Aizaaya 47:9 - EBƆRƐ BE KAWƆL

⁹ Ama kachɛ koŋwule pati nɛ asheŋ ntuŋ anyɔ ere kikɛ beeŋ tu menyi. Kegbaya damta nɛ men ta yirda n to so ere be kaman, menyeeŋ ki fanɛ esa nɛ e paŋ mo kul nɛ mbia kikɛ.

Aizaaya 47:9 ပူးပေါင်းရင်းမြစ်များ

Nshɛ 73:19

Baaŋ mur epul to nɛ kufu e pɛ bumo nɛ b baa chicha. Bumo be lalaloge beeŋ lubi pasaa!

Aizaaya 13:16

Basa beeŋ baa yil a keni nɛ bedoŋ a pɛ bumo be mbia n ta bumo ŋ ŋmɛa afalta so m mɔ nseŋ luri bumo be elaŋana to n ta bumo be asɔ eleŋ so nseŋ pur bumo be beche gba n ti so.”

Aizaaya 21:9

K maŋ chɛr ko nɛ esoji nɛ b dii egbaŋɛ m bɛ abar so kenyɔ nyɔ fara a ba. Epul na to nɛ ekenipo na ponte awɔrso n sa baru nɛ egbaŋɛ diipo na bar ŋ kaŋɛ le: “Babilɔn be basa kɔ n tɔr! Agbirana nɛ b daa shuŋ na bure kuraa m pesaŋ to a dese kasawule.”

Aizaaya 47:11

Ama kumulubi gboŋgboŋi beeŋ ba menyi so, Kegbaya damta nɛ men yirda na be kekama maaŋ tiŋ ŋ kuŋ kumo. Kemur cheche nɛ menyee maa ku kumo be edare beeŋ ba purgi menyi epul to!

Jɛremaya 15:9

Enio nɛ e beeŋ paŋ mbe mbia ashunu beeŋ kreŋ n dese a fute a gben. Kapiidi beeŋ ki fanɛ kanyɛso n sa mo, ŋkpal e ka beeŋ ji anishinyɔr nseŋ nya kagbenejija damta so. Kumo be kaman nɛ n shin nɛ men doŋana e mɔ menyi to be bumo nɛ baaŋ ka a wɔ ŋkpa to na. Ma, Enyɛnpe Ebɔrɛ e kaŋɛ na.”

Jɛremaya 51:29

Durnya bee kii to nsaa gbuŋgbuŋ to nna ŋkpal Enyɛnpe Ebɔrɛ na ka kre keshin nɛ Babilɔn be efuli na e ki keshishɛrsawule a dese fuloŋ nɛ esa maaŋ naa wɔ kumo so so.

Danɛl 2:2

Ndoŋ nna nɛ e shuŋi n tre mbe belejipo nɛ ŋkilgiwuraana nɛ bekpalpo nɛ benyiashempo fanɛ b ba kaŋɛ mo edare nɛ e ku na be kifito. B ka ba ewura na kutɔ,

Danɛl 4:7

B ka ba shɛr nɛ ŋ kaŋɛ bumo ma edare na. Ama b daa maŋ tiŋ ŋ kaŋɛ ma kumo be kifito.

Danɛl 5:30

Loŋ be kanyɛso gbagba nɛ b mɔ Babilɔn be ewura Bɛlshaaza na.

Danɛl 5:7

Nɛ e ponte n shuŋi n tre ŋkilgiwuraana nɛ begba nɛ benyiashempoana. B ka ba na, nɛ ewura na kaŋɛ bumo le: “Ekama nɛ e tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa mo to nseŋ ta shuwa be jaagba n di mbe kubɔ to nɛ e ki esa nɛ e bɛ ma so esasopo ashi ma kuwura to.”

Nahum 3:4

Kasogberge nɛ k beeŋ ba Ninɛve so, ŋkpal kesakalea damta nɛ k bɔlɔ kumo to, nɛ kegbaya nɛ b ta m pɛ efuli damtaana so be basa ŋ ki bumo be anya na so.

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.

Ruf be kawɔl 1:20

Ndoŋ nna nɛ Nawomi kaŋɛ bumo le: “Men sa maŋ naa tre ma Nawomi, men baa tre ma Mara, ŋkpal manɛ so, Enyɛnpe Ebɔrɛ Elempo na shin nna nɛ kebaawɔtɔ ki nyaŋnyaŋ n sa ma.

Ruf be kawɔl 1:5

Kumo be kaman nɛ Maalon nɛ Chilion kikɛ ba wu ŋ ka Nawomi. Nawomi daa maŋ naa kɔ ekul, mo alɛ maŋ naa kɔ mbia.