsheŋ kikɛ maŋ wɔ mo to.”

Baru lela nɛ Jɔn kute na 4:24

Ebɔrɛ la Kiyoyu nna nɛ a daga fanɛ bumo nɛ baa bunyaŋ mo e baa bɔla mbe Kiyoyu be eleŋ so a bunyaŋ mo kashenteŋto.”

Romebi 2:17

To, mannɛ fo e naa tre fo kumu Juw nsaa ta fo yirda a deŋi Mosis be mbra na so a wɔtɔ a ji njɔŋ a kaŋɛ fanɛ fo nɛ Ebɔrɛ be nferinto wɔ ebel na a?

Romebi 9:6

Kede maa ŋini fanɛ Ebɔrɛ be kɔnɔ naseso na maŋ tiŋ m bɔla ekpa nna, ŋkpal manɛ so, mannɛ Israɛl be efuli so ebi kikɛ e la Ebɔrɛ be basa laraso.

Romebi 9:8

To, kede e naa ŋini fanɛ mannɛ eyur ere to be kakurge e naa ta basa a ki Ebɔrɛ be mbia she bumo nɛ b bɔla Ebɔrɛ be kɔnɔ naseso na to n nya kakurge na nawule e la Eebraham be kaman to ebi kashenteŋto.

Ditɛronɔmi 10:20

Kumo be kaman, men baa sa Enyɛnpe menyi be Ebɔrɛ na bunyaŋ nsaa shuŋ mo nawule. Men baa ji kashenteŋ a sa mo nsaa nase nnɔ ashi mo nawule be ketre to.

Ditɛronɔmi 33:28

Amoso kayurwushi to nɛ Jeekɔb be kaman to ebi kikɛ wɔ. B maa ŋana shɛŋ ashi kasawule nɛ k kɔ ayu nɛ yabra ga na so; kakpa nɛ bunyaŋ gba bee wushi kasawule na.

Ditɛronɔmi 5:28

Enyɛnpe Ebɔrɛ na ka nu loŋ nɛ e kaŋɛ ma le: “N nu kusɔ nɛ basa ere kaŋɛ fo, ma alɛ shuli m bɛ bumo so.

Ditɛronɔmi 6:13

Amoso men baa bunyaŋ Enyɛnpe menyi be Ebɔrɛ na nsaa shuŋ mo nawule nseŋ naa nase nnɔ mo nawule be ketre to.

1 Timoti 4:2

Le be keŋini ere shi kebirkɔnshi be befɛpo nɛ nfɛra lubi deŋ bumo na kutɔ nna.

Kelaraŋŋini 2:9

N nyi men be etɔrɔ nsaa nyi men be ketir be asheŋ, ama kashenteŋ bre, damawuraana e la menyi. Ma alɛ kraŋ naa nyi mmalga lubi mo nɛ basa nɛ baa tre bumo be amu Juwebi, bumo alɛ ŋkaa maŋ la na bee malga a gbiti menyi, ama bumo alɛ la Setani be katuŋ to be basa nna.

Kelaraŋŋini 3:9

Men nu nfe, basa nɛ b wɔ Setani be katuŋ to, befɛpo na, bumo e wɔtɔ a tre bumo be amu Juwebi, bumo alɛ maŋ la na, meeŋ shin nɛ b ba gbir men be anishito n shin nɛ b pin fanɛ ma e sha menyi.