Aizaaya 42:8 - EBƆRƐ BE KAWƆL

⁸ N nawule kpeŋ e la Enyɛnpe Ebɔrɛ na. M maaŋ shuli nɛ agbir ŋko edimɛdi e sɔ kemaŋkura nɛ bunyaŋ nɛ e daga ma na.

Aizaaya 42:8 ပူးပေါင်းရင်းမြစ်များ

Nshɛ 66:2

Men boŋ nshɛ m maŋkura mbe ketre nseŋ ta kapandi n fur mo.

Nshɛ 83:18

Shin nɛ b pin fanɛ fo e la Enyɛnpetale Ebɔrɛ. Fo alɛ nawule e naa ji kuwura durnya kikɛ so.

Ɛksodɔs 34:14

Men sa maŋ kaŋ shuŋ kegbir kama, ŋkpal manɛ so, ma e la Enyɛnpe Ebɔrɛ, nɛ ma nɛ shɛŋ shɛŋ maa ji kechamana na.

Ɛksodɔs 4:5

Nɛ Enyɛnpe Ebɔrɛ kaŋɛ Mosis: “Fo baŋ wora loŋ, baaŋ yirda fanɛ Enyɛnpe Ebɔrɛ, bumo nananyɛnana Eebraham nɛ Aizek nɛ Jeekɔb be Ebɔrɛ na e lar fo so.”

Aizaaya 43:11

N nawule kpeŋ e la Enyɛnpe Ebɔrɛ na. Ma alɛ nawule e naaŋ tiŋ m mɔlga menyi.

Aizaaya 43:3

Ŋkpal manɛ so, ma e la Enyɛnpe menyi be Ebɔrɛ na. Ma, Israɛl be Ebɔrɛ cheembi na, e la menyi be emɔlgapo. Meeŋ kplaŋ Ijipt nɛ Itiopia nɛ kebonfu nɛ baa tre Seba na be asheŋ so nseŋ sɔ menyi n yige.

Aizaaya 48:11

Ŋ gbagba so nɛ mee wora le na. M maa sha fanɛ ma ketre e jija nɛ basa e baa keni ma jiga, ŋko n shin nɛ ma nɛ esa ko e chige ma kemaŋkura to. Ma kemaŋkura la n nawule peya nna.”

Aizaaya 48:5

Amoso nɛ ŋ kaŋɛ menyi asheŋ ere dra dra kikɛ na, saŋɛ na so nɛ a kaŋ wora m bɔlɔ so, menyi maaŋ kaŋɛ fanɛ agbir nɛ menyee shuŋ na e shin nɛ a wora m bɔlɔ so.

Aizaaya 48:6

Asheŋ nɛ ŋ kaŋɛ menyi na kikɛ wora m bɔlɔ so. A daga fanɛ men shuli so fanɛ kashenteŋto nɛ e wora m bɔlɔ so. Naniere meeŋ naŋ kaŋɛ menyi asheŋ popɔr nɛ e beeŋ ba. E la asheŋ woraso nɛ m maŋ naŋ lara ŋ ŋini kikɛ nna.

Jɛremaya 33:2

“Ma, e la Enyɛnpe Ebɔrɛ nɛ n to durnya n yili kakpa nɛ k wɔ ere. Ma ketre e la Enyɛnpe Ebɔrɛ na.

Danɛl 5:4

nsaa di bumo be agbir nɛ b ta shuwa nɛ gbiti nɛ danyaŋ nɛ abɛlso nɛ ndibi nɛ ajembu n lɔŋɛ na epaŋ.

Baru lela nɛ Jɔn kute na 5:23

saŋɛ na so, ekama beeŋ bunyaŋ ma, Ebinyɛn na fanɛ kananɛ baa bunyaŋ Etuto na. Ekama malɛ nɛ e maa bunyaŋ ma, Ebinyɛn na maa bunyaŋ Etuto nɛ e shuŋi ma na gba nna na.

Baru lela nɛ Jɔn kute na 8:58

Nɛ Yesu kaŋɛ bumo: “Ma e kaŋɛ menyi kashenteŋto na fanɛ pɔɛŋ nɛ b kurge Eebraham nɛ n wɔtɔ.”

Ditɛronɔmi 28:58

Nɛ men kini kewora Ebɔrɛ be mbraana nɛ b sibɛ n wɔtɔ kawɔl ere to ere kasonu kashenteŋto nseŋ kini kesa Enyɛnpe menyi be Ebɔrɛ na be ketre nɛ k kɔ kemaŋkura na bunyaŋ,