Aizaaya 41:26 - EBƆRƐ BE KAWƆL

²⁶ Menyi, agbirana to be emo e daŋ wu kusɔ nɛ k beeŋ wora echefoso ŋ kaŋɛ? Saŋɛ na so, anyeeŋ tiŋ n wu k kaa wora m bɔlɔ so nseŋ kaŋɛ fanɛ k la kashenteŋ? Men to be ekama maŋ naŋ kaŋɛ shɛŋ a laŋɛ echefoso be kaplɛa so. Esa kikɛ malɛ maŋ naŋ nu men ka kaŋɛ kusɔ ko!

Aizaaya 41:26 ပူးပေါင်းရင်းမြစ်များ

Aizaaya 41:22

Men ba kaŋɛ ma kusɔ nɛ k beeŋ wora echefoso, saŋɛ na so nɛ k kaŋ wora, anyeeŋ pin kumo. Men bugi asheŋ nɛ a wora dra na to ŋ kaŋɛ ashi demujikpa, nseŋ kaŋɛ anyi amo be afito.

Aizaaya 41:4

Wanɛ e daŋ shin nɛ le wora? Wanɛ e yili edimɛdi be adrasheŋ n sa bumo? Ma Enyɛnpe Ebɔrɛ nɛ n wɔtɔ sososo na kikɛ na e wora loŋ! Ma, alɛ e naaŋ baa wɔtɔ hale mbaanaayɔ.

Aizaaya 43:9

Kaŋɛ efuliana na be basa fanɛ b gama abar so. Bumo be agbirana na be kumo e naaŋ tiŋ ŋ kaŋɛ kusɔ nɛ k beeŋ wora echefoso? Agbirana na be emo e naŋ tiŋ ŋ kaŋɛ kusɔ nɛ k bee wora naniere ere? Men shin nɛ agbirana na e bar bumo be eshɛdajipoana, nɛ b ba ŋini fanɛ kusɔ nɛ b kaŋɛ na la kashenteŋ nna.

Aizaaya 44:7

Esa kikɛ maaŋ tiŋ n wora asɔ nɛ n wora ere. Esa kikɛ malɛ maaŋ tiŋ ŋ kaŋɛ kusɔ nɛ k beeŋ wora yili saŋɛ be sososo n ya fo kumo be lalaloge.

Aizaaya 45:21

Men ba demujikpa! Bekama nɛ baaŋ tiŋ m malga ŋ kuŋ bumo be amu na e to abar jina. Dra dra na kikɛ, wanɛ e tiŋ ŋ kaŋɛ kusɔ nɛ k beeŋ wora? Mannɛ ma Enyɛnpe Ebɔrɛ nɛ e mɔlga mbe basa na e tiŋ ŋ kaŋɛ a? Ebɔrɛ kikɛ maŋ naa wɔtɔ n ti ma so.

Aizaaya 46:9

Men baa nyiŋi kusɔ nɛ k wora dra na, nseŋ pin to fanɛ n nawule e la Ebɔrɛ. Ekama maŋ du fanɛ ma.