Aizaaya 45:4 - EBƆRƐ BE KAWƆL

⁴ Ma e lara fo fanɛ fo chɛ ma anya, Israɛlebi to; bumo e la basa nɛ n lara n sa ma kumu. Jemanɛ nɛ fo maŋ nyi ma na gba, nɛ n shin nɛ fo nya kemaŋkura.

Aizaaya 45:4 ပူးပေါင်းရင်းမြစ်များ

Nshɛ 136:22

E daŋ sɔ nsawule na nna n sa Israɛl be basa nɛ b la mbe nyɛrbi na fanɛ kapetɛsawule; mbe kasha nɛ k maa chɛrga na malɛ wɔtɔ nna mbaanaayɔ.

Aizaaya 43:1

Israɛl be basa, Enyɛnpe Ebɔrɛ nɛ e to menyi na yɛ: “Men sa maa lɔ kufu, meeŋ mɔlga menyi. Ma e ti menyi be atre n tre menyi. Men la ma basa nna.

Aizaaya 43:14

Kusɔ nɛ Enyɛnpe, Israɛl be Ebɔrɛ cheembi nɛ e mɔlga bumo na kaŋɛ nde: “Meeŋ shuŋi benapo ko nɛ b ba kɔ Babilɔn be efuli so be basa kena nseŋ mɔlga menyi. Ma alɛ beeŋ buri kadegboŋ na be mbunagboŋ to, nseŋ shin nɛ benapo na e ta Babilɔn be basa n wɔtɔ bumo gbagba be ekuloŋgboŋ to n sulɔ bumo a yɔ nɛ b baa boŋ to a shu.

Aizaaya 44:1

Ade be kaman nɛ Enyɛnpe Ebɔrɛ na kaŋɛ le: “Israɛl be basa, ma e lara menyi fanɛ ma nyɛrbi.

Aizaaya 44:28

Ma e kaŋɛ Pɛshiya be efuli so be ewura Sairus le: ‘Feeŋ baa la fanɛ ma mbolpɔkpapo n juŋkpar ma basa n wora m bɔlɔ kusɔ kama nɛ mee sha kewora so. Fo e naŋ shin nɛ b naŋ lɔŋɛ Jerusalɛm be kadegboŋ na nɛ bɔrɛlambu na m pɔr.’ ”

Matiu 24:22

Nɛ Ebɔrɛ malɛ daa maŋ ku nchɛ na so, esa kikɛ daa maaŋ nya kumɔlga. Ama ŋkpal mbe basa laraso so e beeŋ ku nchɛ na so.

Maak 13:20

Nɛ Enyɛnpe daa maŋ ku nchɛ na so, esa kama daa maaŋ nya kumɔlga. Ama ŋkpal mbe basa laraso nɛ e lara so, e ku nchɛ na so.

Ashuŋ Shunso 17:23

Ŋkpal manɛ so, ŋ ka nite menyi be kade ere to nseŋ wu asɔ nɛ menyee bunyaŋ, n wu bɔrɛsure ko nɛ b sibɛ kumo so: ‘Ebɔrɛ nɛ b maŋ nyi peya.’ Kusɔ nɛ menyee bunyaŋ nsaa maa nyi na be asheŋ nɛ m baa kaŋɛ menyi naniere na.

Romebi 11:7

To, naniere manɛ e naa wɔtɔ? Kusɔ nɛ k wɔtɔ e la fanɛ kusɔ nɛ Israɛlebi daŋ pere kenishi a fin na, b fin kumo ŋ gben, ama Ebɔrɛ be basa laraso na bre nya kumo nɛ basa nɛ b ka malɛ nya amu kpakpaso.

Romebi 9:6

Kede maa ŋini fanɛ Ebɔrɛ be kɔnɔ naseso na maŋ tiŋ m bɔla ekpa nna, ŋkpal manɛ so, mannɛ Israɛl be efuli so ebi kikɛ e la Ebɔrɛ be basa laraso.

Ɛfesesebi 2:12

Men daa la befɔ nna ashi Israɛl be efuli so ebi to. Menyi alɛ be shɛŋ daa maŋ wɔ nnɔkoŋwule nɛ a wɔ Ebɔrɛ nɛ Israɛlebi be nferinto na to, ŋkpal mbe nnɔ naseso nɛ e nase n sa mbe basa na so. Men daa wɔ durnya ere to nna a maŋ kɔ tama kikɛ, menyi alɛ daa maa ta Ebɔrɛ a wɔtɔ men be asheŋ to.

1 Tɛsalɔnikaebi 4:5

Men sa maa kɔ kayɛlga fuloŋ be kacheta fanɛ kananɛ nnyamase nɛ b maŋ nyi Ebɔrɛ bee wora na.