Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aizaaya 47:1 - EBƆRƐ BE KAWƆL

1 Enyɛnpe Ebɔrɛ na yɛ: “Babilɔn be kadegboŋ be basa, men yige eleŋgboŋ nɛ men kɔ durnya to na kikɛ to, nseŋ gbelge m ba chena kasawule eshishɛrpumpuŋ to fanɛ mbia. Jemanɛ ko menyi be kadegboŋ daa du fanɛ eche nɛ e maŋ nyi enyɛn nna, nseŋ daa la kadegboŋ nɛ ekama daa maŋ naŋ kɔ m pɔɔ so kikɛ. Menyi alɛ daa nya kusɔ kama nɛ menyee sha kanaŋkamaso nna. Ama asheŋ beeŋ chɛrga n sa menyi naniere!

အခန်းကိုကြည့်ပါ။ ကော်ပီ




Aizaaya 47:1
36 ပူးပေါင်းရင်းမြစ်များ  

Kumo be kaman nɛ b ya tu Job n chena kasawule nchɛ ashunu nɛ nnyɛ ashunu nɛ ekama maa bugi kɔnɔ a kaŋɛ shɛŋ, ŋkpal awurfoŋ gboŋgboŋi nɛ b wu e ka bee ji so.


Ndoŋ nna nɛ Job lar n ya chena kumuni so nseŋ ta kapɛlanfu a kuti mbe achuu na to.


Babilɔnebi, menyeeŋ mur cheche! Ebɔrɛ e nɛfa basa nɛ baaŋ ka menyi kusɔ nɛ men wora anyi ere be kukɔ.


Fee mɔlga bumo nɛ b kɔ kamubrase nna, nsaa bar kamoowuwuraana kaseto.


Fo suge mbe kuwurwuro n shin nɛ mbe kuwura paŋ kumo be kemaŋkura.


Kubɔya nɛ Aizaaya nɛ e la Amɔz pibinyɛn na nya ashi Ebɔrɛ kutɔ a laŋɛ Babilɔn be kadegboŋ be kaplɛa so na nde.


Kachɛ nɛ ma, Enyɛnpetale Ebɔrɛ na beeŋ ŋini kananɛ ma agbo du na, meeŋ shin nɛ esoso e baga to nɛ kasawule e gbuŋgbuŋ m pulgi ashi kumo be epul to.


Enyɛnpe Ebɔrɛ na beeŋ naaŋ wu mbe basa Israɛlebi nɛ e lara n sa mbe kumu na kuwɔr. E beeŋ shin nɛ b bɛta bumo m ba bumo gbagba be kasawule so, nɛ befɔ e tu bumo n chena ndoŋ fanɛ bumo alɛ gba ka la Israɛlebi na.


Kubɔya nɛ k wɔtɔ a laŋɛ Babilɔn be efuli so be kaplɛa so na nde. Kananɛ kawuliwuli bee koso kiyi to a choŋ na nɛ kumulubi gboŋgboŋi nɛ k bee bar kemur na beeŋ shi efuli nɛ kumo be asheŋ kɔ kufugboŋ na so m ba.


Ade be kaman nɛ Enyɛnpe Ebɔrɛ na kaŋɛ Sidɔn be basa na le: “Menyi be kayurji na fo ekar. Menyi alɛ mur nna na. Hale nɛ men ŋana n shile n yɔ Saipres be kepla so gba, men kraa maaŋ nya kayurwushi ndoŋ.”


Ebɔrɛ bar an doŋana nɛ baa maŋ bumo be amu so na kaseto; nseŋ mur kadegboŋ lempo nɛ b daa wɔtɔ na, nseŋ shin nɛ kumo be egbalana bure n tɔr kasawule.


nɛ kadegboŋ na e ka a dese fanɛ eche ka chena kasawule n teŋi aya a shu keeli na. Ŋkpal manɛ so kumo to be basa kikɛ maaŋ naa wɔtɔ.


nɛ Enyɛnpe Ebɔrɛ na malga a laŋɛ mbe kabɔrɛkule na be kaplɛa so. E yɛ: “Sennakerɛb, Jerusalɛm be basa bee mushe fo nna nsaa fɛl fo a keni fo jiga.


Jerusalɛm to ebi, men lar menyi be asheŋ lubi to! Men lar men be asheŋ lubi nɛ a du fanɛ efɔl ŋkre menyi be ebɔ to na to.


Ade kikɛ be kaman nɛ Enyɛnpe Ebɔrɛ na naŋ kaŋɛ le: “Kaŋɛ ewura nɛ mo nio nɛ b koso bumo be nwurputi so nseŋ gbaŋ bumo be awurwuro lela n nase.


