Aizaaya 41:16 - EBƆRƐ BE KAWƆL

¹⁶ Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Aizaaya 41:16 ပူးပေါင်းရင်းမြစ်များ

Nshɛ 1:4

Ama mannɛ loŋ nɛ k du n sa alubiworapoana bre. Bumo ere du fanɛ asɔ be afɔfɔ nɛ afu bee foŋ n ya kaa lɛ nna.

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 17:13

Ama nɛ efuli lempoana bee ba eleŋso fanɛ atiligboŋ gba, Enyɛnpe Ebɔrɛ na beeŋ ponte bumo so nɛ b bɛta fanɛ kalabɛr ka koso kebee ase ŋko kewabi nɛ kawuliwuli ta a yɔ na.

Aizaaya 25:9

Jemanɛ na kaŋ fo, ekama beeŋ kaŋɛ le: “Mo e la anyi be Ebɔrɛ! An ta anyi be yirda n deŋi mo so, nɛ e mɔlga anyi. Mo e la Enyɛnpe Ebɔrɛ na! An ta anyi be yirda n deŋi mo so, nɛ anyi be ŋgbene fuli nɛ an nya kagbenewushi ŋkpal e ka mɔlga anyi so.”

Aizaaya 28:5

Loŋ be kacha na, Enyɛnpetale Ebɔrɛ na beeŋ baa du fanɛ atoto be kuwurwuro lela n sa mbe basa nɛ baaŋ ji efute a wɔtɔ na; mannɛ fanɛ Samɛria nɛ k du fanɛ atoto nɛ a wɔl m bolo n chuge n tɔr na.

Aizaaya 29:19

Nɛ betirpo nɛ basa nɛ b du boeŋ e nya kagbenefuli nɛ Enyɛnpe, Israɛl be Ebɔrɛ cheembi na bee sa na.

Aizaaya 29:5

Afu beeŋ ber befɔ kama nɛ baa kɔ fo, Jerusalɛm, na n yɔ fanɛ kalabɛr na, nɛ bumo be benapo nɛ bumo be asheŋ kɔ kufu na e firgi n choŋ fanɛ amimi na. Jemanɛ nɛ ekama maa tama fanɛ kusɔ ko beeŋ wora na

Aizaaya 35:10

Baaŋ ta kagbenefuli nɛ nshɛ n wora awɔr n ya luri Jerusalɛm to. Bumo alɛ be ŋgbene beeŋ fuli bumo mbaanaayɔ; ŋkpal manɛ so, kagbenejija nɛ kafɔŋ maaŋ naa wɔtɔ.

Aizaaya 40:24

B du fanɛ asɔduuso popɔrbi nna nɛ b baŋ kraŋ duu amo nɛ a maŋ naŋ mur achin na nna. Enyɛnpe Ebɔrɛ na baŋ shin nɛ afu ber m ba, baa wɔl nna nɛ afu na e ber bumo n ya lɛ fanɛ amimi na.

Aizaaya 51:3

Ma, Enyɛnpe Ebɔrɛ na beeŋ lolo basa nɛ b wɔ Jerusalɛm be alambure to na n wushi bumo kagbene. Jerusalɛm ka ki fanɛ keshishɛrsawule a dese ere gba, meeŋ shin nɛ k ki fanɛ kambɔl nɛ n daŋ nase kumo ketre Iden na. Saŋɛ na so kagbenefuli nɛ kagbenewushi beeŋ baa wɔ ndoŋ, nɛ basa e baa boŋ nshɛ a kpaŋ ma nsaa di ma epaŋ.”

Aizaaya 60:19

Epeŋi nɛ kufɔl be kefulto be asheŋ maaŋ naa tir menyi. Ŋkpal manɛ so, ma Enyɛnpe Ebɔrɛ na be kemaŋkura be kefulto e naaŋ baa nyaŋɛ a yuu menyi so mbaanaayɔ.

