Aizaaya 43:2 - EBƆRƐ BE KAWƆL

² Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Aizaaya 43:2 ပူးပေါင်းရင်းမြစ်များ

Job be kawɔl 5:19

Saŋɛ kikɛ Ebɔrɛ beeŋ baa lara fo ashi etɔrɔ damta nɛ a bee bar fo kagbenejija ga ere kikɛ to.

Nshɛ 23:4

Hale nɛ n na tentembiri to mina gba, kufu maa pɛ ma. Ŋkpal manɛ so, fo wɔ ma kutɔ. Fo kuwurkpabi nɛ fo kuchuchɔ e naa kuŋ ma.

Nshɛ 32:6

Amoso fo kama nɛ fee ŋana Ebɔrɛ, nsaa wɔ tɔrɔ to, fo kule mo. Saŋɛ na so, tɔrɔ be awɔrfoŋ nɛ k du fanɛ nchu ka to chufulgboŋ a ba eleŋso na maaŋ sulɔ fo n yɔ.

Nshɛ 66:10

Anyi be Ebɔrɛ, fo wora anyi ŋ keni, fanɛ kananɛ baa wora gbiti a keni na.

Nshɛ 66:12

Fo shin nɛ an doŋana pɔɔ anyi so nɛ an luri edɛ nɛ nchu to, ama fo bar anyi kasawule nɛ k kɔ asɔ damta so.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Ɛksodɔs 14:29

Ama Israɛlebi na bre daŋ nite kasawule wɔlso so nna m bɔla teku nɛ k ki fanɛ egbalana a wɔ bumo be jisa so nɛ bena so n dii pɔɛŋ nɛ nchu na ji Ijipt be benapo na.

Ɛksodɔs 3:12

Nɛ Ebɔrɛ kaŋɛ mo le: “Meeŋ baa wɔ fo kutɔ. Fo kaŋ ya lara basa na ashi Ijipt be efuli so m ba kebee ere so nfe m ba bunyaŋ ma na nɛ feeŋ pin fanɛ ma e shin nɛ loŋ wora.”

Aizaaya 29:6

nɛ Enyɛnpetale Ebɔrɛ na beeŋ bɔla bɔrɛfugboŋ nɛ kebembeŋ so ŋ kɔ n suge menyi n yige. E beeŋ shin nɛ afugboŋ nɛ edɛ wuloŋwuloŋ e ba.

Aizaaya 30:27

Enyɛnpe Ebɔrɛ na be eleŋgboŋ nɛ kemaŋkura shi kufɔ kufɔ a ba. Edɛ nɛ edishi e naa ŋini mbe agbo. E malga nɛ mbe kɔnɔ to be mmalga bee chɔ fanɛ edɛ na.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 41:14

Ade be kaman, nɛ Enyɛnpe Ebɔrɛ na kaŋɛ: “Israɛl be basa, men ka maŋ shi nsaa maa kɔ eleŋ ga ere gba, men sa maa lɔ kufu; meeŋ chɛ menyi to. Ma, nɛ n la Israɛl be Ebɔrɛ cheembi na e naa mɔlga menyi.

Aizaaya 43:5

Men sa maa lɔ kufu! Ŋkpal manɛ so, ma nɛ menyi nna. Meeŋ yili epeŋilarkpa m ba choŋ epeŋitɔrkpa n ya bar menyi abar so.

Jɛremaya 42:11

Men sa maa ŋana Babilɔn be ewura na. Ma nɛ menyi e wɔtɔ. Ma alɛ beeŋ baa kuŋ menyi nseŋ mɔlga menyi ashi mbe eleŋgboŋ to.

Jɛremaya 46:28

Meeŋ ba menyi kutɔ m ba mɔlga menyi. Ma alɛ beeŋ mur efuliana nɛ n daŋ pesaŋ menyi to n yɔ amo so na, ama m maaŋ mur menyi ere. M maaŋ shin nɛ men wora kulubi nɛ m maŋ gberge menyi kumo be kusoe; ama meeŋ gberge menyi kusoe na nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Danɛl 3:23

Nɛ Shaadrak nɛ Mɛshaak nɛ Abedneego nɛ b kre na tɔr edɛ wuloŋ wuloŋ na be kechimbi to.

Heegai 1:13

Kumo be kaman nɛ anebi Heegai kaŋɛ basa na le: “Enyɛnpe Ebɔrɛ na nase kɔnɔ ŋ kaŋɛ le: ‘Meeŋ baa wɔ menyi kutɔ.’ ”

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

2 Timoti 4:17

Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.

2 Timoti 4:22

Enyɛnpe e baa kɔ fo kiyoyu to. Ebɔrɛ be kuwɔr be kakɛ e baa wɔ menyi so.

Hibruwebi 11:29

Yirda so nɛ Israɛlebi na daŋ tiŋ m bɔla teku peper na to n nite n lar fanɛ kasawule wɔlso na, ama Ijiptebi na ka ba kaa sha kenite loŋ n choŋ nɛ b ji nchu.

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”