Aizaaya 45:7 - EBƆRƐ BE KAWƆL

⁷ Ma e to kefulto nɛ tentembiri kikɛ. Ma e naa nɛfa nseŋ naa bar kumu lubi gboŋgboŋi basa so. Ma, Enyɛnpe Ebɔrɛ na e naa wora ade kikɛ.

Aizaaya 45:7 ပူးပေါင်းရင်းမြစ်များ

2 Bewura 19:25

Menyi maŋ pin to fanɛ ma, Enyɛnpe Ebɔrɛ na e kre kumo loŋ dra na kikɛ nɛ naniere k wora m bɔlɔ so na. Ma e sa menyi eleŋ nɛ men tiŋ n shin nɛ ndegboŋ nɛ b pɔr egbalana ŋ kulti na ki nde bureso.

Job be kawɔl 10:13

Ama kusɔ nɛ fo ta ŋ ŋana fo kagbene to nde, ma alɛ nyi k kaa wɔ fo nfɛra to.

Job be kawɔl 2:10

Ndoŋ nna nɛ Job kaŋɛ mbe eche le: “Sa maa malga fanɛ ewulpo! Nɛ anyeeŋ sɔ Ebɔrɛ be nɛfa nɛ enɔgboŋ anyɔ, manɛ nna nɛ anyi maaŋ sɔ etɔrɔ bre mo kutɔ?” Asheŋ ere kikɛ to, Job maŋ malga ŋ gbiti Ebɔrɛ fanɛ e maŋ wora n nyalɛ.

Job be kawɔl 34:29

Nɛ Ebɔrɛ baŋ maŋ wora shɛŋ gba, esa ko ŋko efuli ko beeŋ tiŋ n wu mo kulubi a?

Nshɛ 105:28

Ebɔrɛ daŋ shin nɛ tentembiri ba buu efuli na kikɛ so nna, ama Ijiptebi na daa maŋ nu n sa Ebɔrɛ.

Nshɛ 29:11

Enyɛnpe Ebɔrɛ na e naa sa mbe basa eleŋ, nsaa nɛfa bumo nɛ kagbenewushi.

Nshɛ 74:16

Fo e to kapa nɛ kanyɛ kikɛ, nseŋ taŋɛ epeŋi nɛ kufɔl; nɛ kekama kɔ kumo be eyilikpa.

Nshɛ 75:7

Ebɔrɛ e naa ji kusɔ kama demu. Mo e naa bar eko kaseto nsaa maŋ eko so!

Nshɛ 8:3

N baŋ keni awɔlpa nɛ fo to, nɛ kananɛ fo ta kufɔl nɛ achɛkpabi n yili amo be eyilikpa,

Ɛksodɔs 14:20

Malaika na daa wɔ Ijipt be benapo na nɛ Israɛlebi na be nferinto nna. Kuwɔlpa na daŋ shin nna nɛ ketentembiri buu Ijipt be benapo na so nseŋ sa Israɛlebi na bre kefulto. Amoso kanyɛ na kikɛ Ijiptebi be benapo na daa maŋ tiŋ n tu Israɛlebi be benapo be katuŋ na.

Aizaaya 31:2

Enyɛnpe Ebɔrɛ na malɛ nyi kusɔ nɛ e bee wora! Mo e naa sa ekpa nɛ jɛrbi bee ba. Kusɔ kama nɛ e kaŋɛ, kumo nɛ e bee wora. Mo e naa gberge basa lubi nɛ bumo be bekumpo kikɛ kusoe.

Aizaaya 42:16

Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.

Aizaaya 44:24

“Ma e la, Enyɛnpe Ebɔrɛ, menyi be emɔlgapo na; Ma e la esa nɛ n to menyi. Ma e la Enyɛnpe Ebɔrɛ nɛ e to kusɔ kikɛ na. N nawule e parga kuwɔlpa to n sɔ esoso kikɛ. Ekama malɛ maŋ chɛ ma to n to durnya.

Aizaaya 47:11

Ama kumulubi gboŋgboŋi beeŋ ba menyi so, Kegbaya damta nɛ men yirda na be kekama maaŋ tiŋ ŋ kuŋ kumo. Kemur cheche nɛ menyee maa ku kumo be edare beeŋ ba purgi menyi epul to!

Jɛremaya 10:16

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Jɛremaya 13:16

Men baa maŋkura Enyɛnpe menyi be Ebɔrɛ na; saŋɛ na so e maaŋ shin nɛ tentembiri e ba menyi so nɛ men baa nite a fiti a tɔr abee so. Men baa maŋkura mo, saŋɛ na so e maaŋ shin nɛ kefulto nɛ menyee tama na e ki tentembiri mina n sa menyi.

