Aizaaya 42:5 - EBƆRƐ BE KAWƆL

⁵ Ebɔrɛ e to esoso nseŋ parga kumo to n sɔ kaplɛkama; mo e to kasawule nɛ asɔ kama nɛ e wɔ kumo so na kikɛ; mo e sa durnya to be basa kikɛ ŋkpa nɛ efute. Naniere kusɔ nɛ Enyɛnpe Ebɔrɛ na bee kaŋɛ mbe kayɛrbi nde:

Aizaaya 42:5 ပူးပေါင်းရင်းမြစ်များ

Jɛnesis 1:1

Durnya be sososo na, esoso nɛ kasawule nɛ Ebɔrɛ to.

Jɛnesis 2:7

Enyɛnpe Ebɔrɛ ka daa shin nɛ e to dimɛdi na, e daŋ ta shishɛr nna ashi kasawule so m pɔr enyɛn nseŋ fute ŋkpa be efute n wɔtɔ mbe kamuna to nɛ enyɛn na ki kusɔ futeso.

Job be kawɔl 12:10

Kusɔ futeso kikɛ be ŋkpa bɔɔ Ebɔrɛ enɔ nna.

Job be kawɔl 27:3

Ŋ ka baa wɔ ŋkpa to nseŋ kraa kɔ efute nɛ Ebɔrɛ sa ma ere,

Job be kawɔl 33:4

Enyɛnpetale Ebɔrɛ na be Kiyoyu e to ma, nseŋ sa ma efute nɛ ŋkpa.

Job be kawɔl 34:14

Nɛ Ebɔrɛ baŋ sɔ efute nɛ k sa anyi ŋkpa ere

Nshɛ 136:6

Enyɛnpe Ebɔrɛ na e to kasawule n deŋi nchuana so; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 33:6

Enyɛnpe Ebɔrɛ na be kamalga so nɛ e bɔla n to esoso. E malga nna nɛ epeŋi nɛ kufɔl nɛ achɛkpabi lar.

Nshɛ 96:5

Efuli pɔtɛana so ebi bee shuŋ agbirana nna; ama Enyɛnpe Ebɔrɛ na e to ebɔrɛso.

Aizaaya 37:16

“Enyɛnpetale Israɛl be Ebɔrɛ, fo e chena fo kuwurputi so awɔlto nɛ emalaika nɛ baa tre chɛrubim na wɔ fo aya ase. Fo nawule e la Ebɔrɛ. Fo e to esoso nɛ kasawule nsaa ji kuwura durnya be kuwurjiana kikɛ so.

Aizaaya 40:12

Esa kikɛ maaŋ tiŋ n ta mbe enɔ be epun to ŋ karga teku; ŋko n ta mbe enɔ ŋ karga awɔlpa. Esa maaŋ tiŋ n ta durnya to kikɛ be eshishɛr n wɔtɔ kurwa to; ŋko n ta abeegboŋ nɛ abeebi n deŋi kusɔ so ŋ karga amo be egbɛ.

Aizaaya 40:22

Esa nɛ e chena mbe kuwurputi so ashi durnya be esoso nɛ k baŋ awɔlpa so na e to durnya. Basa nɛ b wɔ kumo to na du fanɛ atutulombi mo kutɔ nna. Mo e parga kuwɔlpa to fanɛ patisa, ŋko fanɛ wajɛbu nɛ esa e chena to na.

Aizaaya 40:26

Maŋ anishi so ŋ keni awɔlpa so! Wanɛ e to achɛkpabi nɛ fee wu ere? Mo ere Ebɔrɛ nɛ e bee juŋkpar amo fanɛ benapo be ejuŋkparpo na, e nyi kananɛ amo kikɛ sa nɛ amo be kekama be ketre! Enyɛnpe Ebɔrɛ na be yuku shi ga, nɛ achɛkpabi na be kekama maa foe mo so.

Aizaaya 40:28

Menyi maŋ nyi a? Menyi alɛ maŋ naŋ nu a? Fanɛ Enyɛnpe na e la Ebɔrɛ nɛ e wɔtɔ mbaanaayɔ; mo e to durnya kikɛ. E maa shuŋ a gben ŋko a gben a chul to kikɛ. Esa kikɛ malɛ maaŋ tiŋ m pin mbe nfɛra to.

Aizaaya 44:24

“Ma e la, Enyɛnpe Ebɔrɛ, menyi be emɔlgapo na; Ma e la esa nɛ n to menyi. Ma e la Enyɛnpe Ebɔrɛ nɛ e to kusɔ kikɛ na. N nawule e parga kuwɔlpa to n sɔ esoso kikɛ. Ekama malɛ maŋ chɛ ma to n to durnya.

