Aizaaya 41:19 - EBƆRƐ BE KAWƆL

¹⁹ Ma alɛ beeŋ shin nɛ ndibi nɛ baa tre sida nɛ akasia nɛ ɔlif na e kɔr keshishɛrsawule so. Ejaŋkilɛa nɛ ŋkɔbidibi nɛ echɛchɛdibi beeŋ kɔr nsawule jiga so ŋ ki apo.

Aizaaya 41:19 ပူးပေါင်းရင်းမြစ်များ

Aizaaya 27:6

Kachako bee ba nɛ Israɛl be basa nɛ b la Jeekɔb be kaman to ebi na e mur achin fanɛ kedibi nɛ k purge nseŋ wora atoto na. Saŋɛ na so bumo be asɔrso beeŋ chase durnya be kaplɛkama.

Aizaaya 32:15

Ama Ebɔrɛ kraa beeŋ naŋ sa anyi mbe kiyoyu. Nsawule pɔso na beeŋ naŋ ki nsawule lela nɛ a kɔ eleŋ nɛ adɔsawule e wora adɔjibi nɛnɛ ga.

Aizaaya 35:1

Kiyi be kagbene beeŋ fuli kumo, nɛ ndibi be atoto e purge ashi kasawule nɛ k dese jiga so.

Aizaaya 43:19

Men baa keni kusɔ popɔr nɛ meeŋ wora na ekpa. K tea wora gba! Menyeeŋ tiŋ n wu kumo naniere! Meeŋ wora ekpa keshishɛrsawule so nseŋ shin nɛ men nya mbombi ashi kasawule wɔlso so.

Aizaaya 51:3

Ma, Enyɛnpe Ebɔrɛ na beeŋ lolo basa nɛ b wɔ Jerusalɛm be alambure to na n wushi bumo kagbene. Jerusalɛm ka ki fanɛ keshishɛrsawule a dese ere gba, meeŋ shin nɛ k ki fanɛ kambɔl nɛ n daŋ nase kumo ketre Iden na. Saŋɛ na so kagbenefuli nɛ kagbenewushi beeŋ baa wɔ ndoŋ, nɛ basa e baa boŋ nshɛ a kpaŋ ma nsaa di ma epaŋ.”

Aizaaya 55:13

Ndibi sɔrso beeŋ kɔr n yili mboŋ nɛ ewidibi daa yil, saŋɛ na so k beeŋ baa la tɔɔnɛ a dese mbaanaayɔ. Kumo alɛ beeŋ naa la kanyiŋi a laŋɛ kusɔ nɛ ma, Enyɛnpe Ebɔrɛ na wora be kaplɛa so.”

Aizaaya 60:13

Baaŋ ku Lebanɔn be efuli so be ndibi lela m ba lɔŋɛ menyi be kadegboŋ, Jerusalɛm be ebuana m pɔr nseŋ shin nɛ ma bɔrɛlambu e nyalɛ kebita. Saŋɛ na so ma kadegboŋ na gba beeŋ nya kemaŋkura.

Aizaaya 60:21

Kumo be kaman nɛ menyi be basa kikɛ e chena kasawule na so nsaa wora kusɔ nɛ k niŋi mbaanaayɔ. B du fanɛ kedibi nɛ ŋ gbagba du ndoŋ nɛ n lara ma keshi ŋ ŋini ekama nna.

Aizaaya 61:11

Kananɛ esa bee duu kusɔ nɛ k kɔr n daŋ nɛnɛ na, nɛ Enyɛnpetale Ebɔrɛ na gba beeŋ mɔlga mbe basa nseŋ shin nɛ b baa wɔ kebaawɔtɔ niŋiso to; saŋɛ na so efuliana na be basa kikɛ beeŋ baa kpaŋ mo.

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Ezikɛl 47:12

Ndibi be yiri yiri beeŋ kɔr a yil kabombi na be kaba kama so a sa kusɔ jiso. Amo be afantaŋ maa ba nɛ aba bolo, amo alɛ maaŋ yige kebaasɔr kikɛ. Kufɔl kikɛ a beeŋ baa kɔ asɔrso popɔr, ŋkpal manɛ so a bee nya nchu nɛ a bee shi bɔrɛlambu na to nna. Ndibi na be asɔrso beeŋ baa la ajibi nɛ amo be afantaŋ malɛ e baa chɛ basa alɔ.” Kasawule na be Egbaŋ ana be asheŋ

Hoziya 14:8

Meeŋ nu ma basa Israɛlebi nɛ b maŋ naa shuŋ agbir na be kabɔrɛkule nsaa keni bumo so. Meeŋ shin nɛ b purge fanɛ kedibi nɛ kumo be afantaŋ maa gbaŋgbaŋ na. Ma so nɛ baaŋ bɔla n nya bumo be enɛfa kikɛ.”

Zakareya 1:8

Ashi edare na to n daŋ wu esa ko ka dii gbaŋɛ peper nna m ba yili ndibi ko be afito ashi ketaŋɛ ko to, nɛ egbaŋɛ peper kpaw nɛ bepeper kunɔkunɔ nɛ befuful ko malɛ yil mbe kaman.