Aizaaya 41:9 - EBƆRƐ BE KAWƆL

⁹ Durnya be mboŋ wɔfɔ kikɛ nɛ n shi ŋ keta menyi m ba, nseŋ kaŋɛ menyi le: ‘Men la ma nyɛrbi nna.’ M maŋ kini menyi n lɛ.

Aizaaya 41:9 ပူးပေါင်းရင်းမြစ်များ

Nshɛ 135:4

Ŋkpal manɛ so, mo e lara an nananyɛn Jeekɔb be kaman to ebi, nɛ b la Israɛl be basa na, fanɛ b baa la mo gbagba be basa.

Nshɛ 94:14

Ama fo Enyɛnpe Ebɔrɛ maaŋ kini fo basa n lɛ; fo alɛ maaŋ kplaŋ efuli nɛ fo gbagba lara na so.

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 14:1

Enyɛnpe Ebɔrɛ na beeŋ naaŋ wu mbe basa Israɛlebi nɛ e lara n sa mbe kumu na kuwɔr. E beeŋ shin nɛ b bɛta bumo m ba bumo gbagba be kasawule so, nɛ befɔ e tu bumo n chena ndoŋ fanɛ bumo alɛ gba ka la Israɛlebi na.

Aizaaya 41:2

Wanɛ e daŋ shi epeŋilarkpa m bar esa nɛ e kɔ m pɔɔ so na, nseŋ shin nɛ e daŋ kɔ m pɔɔ so kaplɛkama nɛ e yɔ na? Wanɛ e shin nɛ e tiŋ ŋ kɔ m pɔɔ bewura nɛ efuliana na so na? Mbe tokobi daa ŋele bumo nna a lɛ nɛ baa wu a ki shishɛrpumpuŋ. Nɛ mbe atanyembi malɛ daa pesaŋ bumo to fanɛ kananɛ afu bee kaa ber amimi a lɛ na.

Aizaaya 41:8

Israɛlebi, men la ma nyɛrbi nna. Ma e lara menyi. Menyi nɛ men la nteri Eebraham be kaman to ebi na nɛ n lara.

Aizaaya 42:1

Enyɛnpe Ebɔrɛ na yɛ: “Ma kenya nde, ma e naa sa mo eleŋ. Mo e la esa nɛ n lara, nɛ ma kagbene bee fuli mo so. N ta ma Kiyoyu nna n sa mo, nɛ e bar keji asheŋ nɛ amo be ekpa so ashi efuliana so.

Aizaaya 44:1

Ade be kaman nɛ Enyɛnpe Ebɔrɛ na kaŋɛ le: “Israɛl be basa, ma e lara menyi fanɛ ma nyɛrbi.

Aizaaya 45:4

Ma e lara fo fanɛ fo chɛ ma anya, Israɛlebi to; bumo e la basa nɛ n lara n sa ma kumu. Jemanɛ nɛ fo maŋ nyi ma na gba, nɛ n shin nɛ fo nya kemaŋkura.

Malakai 1:2

E yɛ: “Israɛlebi, saŋkama, ma kasha wɔ menyi so nna ga.” Ama le nɛ bumo alɛ daŋ kaŋɛ: “Ekpa mo so nɛ fo ŋini anyi kasha?” Ndoŋ nna nɛ Enyɛnpe Ebɔrɛ kaŋɛ: “Isɔɔ nɛ Jeekɔb la esa nɛ mo sipo nna, ama Jeekɔb nɛ mbe kaman to ebi nɛ n lara a sha ga,

Luuk 13:29

Basa beeŋ shi epeŋilarkpa nɛ epeŋitɔrkpa nɛ kelarga to be esoso nɛ kelarga to be kaseto na kikɛ to m ba chena Ebɔrɛ be kuwura na to n ji.

Ditɛronɔmi 14:2

Menyi ere la basa nɛ Enyɛnpe menyi be Ebɔrɛ na lara nna nɛ men baa la mo gbagba be basa ashi edimɛdi nɛ b wɔ durnya kikɛ to.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.

1 Samuɛl 12:22

Ebɔrɛ na e lara menyi fanɛ mo gbagba be basa. Ŋkpal mbe ketre ka shibi so, e maaŋ yige menyi kikɛ.