Aizaaya 45:3 - EBƆRƐ BE KAWƆL

³ Ma alɛ beeŋ sa fo asɔ lela nɛ a ŋana ashiri be mboŋ, nɛ basa bee sha amo ga na. Saŋɛ na so feeŋ pin fanɛ ma e la Enyɛnpe Ebɔrɛ na; nseŋ naŋ pin fanɛ Israɛl be Ebɔrɛ na e ti fo ketre n tre fo.

Aizaaya 45:3 ပူးပေါင်းရင်းမြစ်များ

2 Kronikɛls 6:17

Enyɛnpe nɛ fo la Israɛl be Ebɔrɛ na, shin nɛ kusɔ kama nɛ fo nase kumo be kɔnɔ n sa fo kenya ewura Deevid na a bɔlɔ so.

Ɛzra 1:2

kusɔ nɛ Pɛshiya be ewura, Sairus, kaŋɛ nde: “Enyɛnpe Ebɔrɛ nɛ e wɔ ebɔrɛso na e ta efuliana nɛ e wɔ durnya ere kikɛ to be kuwura m buu ma, nseŋ kaŋɛ ma fanɛ n ya pɔr bɔrɛlambu n sa mo ashi Jerusalɛm nɛ k wɔ Juda be efuli so na.

Ɛksodɔs 33:12

Ade kikɛ be kaman nɛ Mosis kaŋɛ Enyɛnpe Ebɔrɛ le: “Kashenteŋ nna fanɛ fo e kaŋɛ ma fanɛ n ya keta basa ere n yɔ kɔnɔ naseso be kasawule na so, ama fo alɛ maŋ ŋini ma esa nɛ e beeŋ ba chɛ ma to. Fo baŋ kaŋɛ ma nna fanɛ: ‘N nyi fo nɛnɛ nɛ fo asheŋ bee par ma.’

Ɛksodɔs 33:17

Ndoŋ nna nɛ Enyɛnpe Ebɔrɛ kaŋɛ Mosis: “Ŋkpal ŋ ka nyi fo nɛnɛ nɛ fo asheŋ malɛ bee par ma so, meeŋ wora kusɔ nɛ fo kaŋɛ na gbagba chap.”

Aizaaya 41:23

Men naŋ kaŋɛ anyi asheŋ nɛ a beeŋ wora echefoso, aloŋ nɛ anyeeŋ pin fanɛ men la agbirana kashenteŋto! Men wora kesheŋ lela ko ŋko alemaŋkarsheŋ ko, n shin nɛ kufu e pɛ anyi nɛ kɔnɔ e mɔ anyi.

Aizaaya 43:1

Israɛl be basa, Enyɛnpe Ebɔrɛ nɛ e to menyi na yɛ: “Men sa maa lɔ kufu, meeŋ mɔlga menyi. Ma e ti menyi be atre n tre menyi. Men la ma basa nna.

Aizaaya 48:15

Ma e lara mo nseŋ n tre mo; ma alɛ beeŋ juŋkpar mo n shin nɛ e kɔ m pɔɔ so.

Aizaaya 49:1

Ekama e nu nfe! Menyi nɛ men wɔ efuli pɔtɛana nɛ a wɔ teku be kaba ndoŋ na gba, e nu nfe. Enyɛnpe Ebɔrɛ na e lara ma nɛ m baa la mbe kenya, nseŋ nase ma ketre pɔɛŋ nɛ b kurge ma.

Jɛremaya 41:8

Ama pɔɛŋ nɛ b mɔ bumo, basa na to be basa kudu ko daŋ kaŋɛ Ishmaɛl le nna: “Jande, sa maŋ mɔ anyi! An kɔ ayu be yiri yiri nɛ ɔlif be ŋku nɛ mushoŋ nɛ an ta ŋ ŋana kupuŋ to. Amoso e daa maŋ shin nɛ b mɔ bumo ere.

Jɛremaya 50:26

Babilɔn mo doŋana, men shi kufɔ kufɔ m ba kɔ mo kena m bure mboŋ nɛ baa yili bumo be ayu be yiri yiri na. Kumo be kaman nɛ men chala asɔ nɛ men suge na abar so fanɛ ayu ka biti abar so na. Men mur efuli na kikɛ nsaa maŋ yige shɛŋ n sa bumo.

Jɛremaya 50:37

Bedoŋ beeŋ mur menyi be egbaŋɛ nɛ amo be eturko, nɛ benapo nɛ men ya haya m ba na kikɛ! Menyi be benapo na beeŋ pɔ fanɛ beche, nɛ bedoŋ e mur menyi be asɔ lela kikɛ, nseŋ muu amo nɛ baa sha n yɔ.

Jɛremaya 51:13

Efuli na so kɔ elɔr nɛ asɔ lela damta, ama kumo be saŋɛ fo nɛ kumo be kebaawɔtɔ a ku so.

Jɛremaya 51:53

Hale Babilɔn be egbalana dii n ya kaa chute awɔlpa nɛ kumo be mboŋ lempoana naŋ wora eleŋ n ti so gba, benapo nɛ meeŋ shuŋi na kraa beeŋ mur kadegboŋ na. Ma, Enyɛnpe Ebɔrɛ e kaŋɛ na.”