Aizaaya 41:24 - EBƆRƐ BE KAWƆL

²⁴ Menyi gbagba nɛ asɔ nɛ menyee wora kikɛ maŋ la shɛŋ. Basa nɛ baa shuŋ menyi na la basa nɛ mbushu pɛ bumo nna!

Aizaaya 41:24 ပူးပေါင်းရင်းမြစ်များ

Nshɛ 115:8

Bekama nɛ b lɔŋɛ agbirana na nɛ bumo nɛ b yirda amo na du jiga fanɛ agbirana na nna; b maŋ kɔ tɔnɔ kikɛ.

Aŋasa 28:9

Ebɔrɛ maa nu esa nɛ e maa bɛ mbra so be kabɔrɛkule.

Aŋasa 3:32

Ŋkpal manɛ so, Enyɛnpe Ebɔrɛ na kishi basa nɛ baa wora alubi be asheŋ ga, ama e yirda basa nɛ bumo be aworbi niŋi na bre nna.

Aizaaya 37:19

Bumo alɛ daŋ naŋ chɔɔ efuliana na be agbirana nɛ b ta ndibi nɛ ajembu n lɔŋɛ a shuŋ nna.

Aizaaya 41:29

Agbirana ere kikɛ du jiga pasaa! B maaŋ tiŋ n wora shɛŋ, Bumo alɛ kikɛ maŋ kɔ eleŋ.”

Aizaaya 66:24

Kumo be kaman nɛ ma basa e lar kowu n ya wu basa nɛ b lar ma kaman ŋ kilgi a kɔ ma na be kebuniana. Ashushombi nɛ a beeŋ ji bumo na maaŋ wu kikɛ. Edɛ nɛ a beeŋ chɔɔ bumo m mur na malɛ gba maaŋ duŋ kikɛ. Bumo be asheŋ beeŋ keta ekama nɛ e beeŋ wu bumo kenishiso kejija.”

Jɛremaya 10:14

Basa nɛ baa lɔŋɛ agbir maŋ kɔ nfɛra kikɛ! Ebɔyɛpo nɛ baa ta shuwa ŋko gbiti a wurge agbirana so na bee ji anishinyɔr nna ŋkpal bumo be agbirana nɛ e maŋ kɔ kashenteŋ nɛ ŋkpa so.

Jɛremaya 10:15

Agbirana na maŋ kɔ tɔnɔ, a daga basa e wora amo eyurto nna nseŋ kini amo n lɛ. Kachɛ na kaŋ fo, Enyɛnpe Ebɔrɛ na beeŋ mur amo kikɛ.

Jɛremaya 10:5

Le be agbirana ere du fanɛ asɔ nɛ b ta n yili ndɔ to a ju mbuibi nna. E kɔ nnɔ, amo alɛ maa malga; e kɔ aya amo alɛ maa nite! Amoso baa sulɔ amo nna a nite. Men sa maa ŋana amo; ŋkpal manɛ so, e maaŋ tiŋ n wora menyi shɛŋ. Amo alɛ maaŋ tiŋ n wora kesheŋ lela kikɛ n sa menyi.”

Jɛremaya 10:8

Agbirana maŋ kɔ tɔnɔ nɛ kechɛto kikɛ n sa basa. Esa kama nɛ e bee shuŋ amo la ewulpo nna.

1 Kɔrintebi 8:4

To, naniere an keni nlɔŋɛjibiana be asheŋ to. An baa nyi fanɛ kegbir la kusɔ nɛ k maŋ kɔ ŋkpa kumo to nna a wɔtɔ, anyi alɛ nseŋ naa nyi fanɛ Ebɔrɛ koŋwule e wɔtɔ, ekama maŋ naŋ ti mo so.

Ditɛronɔmi 27:15

Ebɔrɛ be kɔnɔsho beeŋ ba esa kama nɛ e beeŋ ta kejembu ŋko kedibi ŋko kebɛlso n lɔŋɛ kegbir a shuŋ ashiri to so. Ŋkpal manɛ so, Enyɛnpe Ebɔrɛ na kishi kagbirshuŋ ga. Nɛ basa nɛ b yil Ebal be kebee so na kikɛ e shuli so le: ‘Amɛn!’

Ditɛronɔmi 7:25

Nɛ men kaŋ pɔɔ efuli kama so, men chɔɔ bumo be agbirana. Men sa maŋ kaa yɛlga shuwa ŋko gbiti nɛ a beeŋ baa deŋ agbirana na so na. Menyi alɛ e sa maŋ ta amo ŋ ki menyeya. Nɛ men wora loŋ, k beeŋ tiŋ a la luwu n sa menyi, ŋkpal manɛ so, Enyɛnpe Ebɔrɛ na kishi kagbirshuŋ nna.

Ditɛronɔmi 7:26

Men sa maŋ kaŋ bar agbirana ere be kekama menyi peana. Nɛ men wora loŋ, kɔnɔsho nɛ k wɔ basa na so na beeŋ ba menyi alɛ gba so. A daga fanɛ men kishi amo be asheŋ nsaa gelge amo kenishipere so, ŋkpal manɛ so, Enyɛnpe Ebɔrɛ na shoduu amo nna.”

Kelaraŋŋini 17:5

Le be wulo be ketre ere nɛ b daŋ sibɛ n deŋi mbe kasɔto so: “Babilɔn lempo, kesakaleajipoana bumo nio nɛ emo nɛ kasawule so be alemaŋkar be alubi kikɛ shi mo kutɔ.”