Aizaaya 45:12

Ma e to durnya nseŋ to edimɛdi be yiri yiri n wɔtɔ kumo to. Ma eleŋgboŋ so nɛ awɔlpa parga to n sɔ kaplɛkama nɛ epeŋi nɛ kufɔl nɛ achɛkpabi kikɛ wɔ kumo so na.

Aizaaya 45:18

Enyɛnpe na nawule e la Ebɔrɛ, mo e to ebɔrɛso nɛ durnya nɛ basa wɔ kumo to na. E maŋ to durnya nna nɛ k baa dese fuloŋ fanɛ kiyi.” Mo e kaŋɛ le na: “Ma e la Enyɛnpe Ebɔrɛ, Ebɔrɛ kikɛ maŋ naa wɔtɔ n ti ma so.

Aizaaya 48:13

Ŋ gbagba be enɔ nɛ n ta n to durnya, nseŋ shin nɛ awɔlpa parga to n sɔ kaplɛkama. Kusɔ kama nɛ m baŋ yili n sa amo, e bee nya manaŋ a wora ma kasonu epul to nna.

Aizaaya 57:16

M maaŋ naaŋ nya agbo n wɔtɔ ma basa a wu bumo kulubi mbaanaayɔ. Ŋkpal manɛ so, ma e to bumo nsaa maa sha fanɛ bumo be aba e pɔ bumo.

Jɛremaya 10:12

Enyɛnpe Ebɔrɛ na e bɔla mbe eleŋgboŋ so n to durnya; e bɔla mbe kanyiasheŋ so nna n to durnya nseŋ parga awɔlpa to m buu kaplɛkama so.

Jɛremaya 27:5

mo gbagba be eleŋgboŋ so nɛ e to durnya nɛ edimɛdi nɛ kasawule so be asɔbɔya kikɛ nsaa lara esa nɛ e beeŋ ji amo kikɛ so kuwura.

Jɛremaya 32:17

“Enyɛnpetale Ebɔrɛ, fo e bɔla fo eleŋgboŋ nɛ yuku so n to esoso nɛ kasawule. Sheŋ malɛ maŋ du kpakpa n sa fo.

Jɛremaya 38:16

Nɛ Ewura Zɛdikaya nase kɔnɔ ashiri to ŋ kaŋɛ ma le: “M bɔ Ebɔrɛ nɛ e sa anyi ŋkpa ere fanɛ m maaŋ mɔ fo ŋko n ta fo n sa basa nɛ baa fin fo kemɔ na nɛ b mɔ.”

Ezikɛl 18:4

Dimɛdi kikɛ be ŋkpa bɔɔ ma enɔ nna, bekurgepo nɛ bumo be mbia kikɛ. Amoso, esa nɛ e wora kulubi e naaŋ wu kumo be luwu.

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Eemɔs 9:6

Enyɛnpe Ebɔrɛ pɔr mbe kowu nna ashi ebɔrɛso nɛ kasawule ere malɛ la kumo be gbaltɔlase. E bee gbargbar etekuana be nchu nna, a chulgi a wurge kasawule ere so. Mbe ketre e la Enyɛnpe Ebɔrɛ na!

Zakareya 12:1

Kubɔya nɛ k shi Enyɛnpe Ebɔrɛ na kutɔ a laŋɛ Israɛl be kaplɛa so na nde. Mo e to esoso nseŋ tɔl durnya n yili kumo be gbaltɔlase so, nseŋ sa dimɛdi ŋkpa na.

Ashuŋ Shunso 17:24

Ebɔrɛ nɛ e to durnya ere nɛ asɔ nɛ a wɔ kumo to kikɛ ere e la ebɔrɛso nɛ kasawule kikɛ be Enyɛnpe, mo alɛ maa chena nshɛrbu nɛ enyiŋgbasa pɔr nɛ b baa bunyaŋ mo to.

Ashuŋ Shunso 17:25

Mo alɛ maŋ naa sha kusɔ kama nɛ nyiŋgbasa ta enɔ a shuŋ a sa mo, ŋkpal manɛ so, mo e naa sa nyiŋgbasa ŋkpa nɛ efute nɛ kusɔ kama nyam.

Hibruwebi 1:2

Ama naniere, lalaloge be nchɛ ere bre to mo Pibinyɛn so nɛ e bɔla m malga n sa anyi. Mo Pibinyɛn na so nɛ e to esoso nɛ kasawule kikɛ. Ebi na malɛ nɛ e lara fanɛ mo e naaŋ ba kaa wɔ kusɔ kikɛ.