Aizaaya 41:22 - EBƆRƐ BE KAWƆL

²² Men ba kaŋɛ ma kusɔ nɛ k beeŋ wora echefoso, saŋɛ na so nɛ k kaŋ wora, anyeeŋ pin kumo. Men bugi asheŋ nɛ a wora dra na to ŋ kaŋɛ ashi demujikpa, nseŋ kaŋɛ anyi amo be afito.

Aizaaya 41:22 ပူးပေါင်းရင်းမြစ်များ

Aizaaya 41:26

Menyi, agbirana to be emo e daŋ wu kusɔ nɛ k beeŋ wora echefoso ŋ kaŋɛ? Saŋɛ na so, anyeeŋ tiŋ n wu k kaa wora m bɔlɔ so nseŋ kaŋɛ fanɛ k la kashenteŋ? Men to be ekama maŋ naŋ kaŋɛ shɛŋ a laŋɛ echefoso be kaplɛa so. Esa kikɛ malɛ maŋ naŋ nu men ka kaŋɛ kusɔ ko!

Aizaaya 42:9

Asheŋ kama nɛ ŋ kaŋɛ fanɛ a beeŋ wora na wora kashenteŋto. Naniere meeŋ naaŋ kaŋɛ fo asheŋ popɔr pɔɛŋ nɛ a fara a wora.”

Aizaaya 44:7

Esa kikɛ maaŋ tiŋ n wora asɔ nɛ n wora ere. Esa kikɛ malɛ maaŋ tiŋ ŋ kaŋɛ kusɔ nɛ k beeŋ wora yili saŋɛ be sososo n ya fo kumo be lalaloge.

Aizaaya 45:21

Men ba demujikpa! Bekama nɛ baaŋ tiŋ m malga ŋ kuŋ bumo be amu na e to abar jina. Dra dra na kikɛ, wanɛ e tiŋ ŋ kaŋɛ kusɔ nɛ k beeŋ wora? Mannɛ ma Enyɛnpe Ebɔrɛ nɛ e mɔlga mbe basa na e tiŋ ŋ kaŋɛ a? Ebɔrɛ kikɛ maŋ naa wɔtɔ n ti ma so.

Aizaaya 45:22

Mee pla enɔ a tre durnya kikɛ to be basa nna, nɛ b kilgi m ba ma kutɔ nseŋ nya kumɔlga. N nawule kpeŋ e la Ebɔrɛ a wɔtɔ.

Aizaaya 46:10

Pɔɛŋ nɛ kesheŋ kikɛ e wora, nɛ ma ere tiŋ n wu kumo ŋ kaŋɛ. N teŋ kaŋɛ fanɛ ma ŋkre beeŋ wora m bɔlɔ so, ma alɛ beeŋ wora kusɔ nɛ ŋ kre kewora kikɛ.

Aizaaya 48:14

Men kikɛ e gama abar so nseŋ nu nfe! Agbirana na be kekama maaŋ tiŋ n wu ŋ kaŋɛ fanɛ esa nɛ n lara na e naaŋ kɔ Babilɔn be efuli kena, ŋko n wu ŋ kaŋɛ fanɛ e beeŋ wora kusɔ nɛ ŋ kaŋɛ fanɛ e wora na.

Aizaaya 48:3

Kumo be kaman nɛ Enyɛnpe Ebɔrɛ na kaŋɛ Israɛlebi na le: “Dra dra kikɛ nɛ ŋ kaŋɛ kusɔ nɛ k beeŋ wora; epul na to malɛ nɛ n shin nɛ loŋ wora.

Baru lela nɛ Jɔn kute na 13:19

Mee kaŋɛ menyi nna na a yili pɔɛŋ nɛ k ba wora, saŋɛ na so, nɛ k ba wora, menyeeŋ pin fanɛ ma e la Esa nɛ e bee ba na.

Baru lela nɛ Jɔn kute na 16:14

E beeŋ bar ma kemaŋkura, ŋkpal manɛ so, e beeŋ ta asɔ nɛ ŋ kɔ nɛ ŋ kaŋɛ menyi na m malga n sa menyi.