Aizaaya 47:8 - EBƆRƐ BE KAWƆL

⁸ Menyi alɛ daa naa fɛ fanɛ men shi ga nna a kɔ eleŋgboŋ fanɛ Ebɔrɛ, a wɔtɔ a ji menyi be amu jemanɛ kikɛ, a fɛ fanɛ esa kikɛ maŋ naa du fanɛ menyi. Menyi alɛ daa naa fɛ nna fanɛ menyi maaŋ tiŋ ŋ ki fanɛ ekulpoche ŋko esa nɛ e paŋ mbe mbia.

Aizaaya 47:8 ပူးပေါင်းရင်းမြစ်များ

Aizaaya 14:14

Fo yɛ feeŋ dii n yɔ awɔlpa be awɔlto n ya ki fanɛ Enyɛnpetale Ebɔrɛ na.

Aizaaya 32:11

Men daa wɔtɔ nna fanɛ shɛŋ ka maŋ tir menyi, ama naniere men shin kufu e baa kɔ menyi nɛ men baa chicha! Men gbaŋ menyi be asɔbuuso n lɛ nseŋ ta keeli be asɔbuuso m buu.

Aizaaya 32:9

Menyi beche nɛ men wɔtɔ a maa wora shɛŋ nsaa ji kananɛ menyee sha fanɛ kusɔ ko ka maŋ tir menyi na, e kaŋ asoe n nu kusɔ nɛ mee kaŋɛ ere.

Aizaaya 45:18

Enyɛnpe na nawule e la Ebɔrɛ, mo e to ebɔrɛso nɛ durnya nɛ basa wɔ kumo to na. E maŋ to durnya nna nɛ k baa dese fuloŋ fanɛ kiyi.” Mo e kaŋɛ le na: “Ma e la Enyɛnpe Ebɔrɛ, Ebɔrɛ kikɛ maŋ naa wɔtɔ n ti ma so.

Aizaaya 45:5

Ma e la Enyɛnpe Ebɔrɛ na; Ebɔrɛ kikɛ maŋ naa wɔtɔ n ti ma so. Fo ka maŋ nyi ma ere gba, ŋ kraa beeŋ wora fo eleŋ to.

Aizaaya 45:6

N wora le nna nɛ basa kikɛ ashi durnya to e pin fanɛ ma e la Enyɛnpe Ebɔrɛ na, nseŋ naŋ pin fanɛ Ebɔrɛ kikɛ maŋ naa wɔtɔ n ti ma so.

Aizaaya 47:10

Men daŋ ta asheŋ lubi be kewora nna fanɛ kebɛlso be kusɔ kuŋkumuso a kaŋɛ le: ‘Esa kama maa wu anyi!’ Men be kanyiasheŋ nɛ kashennyi e fule menyi, nɛ men yirda fanɛ men nawule e baa la ashi durnya to, esa kikɛ maŋ naa du fanɛ menyi.

Jɛremaya 49:31

‘Men shin nɛ an ya kɔ basa nɛ baa fɛ fanɛ shɛŋ maaŋ tiŋ n wora bumo na! Bumo be kadegboŋ na maŋ kɔ egbalana nɛ mbunagboŋana a kuŋ kumo.’

Jɛremaya 50:11

Ade be kaman nɛ Enyɛnpe Ebɔrɛ na naŋ kaŋɛ le: “Babilɔn be basa, men daŋ suge ma basa be asɔ nna nɛ k par menyi ga nɛ menyee wora awɔr fanɛ mbrantiɛfɔlbi nɛ baa beri ayu ŋko gbaŋɛ ka bee shu na.

Jɛremaya 51:53

Hale Babilɔn be egbalana dii n ya kaa chute awɔlpa nɛ kumo be mboŋ lempoana naŋ wora eleŋ n ti so gba, benapo nɛ meeŋ shuŋi na kraa beeŋ mur kadegboŋ na. Ma, Enyɛnpe Ebɔrɛ e kaŋɛ na.”

Ezikɛl 16:49

Sodɔm nɛ kumo be ndekarso to be basa daa wu bumo be amu nna ŋkpal b kaa kɔ ajibi damta a ji nseŋ naa wɔ kayurwushi to so. B daa maa keni betirpo nɛ basa nɛ asheŋ maa nyalɛ a sa na so.

Ezikɛl 28:2

Dimɛdi pibi, Ezikɛl, kaŋɛ Tayɛ be ewura kusɔ nɛ ma, Enyɛnpetale Ebɔrɛ na bee kaŋɛ mo. Kamoowu shin nɛ fee fɛ fanɛ fo la kegbir nna nsaa kaŋɛ fanɛ fo ka la kegbir so nɛ fo chena kuwurputi so nɛ eteku kulti fo n wɔtɔ. Feeŋ tiŋ n ta fo kumu fanɛ kegbir e la fo, ama dimɛdi e la fo, mannɛ kegbir.