Jɛremaya 31:35

Enyɛnpe Ebɔrɛ na e naa shin nɛ epeŋi bee fuli to kapaso, nɛ kufɔl nɛ achɛkpabi malɛ bee fuli to kanyɛso. Mo e naa baga teku to nɛ k bee ku atili nsaa wora awɔr na. Mo ketre e la Enyɛnpetale Ebɔrɛ na.

Jɛremaya 51:20

Enyɛnpe Ebɔrɛ na yɛ: “Babilɔn, fo e la ma kena to be guluŋgu. Fo nɛ mee ta a biri efuliana a pechɛto, nsaa ta fo a mur kuwurgboŋana.

Nfabel 3:38

Kulubi nɛ kelela be ketiŋ wora kikɛ yil kusɔ nɛ Enyɛnpetale Ebɔrɛ na yili so nna.

Ezikɛl 32:8

Ma alɛ beeŋ shin nɛ esoso be kefulto kikɛ e ki tentembiri m buu fo efuli na kikɛ so. Ma Enyɛnpetale Ebɔrɛ e kaŋɛ na.

Danɛl 2:22

Fo e naa lara asheŋ chiŋgeliŋ nɛ ewulosheŋ be afito a ŋini basa; Fo e nyi kusɔ nɛ k ŋana tentembiri to nɛ kefulto malɛ kulti fo n wɔtɔ.

Jowɛl 2:2

Loŋ be kachɛ na beeŋ biri to le tuum nseŋ bar kagbenejija damta. Kamɔnchɛ beeŋ ba kaa la kachɛ nɛ kusɔ kama beeŋ biri to nna nɛ bɔrɛwɔlpa e biri n sɔ kaplɛkama. Benapo lempo be katuŋgboŋ na beeŋ salga to n sɔ abee na so. Le be kesheŋ ere maŋ naŋ wora ŋ ku so kikɛ, kumo alɛ maaŋ naŋ wora kikɛ mbaanaayɔ.

Eemɔs 3:6

Fo daŋ nu b ka foŋ kena to be kabel kade to nɛ kufu maŋ pɛ basa a? Fo daŋ wu jɛrbi ka ba kade to nɛ Enyɛnpe Ebɔrɛ maŋ nyi kumo be asheŋ a?

Eemɔs 4:13

Ebɔrɛ e to abeegboŋana nseŋ to afu. Mo e naa lara kusɔ nɛ k wɔ mbe nfɛra to a ŋini edimɛdi nsaa shin nɛ kapa bee ki kanyɛ. Mo e naa nite abeegboŋ be esoso na. Mbe ketre e la Enyɛnpetale na!

Eemɔs 5:6

Men bɛta n yɔ Enyɛnpe Ebɔrɛ na kutɔ nseŋ nya ŋkpa. Men baa maŋ ba mo kutɔ, e beeŋ ta edɛ m mur menyi. Menyi Bɛtɛl be basa e naaŋ chɔɔ. Esa kama malɛ maaŋ tiŋ m mɔlga menyi kikɛ.

Nahum 1:8

Ama e bee mur mo doŋana bre nna fanɛ nchugboŋ ka jija asɔ na. Mo alɛ naa yɛr bumo nɛ baa ji mo emɔrɔ na luwu to nna.

Ashuŋ Shunso 4:28

Kusɔ nɛ fo daŋ nase fanɛ k wora na gbagba chap nɛ b daŋ shɛr n wora. Ŋkpal fo eleŋ nɛ fo kebaasha kumo be loŋ na so e shin nɛ fo daŋ yili kumo loŋ.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

Juud 1:13

B du fanɛ teku so be atili lubi nna a shin nɛ bumo be anishinyɔr bee kaa fanɛ atili na be eyurpi. Bumo alɛ naa du fanɛ achɛkpabi mo nɛ a bee tia a tia ashi amo be mboŋana nna. Ebɔrɛ malɛ lɔŋɛ kakpa nna n yili bumo nɛ b ya kaa wɔ ndoŋ mbaanaayɔ ashi tentembiri mina to.

Juud 1:6

Men baa nyiŋi emalaika mo nɛ b daa maŋ shuli a wɔ kakpa nɛ Ebɔrɛ daa sha fanɛ b baa wɔ na be asheŋ. B daŋ shile ndoŋ nna ŋkpal k ka daa maŋ bɔlɔ bumo kenishi so. Naniere b ta ŋgbɛlɛbi mo nɛ esa maaŋ tiŋ n tuge kikɛ nna ŋ kre bumo n wɔtɔ tentembiri be kakpa a jo kachɛgboŋ mo nɛ Ebɔrɛ beeŋ ji bumo demu na.