Aizaaya 45:9 - EBƆRƐ BE KAWƆL

⁹ Israɛl, fo maŋ kɔ ekpa nɛ fo tu fo etopo n ji emɔrɔ. Fo du fanɛ kapuliya nɛ mpuliya pɔrpo ta ebɔ m pɔr nna. Ebɔ na maa bishi epɔrpo na le: ‘Manɛ nɛ fee wora?’ Kapuliya na malɛ gba maa bile asheŋ a kaŋɛ fanɛ epɔrpo na maŋ nyi mbe kushuŋ.

Aizaaya 45:9 ပူးပေါင်းရင်းမြစ်များ

Job be kawɔl 10:9

Baa nyiŋi fanɛ fo e pɔr ma fanɛ kananɛ baa ta ebɔ a pɔr asɔ na. Amoso sa maŋ naŋ kilgi ma eshishɛr a!

Job be kawɔl 33:13

Nɛ nuso nɛ fee ji mo emɔrɔ a kaŋɛ fanɛ e maa sa dimɛdi be asheŋ bishi so be atuwebi?

Job be kawɔl 40:2

“Ma e la Enyɛnpetale Ebɔrɛ na, ama fo, Job malga ŋ kasar ma ŋ kaŋɛ fanɛ m maŋ wora n nyalɛ. To, sa ma mmalga nɛ m bishi fo na be atuwebi naniere.”

Job be kawɔl 9:12

E baŋ ta kusɔ, esa maaŋ tiŋ ŋ kuŋ mo akpa. Esa malɛ maaŋ tiŋ m bishi mo fanɛ manɛ nɛ fee wora ere?

Job be kawɔl 9:4

Ebɔrɛ nyi asheŋ nsaa kɔ eleŋ ga, esa kikɛ maaŋ tiŋ n tu mo n ji emɔrɔ m pɔɔ so.

Aŋasa 21:30

Dimɛdi be kanyiasheŋ kikɛ nɛ asheŋ be kepinto nɛ ŋkre kikɛ maaŋ tiŋ m pɔɔ Enyɛnpe Ebɔrɛ so.

Kaŋinichiŋgeliŋ 6:10

Kusɔ kama nɛ k bee wora kabre ere daŋ chɛr wora dra dra kikɛ nna. Anyi edimɛdi nyi kusɔ nɛ k la anyi. Anyi alɛ maaŋ tiŋ n ji Ebɔrɛ emɔrɔ ŋkpal manɛ so e kɔ eleŋ a chɔ anyi ga.

Aizaaya 10:15

Ama le nɛ Enyɛnpe Ebɔrɛ na kaŋɛ Asiriya be ewura na: “Kekpanfu ŋko kasaŋɛgboŋ beeŋ tiŋ ŋ kaŋɛ fanɛ kumo e chɔ esa nɛ e bee keta kumo a shuŋ na a? Dimɛdi e naa keta kaprɛ ŋko kaprɛ e naa keta dimɛdi?”

Aizaaya 29:16

Baa melgi kusɔ kama na nna a buu. Epɔrpo nɛ ebɔ nɛ e kɔ a pɔr na, emo e bɔ? Kusɔ nɛ esa lɔŋɛ beeŋ tiŋ ŋ kaŋɛ esa na fanɛ: “Manɛ fo e lɔŋɛ ma a?” Ŋko ŋ kaŋɛ mo fanɛ “Fo maŋ nyi kusɔ nɛ fee wora ere a?”

Aizaaya 45:10

Esa ko wɔtɔ nɛ e tiŋ m bishi basa nɛ b kurge mo le: ‘Manɛ nna nɛ men kurge ma kananɛ n du ere?’ ”

Aizaaya 64:7

Esa kikɛ maŋ naa tre fo kabɔrɛkule to ŋko a fin fo kechɛto gba. Anyi be alubi so, fo ta fo kumu nna ŋ ŋana nseŋ kplaŋ anyi so.

Aizaaya 64:8

Ama fo, Enyɛnpe Ebɔrɛ na e la an tuto. Anyi ere du fanɛ ebɔ nna nɛ fo alɛ du fanɛ mba nɛ mpuliya be epɔrpo. Fo e to anyi,

Jɛremaya 18:6

“Israɛl be basa, ma, Enyɛnpe Ebɔrɛ na kɔ ekpa nɛ n ta menyi n wora kusɔ nɛ mee sha, fanɛ kananɛ esa nɛ e bee pɔr mpuliya na bee ta ebɔ na a wora na nna.

Jɛremaya 36:29

Kumo be kaman nɛ e yɛ ŋ kaŋɛ ewura na le: “Fo chɔɔ kawɔl na nseŋ bishi Jɛremaya kusɔ nɛ k ba nɛ e sibɛ fanɛ Babilɔn be ewura beeŋ ba mur kasawule ere nseŋ mɔ kumo so be basa nɛ asɔbɔya kikɛ.

Jɛremaya 50:24

Babilɔn be efuli so be basa na daŋ to ma emaŋ nna a kɔ ma. Naniere kejigbelɛ nɛ n fe menyi na pɛ menyi nɛ menyi maŋ nyi gba.

Danɛl 4:35

Basa nɛ b wɔ durnya to maŋ la shɛŋ mo kutɔ. Emalaika nɛ b wɔ ebɔrɛso nɛ basa nɛ b wɔ kasawule so kikɛ wɔ mbe kaseto nna. Ekama maaŋ tiŋ m malga ŋ gbiti kusɔ nɛ e yili, ŋko m bishi kusɔ nɛ k ba nɛ e wora kusɔ ko.

1 Kɔrintebi 10:22

Ŋko anyee sha fanɛ an wɔtɔ Enyɛnpe kayurbesa to nna ŋ keni? Anyi e chɔ mo eleŋ a?