Aizaaya 41:18 - EBƆRƐ BE KAWƆL

¹⁸ Meeŋ shin nɛ elɔr e baa shile abee be awɔlto nɛ abuye e pete a shile ataŋɛ to. Meeŋ shin nɛ keshishɛrsawule e ki fanɛ apa nɛ kasawule wɔlso e ki fanɛ kubuye e shile.

Aizaaya 41:18 ပူးပေါင်းရင်းမြစ်များ

Nshɛ 104:10

Fo e shin nɛ abuye bee pete ataŋɛ to a ki elɔr a shile abee to a choŋ,

Nshɛ 105:41

E daŋ shin nɛ kefalta pante nɛ nchu lar kumo to eleŋso, a shile keshishɛrsawule na so fanɛ lɔr na nna.

Nshɛ 107:35

Ama Enyɛnpe Ebɔrɛ na kraa beeŋ tiŋ n shin nɛ keshishɛrsawule e kilgi kubuye a bul nchu, nɛ kasawule wɔlso e ki kabombi a shile.

Nshɛ 126:4

O Enyɛnpe Ebɔrɛ, anyee kule fo nna nɛ fo naŋ bɛta n nɛfa anyi be basa nseŋ shin nɛ an baa du fanɛ keshishɛrsawule so be mbombi nɛ e bee bɔlɔ nchu a shile kafɛ kikɛ.

Nshɛ 46:4

eboŋ ko wɔtɔ nna a shile boeŋ boeŋ, a bar kagbenefuli ashi Ebɔrɛ be kadegboŋ cheembi nɛ Enyɛnpetale Ebɔrɛ na wɔ kumo be basa to na so.

Aizaaya 12:3

Kananɛ esa nɛ achukoŋ kɔ be kagbene bee fuli nchu wushiso so na, aloŋ nɛ Ebɔrɛ be basa be ŋgbene bee fuli bumo jemanɛ nɛ e bee mɔlga bumo na.”

Aizaaya 30:25

Kachɛ nɛ menyeeŋ kɔ n suge men doŋana be ebu lempoana nseŋ mɔ bumo be basa na, nɛ mbombi beeŋ shile abee nɛ apreŋ kikɛ so ŋ gbelge to.

Aizaaya 32:2

Ewura na nɛ benimuana na beeŋ baa du fanɛ kusɔ kuŋ afu nɛ kakpa nɛ esa beeŋ shile n ya ŋana bɔrɛfu so nna. Bumo alɛ beeŋ baa du fanɛ mbombi ashi kiyi to nɛ kefaltagboŋ nɛ k bee kuŋ epeŋi a sa kayul.

Aizaaya 33:21

Enyɛnpe Ebɔrɛ na beeŋ lara mbe kemaŋkura ŋ ŋini anyi nɛ an chena m mata elɔr nɛ a wɔ nchiŋ nɛ mbombi nɛ e wɔ mpar na. Ama an doŋana be nchu so be ekuloŋgboŋ maaŋ nite nchuana na so.

Aizaaya 35:1

Kiyi be kagbene beeŋ fuli kumo, nɛ ndibi be atoto e purge ashi kasawule nɛ k dese jiga so.

Aizaaya 44:3

Meeŋ shin nɛ kasawule nɛ k wɔl a baŋɛ ŋ ki mbombi e shile kumo so. Meeŋ shin nɛ ma kiyoyu e gbelge menyi be mbia so nɛ ma nɛfa e ba menyi be kaman to ebi so.

Aizaaya 48:21

E juŋkpar anyi m bɔla keshishɛrsawule so nseŋ shin nɛ kefalta pante n lar nchu nɛ an nuu n tuge achukoŋ.

Aizaaya 58:11

Ma, Enyɛnpe Ebɔrɛ na malɛ beeŋ baa juŋkpar menyi nsaa sa menyi asɔ lela nɛ a beeŋ baa kukwe menyi jemanɛ kikɛ. Ma alɛ beeŋ baa sa menyi eleŋ nɛ alenfia a ti so. Menyi alɛ beeŋ baa du fanɛ kambɔl nɛ k bee nya nchu nɛnɛ ŋko kabombi nɛ k maa wɔlto kikɛ na nna.

Aizaaya 65:13

Kumo be kaman nɛ Enyɛnpetale Ebɔrɛ na naŋ kaŋɛ le: “Basa kama nɛ baa shuŋ ma nsaa wora ma kasonu na beeŋ nya n ji nseŋ nuu yilayilaso, ama akoŋ nɛ achukoŋ e naaŋ mɔ menyi alubiworapoana bre. Bumo be ŋgbene beeŋ fuli bumo ama menyi ere beeŋ ji anishinyɔr.

Jowɛl 3:18

Loŋ be kachɛ na ndibi nɛ b kɔ amo be asɔrso a wora nsa na beeŋ wora keshi nɛ asɔbɔya e chase abee so. Juda be efuli so be mbombi malɛ maaŋ naŋ wɔlto kikɛ. Nchu beeŋ shi bɔrɛlambu na to n shile n ya kaa luri ndibi nɛ baa tre akasia nɛ a yil ketaŋɛ to na to.

Zakareya 14:8

Kachɛ na kaŋ fo, nchu nɛ a bee sa ŋkpa beeŋ shi Jerusalɛm to a shile. Nchu na be bargato beeŋ baa shile a luri teku nɛ baa tre Teku Wuso na to nɛ bargato malɛ e baa shile a luri kumo nɛ baa tre Mɛditerenia be Teku na to. Ketarso nɛ kechali so kikɛ nɛ nchu na beeŋ baa shile.

Kelaraŋŋini 22:1

Malaika na daŋ ŋini ma ŋkpa be lɔr be nchu gba nɛ a bee wu to fanɛ abɔrɛjembubi ashi Ebɔrɛ nɛ Kpakpafɔlbi be kuwurputiakpa

Kelaraŋŋini 7:17

Ŋkpal manɛ so, Kpakpafɔlbi nɛ e wɔ kuwurputi na be nferinto na e naaŋ ki bumo be ekpapo n yɛr bumo mboŋ nɛ ŋkpa be nchuana bee bul nɛ Ebɔrɛ malɛ e kpra anishichubi kikɛ ashi bumo be anishiana to.”

Demujipoana 15:19

Ndoŋ nna nɛ Ebɔrɛ shin nɛ kefalta pete a lar nchu ashi Lehi ndoŋ. Samsɔn ka nuu nchu na nɛ e naŋ nya eleŋ. Nɛ b nase kechubu na Ɛn Hakkɔre. Kumo be kifito la: ‘Esa nɛ e shu n tre be kechubu.’ Loŋ be kechubu na kraa wɔ Lehi hale nɛ mbre.