Aizaaya 41:11 - EBƆRƐ BE KAWƆL

¹¹ Bekama nɛ b kishi menyi beeŋ ji anishinyɔr lubi. Bumo nɛ baaŋ kɔ menyi kena beeŋ wu

Aizaaya 41:11 ပူးပေါင်းရင်းမြစ်များ

Ɛksodɔs 11:8

Ade kikɛ be kaman fo beyaasepo ere kikɛ beeŋ ba ma kutɔ m ba gbir ma anishito ŋ kule ma ŋ kaŋɛ le: ‘Fo nɛ basa nɛ baa bɛ fo so na kikɛ, e baa yɔ.’ Kumo be kaman nɛ an lar.” Mosis ka malga le n loge nɛ e nya agbo ga nseŋ lar ewura Fɛɛro kutɔ.

Ɛksodɔs 12:29

Kumo be kamɔnchɛ kiidiso nɛ Enyɛnpe Ebɔrɛ luri Ijipt to m mɔ ewurkoŋnyɛn kikɛ ashi Ijipt be kasawule so. Yili Fɛɛro n ya fo esa nɛ e wɔ kabuti to be wurkoŋ nyɛnso nɛ asɔbɔya kikɛ peya nɛ e daŋ mɔ.

Ɛksodɔs 23:22

Ama nɛ men baŋ wora mo kasonu kashenteŋto nseŋ wora kusɔ kama nɛ ŋ kaŋɛ menyi na, kumo ere, men doŋana beeŋ ki ma doŋana nɛ n kɔ bekama nɛ baa kɔ menyi.

Aizaaya 17:13

Ama nɛ efuli lempoana bee ba eleŋso fanɛ atiligboŋ gba, Enyɛnpe Ebɔrɛ na beeŋ ponte bumo so nɛ b bɛta fanɛ kalabɛr ka koso kebee ase ŋko kewabi nɛ kawuliwuli ta a yɔ na.

Aizaaya 29:5

Afu beeŋ ber befɔ kama nɛ baa kɔ fo, Jerusalɛm, na n yɔ fanɛ kalabɛr na, nɛ bumo be benapo nɛ bumo be asheŋ kɔ kufu na e firgi n choŋ fanɛ amimi na. Jemanɛ nɛ ekama maa tama fanɛ kusɔ ko beeŋ wora na

Aizaaya 29:7

Kumo be kaman nɛ efuliana nɛ a bee kɔ Jerusalɛm nɛ k la Ebɔrɛ be bɔrɛsure be kadegboŋ na be benapo nɛ bumo be akɔsɔ kikɛ e foe basa be anishi so fanɛ esa ka ku edare kanyɛso nseŋ teŋ kumo so kachipurso na.

Aizaaya 29:8

Efuliana nɛ a beeŋ gama abar so a kɔ Jerusalɛm na beeŋ baa du fanɛ esa nɛ akoŋ bee mɔ nɛ e ku edare fanɛ e kaa bee ji nseŋ yeŋi n tiŋi na nna. Ŋko achukoŋ ka bee mɔ esa nɛ e ku edare fanɛ e kaa bee nuu nchu nseŋ yeŋi n tiŋi nɛ mbe ebɔlto kraŋ wɔlto na nna.

Aizaaya 34:12

Ewura maaŋ naa wɔtɔ a keni Edɔm be efuli na so. Bejuŋkparpoana gba maaŋ naa wɔtɔ a juŋkpar kumo be basa.

Aizaaya 40:17

Efuliana na kikɛ maŋ la shɛŋ n sa Ebɔrɛ, mo ere bee ta amo nna fanɛ asɔ fuloŋ.

Aizaaya 40:2

Meeŋ leŋ Jerusalɛm be basa to. Kaŋɛ bumo fanɛ b ji awurfoŋ n chɛr ga. Naniere b nya bumo be alubi be ketampaŋ. N tiŋ ŋ gberge bumo kusoe ga ŋkpal bumo be alubi so.”

Aizaaya 41:24

Menyi gbagba nɛ asɔ nɛ menyee wora kikɛ maŋ la shɛŋ. Basa nɛ baa shuŋ menyi na la basa nɛ mbushu pɛ bumo nna!

Aizaaya 41:29

Agbirana ere kikɛ du jiga pasaa! B maaŋ tiŋ n wora shɛŋ, Bumo alɛ kikɛ maŋ kɔ eleŋ.”

Aizaaya 45:24

Bumo alɛ beeŋ kaŋɛ fanɛ n nawule kutɔ nɛ esa beeŋ tiŋ n nya kekɔmpɔɔso nɛ eleŋ. Ama bekama nɛ b kishi ma na bre beeŋ ŋaba.

Aizaaya 49:25

Ama Enyɛnpe Ebɔrɛ nase kɔnɔ fanɛ e beeŋ kɔ n sa anyi nseŋ sɔ anyi be mbia n yige ashi an doŋana nɛ baa suge basa be asɔ eleŋso be enɔ to.

Aizaaya 49:26

Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”

Aizaaya 54:15

M maaŋ naŋ shin nɛ esa kikɛ e kɔ kena ashi fo kadegboŋ na to. Bekama nɛ baaŋ kɔ menyi kena maaŋ tiŋ m pɔɔ menyi so kikɛ.

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Jɛremaya 12:17

Ama nɛ b kini kenu n sa ma, kumo ere meeŋ lara bumo efuliana na so nseŋ mur amo cheche. Ma Enyɛnpe Ebɔrɛ e kaŋɛ na.”

Jɛremaya 2:3

Israɛlebi, men la n nawule peya nna. Men daa la ma kapetɛ cheembi nna; nɛ ŋ kpal loŋ so n shin nɛ awurfoŋ nɛ jɛrbi damta ba bekama nɛ b daa mɛaŋ menyi na so.”

Danɛl 4:35

Basa nɛ b wɔ durnya to maŋ la shɛŋ mo kutɔ. Emalaika nɛ b wɔ ebɔrɛso nɛ basa nɛ b wɔ kasawule so kikɛ wɔ mbe kaseto nna. Ekama maaŋ tiŋ m malga ŋ gbiti kusɔ nɛ e yili, ŋko m bishi kusɔ nɛ k ba nɛ e wora kusɔ ko.

Zakareya 12:3

Ama loŋ be jemanɛ na kaŋ fo, meeŋ shin nɛ Jerusalɛm e ki fanɛ kejembu gbɛgbɛso, nɛ efuli kama so ebi maaŋ tiŋ n fifir kumo. Bekama nɛ b wora ania nɛ b fifir kumo beeŋ doro bumo be amu.

Ashuŋ Shunso 16:39

Ndoŋ nna nɛ b ya kule bumo fanɛ b ta m paŋ bumo. Kumo be kaman nɛ b lara bumo kabuti na to nseŋ kule bumo fanɛ b lar kade na to.

Kelaraŋŋini 3:9

Men nu nfe, basa nɛ b wɔ Setani be katuŋ to, befɛpo na, bumo e wɔtɔ a tre bumo be amu Juwebi, bumo alɛ maŋ la na, meeŋ shin nɛ b ba gbir men be anishito n shin nɛ b pin fanɛ ma e sha menyi.