Aizaaya 41:13 - EBƆRƐ BE KAWƆL

¹³ Ma e la Enyɛnpe menyi be Ebɔrɛ na. Ma e wɔtɔ menyi eleŋ nsaa kaŋɛ, ‘Men sa maa lɔ kufu; meeŋ chɛ menyi to.’ ”

Aizaaya 41:13 ပူးပေါင်းရင်းမြစ်များ

Nshɛ 109:31

Ŋkpal manɛ so, fo e naa chɛ bekama nɛ asheŋ tir na to, nsaa mɔlga bumo ashi basa nɛ baa wu bumo kulubi na be enɔ to.

Nshɛ 118:7

Enyɛnpe Ebɔrɛ na ka la ma echɛtopo so, bedoŋ beeŋ kɔ n tɔr nɛ n wu bumo.

Nshɛ 63:8

M baa mar fo nna, nɛ fo enɔ lempo na, e baa kɔ ma to.

Nshɛ 73:23

Ama amo nɛ amo kikɛ ŋ kraa wɔ fo kutɔ jemanɛ kikɛ. Fo daa kɔ ma to fo enɔ jisa to nna.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Ɛksodɔs 20:20

Ndoŋ nna nɛ Mosis kaŋɛ basa na: “Men sa maa lɔ kufu. Ebɔrɛ ba nna nɛ e ba wora menyi ŋ keni nseŋ shin nɛ men baa wora mo kasonu nsaa maa wora alubi.”

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 42:6

“Ma, Enyɛnpe Ebɔrɛ na e tre fo nseŋ sa fo eleŋ, nɛ fo shin nɛ keji asheŋ nɛ amo be ekpa so e ba durnya to. Fo so nɛ ma nɛ basa kikɛ beeŋ bɔla so n wora kɔnɔkoŋwule be ŋkre. Fo so nɛ Ebɔrɛ be kebaanyi be kefulto beeŋ bɔla so m ba efuliana na to.

Aizaaya 43:6

Meeŋ kaŋɛ basa nɛ b wɔ kelargato be esoso nɛ bumo nɛ b wɔ kelargato be kaseto na kikɛ fanɛ, b sa menyi, nɛ men la ma basa, ekpa nɛ men baa yɔ! Ma alɛ beeŋ naŋ kaŋɛ bumo fanɛ b shin nɛ men shi efuli pɔtɛana nɛ a wɔ kufɔ kufɔ, nɛ durnya be kaplɛkama m bɛta m ba menyi gbagba be efuli so.

Aizaaya 45:1

Enyɛnpe Ebɔrɛ na e ta Sairus ŋ ki Pɛshiya be efuli so be ewura! E lara mo nna nɛ e kɔ m pɔɔ efuliana so nseŋ lara bewura ashi kuwurji to. Enyɛnpe Ebɔrɛ na beeŋ bugi ndegboŋ be mbunagboŋ kikɛ n sa mo nseŋ kaŋɛ mo le:

Aizaaya 51:18

Esa kikɛ maŋ wɔtɔ nɛ e pɛ menyi enɔ to n juŋkpar menyi ŋko n chɛ menyi to.

Jɛremaya 30:10

Ma basa, men sa maa lɔ kufu; Israɛl be basa, men sa maa chicha kufuso. Meeŋ kɔ n suge menyi ashi efuli wɔfɔ be basa be enɔ to, nɛ kasawule nɛ men la anya kumo so be basa be enɔ to na. Menyi beeŋ bɛta m ba epe m baa kaa wɔ kayurwushi to; nɛ shɛŋ shɛŋ maaŋ naa tɔrɔ menyi; esa kikɛ malɛ maŋ naa ta kufu a da menyi.

Jɛremaya 46:27

“Ma basa, men sa maa lɔ kufu. Israɛl be basa, men sa maa chicha kufuso. Kachako meeŋ lara menyi ashi efuli pɔtɛana so m bar menyi epe. Menyi nɛ menyi be kaman to ebi kikɛ beeŋ ba kaa wɔ kayurwushi to nɛ esa kikɛ maaŋ naŋ ta kufu n da menyi.

Heegai 2:5

Kɔnɔ koŋwule be ŋkre nɛ ma nɛ men nanaana daŋ kre jemanɛ nɛ b daŋ lar Ijipt be efuli so na nɛ ŋ kraa bɛ so na. Ma alɛ be Kiyoyu kraa wɔ menyi to, amoso men sa maa lɔ kufu.

2 Timoti 4:17

Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.