Ijipt be basa, men yɔ Giliad be kasawule so n ya fin kudur! Menyi be adur kikɛ la adur jiga nna; a maaŋ tiŋ n chɛ menyi.


Menyi bumo nɛ men yɔ kade nɛ baa tre Dibɔn na e gbelge menyi be kemaŋkura so m ba chena kasawule eshishɛrpumpuŋ to; ŋkpal manɛ so, emo nɛ e beeŋ mur Mowab na ba nɛ e ba mur menyi be ndegboŋ lempoana na cheche.


Kubɔya nɛ Enyɛnpe Ebɔrɛ na sa ma a laŋɛ Babilɔn be kadegboŋ nɛ kumo be basa be kaplɛa so nde:


B teŋ ta bumo be ata nɛ etokobi ŋ keta; bumo be benapo maŋ kɔ kushuso, bumo alɛ maa wu kuwɔr. B baa dii egbaŋɛ a ba k bee gbri nna fanɛ teku be nchu ka bee wɔr na. B bela ase nna a ba nɛ b ba kɔ Babilɔn be efuli so be basa kena.


Enyɛnpe Ebɔrɛ na yɛ: “Meeŋ shin nɛ afu nɛ k bee jija asɔ e ba Babilɔn be efuli nɛ kumo be basa so.


K maaŋ chɛr nɛ bedoŋ na e pɔɔ bumo so nseŋ chichi bumo so m mata kasawule fanɛ kananɛ baa beri ayu kugooro so na. Ma, Enyɛnpetale, Israɛl be Ebɔrɛ na e kaŋɛ na.”


Anishinyɔr nɛ nyɔmɔ kɔ menyi nna ŋkpal befɔ ka luri ma bɔrɛlambu be mboŋ cheembi to so ashi Jerusalɛm.


Jerusalɛm be benimuana na daŋ buu nli be asɔbuuso a tase kasawule a maŋ naa kɔ shɛŋ nɛ b kaŋɛ abar, nseŋ wora eshishɛr ŋ gbiti bumo be amu to a ŋini bumo be kagbenejija nna. Nɛ bechefɔlbi na malɛ chena ŋ kurgi amu n yuu to a keni kasawule.


Mbifɔlbi nɛ basakpar kikɛ e wu a dese agbembi so na, bedoŋ malɛ ta etokobi m mɔ mbrantiɛ nɛ besuŋgurbi. Kachɛ nɛ fo nya agbo na nɛ fo shin nɛ bedoŋ mɔ bumo nsaa maŋ wu bumo kuwɔr kikɛ.


Basa nɛ b daa ji ajibi lela nɛ amo be yawu du kpakpa ga na nɛ akoŋ bee mɔ a lɛ agbembi so na. Bumo nɛ b daa ji kedamaya na, e naa amuni so a fin ajibi jiso na.


Saŋɛ na so nɛ bekama nɛ baa ji kuwura efuliana nɛ a chena m mata teku ase na e gbelge bumo be nwurputi so. Kumo be kaman nɛ b gbaŋ bumo be bewura be epiŋiana nɛ bumo be asɔbuuso nɛ b jɔɔ amo na kikɛ nseŋ chena kasawule a chicha. Ŋkpal kusɔ nɛ k beeŋ tu menyi na so, kufu beeŋ pɛ bumo ga hale nɛ b maŋ tiŋ n yige kebaachicha.


Fo ka daa walɛ keyɛrbi so, fo daa wu fo kumu nna. Fo ketre ka dii so fo daa wora asheŋ nna fanɛ ewulpo. Amoso nɛ n lara fo n lɛ kasawule so nɛ bewura pɔtɛ e wu kusɔ nɛ n wora fo na nɛ k baa la kusoe kpele n sa bumo.


Kubɔya na ka tu Ninɛve be ewura gba, nɛ e koso mbe kuwurputi so m bugi mbe kuwurpiŋi n nase, nseŋ ta kagbenejijaso be asɔbuuso m buu n ya chena nsunɔ to.


Ma alɛ beeŋ gboŋi bewura nseŋ m mur bumo be kuwurjiana. Meeŋ melgi bumo be egbaŋɛturko m buu nseŋ shin nɛ bumo be egbaŋɛ e wu nɛ bediipo na malɛ e kilgi a mɔ abar.


Men sa mo tɔrɔ nɛ kagbenejija ga nɛ a fo fanɛ kananɛ e daŋ sa mbe kumu kemaŋkura nɛ dama na, ŋkpal manɛ so, le nɛ e wɔtɔ a kaŋɛ mbe kumu: ‘Ewurche e la ma nɛ n tase. M maŋ la ekulpoche, kagbenejija maaŋ tu ma kikɛ.’


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