Aizaaya 41:21 - EBƆRƐ BE KAWƆL

²¹ Kusɔ nɛ Enyɛnpe Ebɔrɛ, Israɛl be ewura na kaŋɛ nde: “Menyi efuli pɔtɛana be agbirana na e kaŋɛ kusɔ nɛ men kɔ nɛ men kaŋɛ ma! Men ta kamɔrɔji kama nɛ men kɔ m ba!

Aizaaya 41:21 ပူးပေါင်းရင်းမြစ်များ

Job be kawɔl 38:3

To, naniere wora shiriya nɛ ma nɛ fo e ji asheŋ! Meeŋ bishi fo asheŋ, nɛ fo sa ma amo be atuwebi.

Job be kawɔl 31:37

Kumo be kaman, meeŋ kaŋɛ Ebɔrɛ kusɔ nɛ n wora kikɛ nseŋ nya kagbene n yili mbe anishito.

Aizaaya 1:18

Ade be kaman nɛ Enyɛnpe Ebɔrɛ na naŋ kaŋɛ le: “Naniere, men shin nɛ an ji kesheŋ na. Kulubi shin nɛ men pere kpeŋ fanɛ ŋklaŋ, ama meeŋ fɔr menyi so nɛ men fuli parr a chɔ ateebi.

Aizaaya 44:6

Enyɛnpe Ebɔrɛ nɛ e bee ji kuwura Israɛl so nsaa kuŋ kumo na e kaŋɛ le: “Ma e la sososo nɛ lalaloge; n nawule e la Ebɔrɛ. Ma kaman, Ebɔrɛ kikɛ maŋ wɔtɔ.

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Aizaaya 41:1

Ebɔrɛ yɛ: “Menyi basa nɛ men wɔ mplasawule so kikɛ e wora shruum n nu nfe! Men wora shiriya m ba kute menyi be asheŋ nɛ men wora be asheŋ ashi demujikpa. Meeŋ sa menyi ekpa nɛ men malga. Men shin nɛ ma nɛ menyi e ba abar so, n fin emo nɛ e kɔ kashenteŋ.

Aizaaya 43:9

Kaŋɛ efuliana na be basa fanɛ b gama abar so. Bumo be agbirana na be kumo e naaŋ tiŋ ŋ kaŋɛ kusɔ nɛ k beeŋ wora echefoso? Agbirana na be emo e naŋ tiŋ ŋ kaŋɛ kusɔ nɛ k bee wora naniere ere? Men shin nɛ agbirana na e bar bumo be eshɛdajipoana, nɛ b ba ŋini fanɛ kusɔ nɛ b kaŋɛ na la kashenteŋ nna.

Aizaaya 43:15

Ma e la Enyɛnpe, menyi be Ebɔrɛ cheembi na. Israɛl, mee to fo nsaa la fo ewura.”

Aizaaya 46:10

Pɔɛŋ nɛ kesheŋ kikɛ e wora, nɛ ma ere tiŋ n wu kumo ŋ kaŋɛ. N teŋ kaŋɛ fanɛ ma ŋkre beeŋ wora m bɔlɔ so, ma alɛ beeŋ wora kusɔ nɛ ŋ kre kewora kikɛ.