Aizaaya 42:2 - EBƆRƐ BE KAWƆL

² E maaŋ ponte awɔrso ŋko m malga awɔrso ashi agbembi so.

Aizaaya 42:2 ပူးပေါင်းရင်းမြစ်များ

Aizaaya 42:1

Enyɛnpe Ebɔrɛ na yɛ: “Ma kenya nde, ma e naa sa mo eleŋ. Mo e la esa nɛ n lara, nɛ ma kagbene bee fuli mo so. N ta ma Kiyoyu nna n sa mo, nɛ e bar keji asheŋ nɛ amo be ekpa so ashi efuliana so.

Aizaaya 42:3

E maaŋ bu kejolobi nɛ k dɛlɛ to a yil ŋko n duŋ fitila nɛ k maa wu nɛnɛ. Ama e beeŋ shin nɛ keji asheŋ nɛ amo be ekpa so e baa la ekama peya.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Matiu 11:29

Men be ekama e ta ma kubɔ to be kebarga n dii nɛ ma nɛ mo e baa na, saŋɛ na so e beeŋ koya kebaawɔtɔ ashi ma kutɔ, ŋkpal manɛ so, n du boeŋ nna a bar ma kumu kaseto. Ekama nɛ e baŋ wora loŋ, e beeŋ nya ewushi.

Luuk 17:20

Kachako Efarisiana ko bishi Yesu saŋɛ nɛ Ebɔrɛ be kuwura na beeŋ ba nɛ e kaŋɛ bumo le: “Ebɔrɛ be kuwura na be keba maŋ la kusɔ nɛ k beeŋ bar asɔ ko nna nɛ men wu amo geeŋ pɔɛŋ nɛ k ba.

2 Timoti 2:24

A maŋ daga Enyɛnpe malɛ be kenya ka bee kɔ nlu. A daga fanɛ e baa la esa basa kikɛ kutɔ nseŋ naa la eŋinipo lela nɛ e kɔ kanyiti

1 Pita 2:23

B daŋ tege mo, ama mo alɛ daa maŋ laŋɛ katege n sa bumo. B daŋ tɔrɔ mo, ama e daa maŋ nyaŋɛ to n tu bumo. Ama e daŋ ta mbe kumu nna m bɔɔ esa nɛ e bee ji asheŋ amo be ekpa so na enɔ.