Aizaaya 65:18

Meeŋ shin nɛ menyi be ŋgbene e fuli menyi nɛ men baa ji eyur hale mbaanaayɔ ŋkpal asɔ nɛ meeŋ to so. Kagbenefuli beeŋ bɔlɔ Jerusalɛm popɔr nɛ meeŋ to na to nɛ kumo to be basa be ŋgbene e fuli bumo.

Jɛremaya 15:7

Meeŋ chela menyi to fanɛ ayu ashi efuli na so be kade kama to. Meeŋ ta kagbenejija nɛ luwu ŋ gberge menyi kusoe, ŋkpal men ka maŋ yige alubi lubi be kewora so.

Jɛremaya 51:2

Meeŋ shuŋi befɔ nɛ b ba mur Babilɔn be efuli na fanɛ afu ka foŋ amimi n lɛ na. Kachɛ na kaŋ fo, baaŋ baa kɔ kaba kama so nna m mur kusɔ kama nseŋ yige kasawule na n nase fuloŋ.

Jɛremaya 51:20

Enyɛnpe Ebɔrɛ na yɛ: “Babilɔn, fo e la ma kena to be guluŋgu. Fo nɛ mee ta a biri efuliana a pechɛto, nsaa ta fo a mur kuwurgboŋana.

Jɛremaya 51:33

K maaŋ chɛr nɛ bedoŋ na e pɔɔ bumo so nseŋ chichi bumo so m mata kasawule fanɛ kananɛ baa beri ayu kugooro so na. Ma, Enyɛnpetale, Israɛl be Ebɔrɛ na e kaŋɛ na.”

Danɛl 2:35

Epul na to nɛ kebɛlso na nɛ ebɔ na, nɛ danyaŋ na, nɛ gbiti nɛ shuwa na kikɛ buri to kpachɛrkpachɛrbi ŋ ki fanɛ gbaŋgbaŋ to be kugooro so be shishɛr na. Nɛ afu ba ta amo kikɛ n choŋ nɛ amo kedodobi gba maŋ ka. Ama kejembu nɛ k ŋmɛa kumo m bure to na bre wora kishi nna hale ŋ ki kebeegboŋ m buu kasawule kikɛ so.

Hoziya 11:9

M maaŋ naŋ kaa agbo m mur Israɛlebi kikɛ; ŋkpal manɛ so, n la Ebɔrɛ nna, mannɛ dimɛdi. N la Ebɔrɛ nɛ n du cheembi nna a wɔ bumo to. M maaŋ kaa agbo m ba bumo so kikɛ.

Jowɛl 2:23

Zayɔnebi, men shin nɛ men be ŋgbene e fuli menyi ŋkpal kusɔ nɛ Enyɛnpe, men be Ebɔrɛ na wora n sa menyi na so. E sa menyi dɔchubɔrɛso be bɔrɛ nɛ bɔrɛchu lela nɛ a shin nɛ men be adɔjibi wora nɛnɛ fanɛ kananɛ a chɛr a wora na.

Maika 5:8

Ama bekama nɛ b shir a wɔ efuli pɔtɛana so na bre beeŋ ki fanɛ buluŋ nɛ e bee kɔ a fin kusɔ jiso ashi kiyi to na nna. E baŋ nya n luri mbolpɔ to e beeŋ baa tɛ nna a yuu bumo so nsaa kpɛa bumo to a we nɛ esa kikɛ malɛ maaŋ tiŋ n sɔ bumo n yige.

Habakuk 3:18

ŋ kraa beeŋ shin nɛ ma kagbene e fuli ma, ŋkpal Enyɛnpe Ebɔrɛ na ka la ma emɔlgapo so.

Matiu 3:12

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Romebi 5:11

Mannɛ aloŋ gba nawule so nna, ŋkpal manɛ so, an bɔla an Nyɛnpe Yesu Kristo nɛ e shin nɛ anyi nɛ Ebɔrɛ naŋ nyalɛ na so n nya kagbenefuli ŋkpal Ebɔrɛ so n ti so.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.