Ezikɛl 30:9

Kachɛ nɛ Ijipt beeŋ mur na, meeŋ shuŋi mbɔ nɛ b ta nchu so be ekuloŋgboŋ m ba bɔ Itiopia be basa nɛ b maa fɛ shɛŋ be asheŋ na kubɔya a laŋɛ kemur nɛ k bee ba bumo alɛ gba so be kaplɛa so nɛ kufu e pɛ bumo. Loŋ be kachɛ na malɛ bee ba!”

Danɛl 11:36

Ewura na beeŋ wora kusɔ kama nɛ k par mo. E beeŋ maaŋ mbe kumu so a chɔ kegbir kikɛ, hale m ba ka wora fanɛ e chɔ Enyɛnpetale Ebɔrɛ gba. E beeŋ nya ekpa n wora loŋ n ya fo saŋɛ nɛ Ebɔrɛ beeŋ gberge mo kusoe. Ebɔrɛ malɛ beeŋ wora kusɔ kama nɛ e yili.

Danɛl 4:22

Yiramu, fo e la loŋ be kedibi tenteŋ lempo na. Fo eleŋ nɛ kemaŋkura wora kishi hale n ya fo awɔlpa so kikɛ, nseŋ salga to hale n ya fo durnya ere be kaplɛkama.

Danɛl 4:27

Amoso Yiramu, nu n sa ma kasotoji ere. Yige alubi be kebaawora nsaa wora alela nɛ asheŋ niŋiso. Baa wu betirpo kuwɔr. Loŋ nɛ fo kanyɛ beeŋ baa ti so saŋkama.”

Danɛl 4:30

nseŋ kaŋɛ le: “Keni kananɛ Babilɔn shibi loŋ! Ma eleŋ so nɛ m pɔr kumo nɛ kebaa la ma kadegboŋ a ŋini eleŋ nɛ kemaŋkura nɛ adelebigboŋ nɛ ŋ kɔ.”

Danɛl 4:4

Ma, Nebukadneeza wɔ ma kuwurlaŋ to nna a kɔ asɔ damta nsaa ji ma eyur.

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Danɛl 5:30

Loŋ be kanyɛso gbagba nɛ b mɔ Babilɔn be ewura Bɛlshaaza na.

Nahum 1:10

Baaŋ baa du fanɛ besanuupo nɛ b nuu nsa ga nɛ a pɔɔ bumo so nna; ŋko ajinjɛ nɛ atuweklaŋ nɛ a mel abar to nɛ edɛ chɔɔ amo m mur na nna.

Nahum 3:4

Kasogberge nɛ k beeŋ ba Ninɛve so, ŋkpal kesakalea damta nɛ k bɔlɔ kumo to, nɛ kegbaya nɛ b ta m pɛ efuli damtaana so be basa ŋ ki bumo be anya na so.

Habakuk 1:7

Bekama bee ŋana bumo nna nɛ bumo be asheŋ malɛ bee keta kufu ga. Bumo gbagba be mbraana nɛ atande nɛ baa bɛ so.

Zefanaiya 2:15

Kusɔ nɛ k beeŋ wora kadegboŋ nɛ baa ji njɔŋ kumo to nsaa puchi kumo be eleŋ so, a fɛ fanɛ shɛŋ shɛŋ maaŋ tiŋ n wora kumo na nna na. Kumo be basa bee fɛ nna fanɛ kadegboŋ kikɛ maŋ naŋ fo kumo so ashi durnya ere to. K beeŋ ki kade bureso, kakpa nɛ kupuŋ to be asɔbɔya kikɛ beeŋ baa dese nɛ ekama e baa choŋ a wu kumo nsaa pɛ kɔnɔ a kooba.

2 Tɛsalɔnikaebi 2:4

Kusɔ kama nɛ enyiŋgbasa bee bɛ so a kaŋɛ fanɛ k shi Ebɔrɛ kutɔ nna ŋko a tre kumo kabɔrɛshuŋ, alubipo na beeŋ ji kumo emɔrɔ ŋ ki kumo doŋ. E beeŋ wu mbe kumu hale n ya luri n chena bɔrɛlambu na to a tre mbe kumu Ebɔrɛ.

Demujipoana 18:27

Danebi na ka suge Maika be agbirana nɛ mbe bɔrɛmatapo na be kaman, nɛ b yɔ nɛ b ya kɔ kade nɛ baa tre Layish nɛ kumo to be basa maa tuge asheŋ to na kena. Etokobi nɛ b ta n ya kɔ bumo nseŋ chɔɔ bumo be kade na.

Demujipoana 18:7

Ndoŋ nna nɛ basa anu na ta n yɔ Layish be kade to n ya wu fanɛ ndoŋebi be kebaawɔtɔ baa du fanɛ Sidɔnebi peya nna. Shɛŋ shɛŋ daa maa tɔrɔ bumo ndoŋ. B daa maa ŋana kufu fanɛ kusɔ ko beeŋ wora bumo, amoso shɛŋ be asheŋ maŋ tir bumo.