Aizaaya 41:10 - EBƆRƐ BE KAWƆL

¹⁰ Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 41:10 ပူးပေါင်းရင်းမြစ်များ

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

Jɛnesis 26:24

Kumo be kamɔnchɛ be kanyɛso nɛ Enyɛnpe na lar mo so ŋ kaŋɛ mo: “Ma e la fo tuto Eebraham be Ebɔrɛ na, sa maa lɔ kufu, ŋkpal manɛ so, n wɔ fo kutɔ. Meeŋ nɛfa fo nseŋ shin nɛ fo kaman to ebi e wora keshi ŋkpal ma kenya Eebraham so.”

Jɛnesis 31:5

B ka ba nɛ e kaŋɛ bumo le: “N wu fanɛ ma nɛ men tuto be kefɛato maŋ naa du fanɛ kananɛ k daa du na, ama n tuto be Ebɔrɛ na malɛ wɔ ma kutɔ.

Jɛnesis 49:24

Ama feeŋ yili n tu bumo nɛ fo enɔ lempo na e baa yɔ a ba manaŋ manaŋ, ŋkpal manɛ so, Enyɛnpetale Ebɔrɛ nɛ e la Jeekɔb be Ebɔrɛ nɛ Israɛl be Ebɔrɛ na e baa du fanɛ kefalta a kuŋ fo nsaa du fanɛ mbolpɔkpapo a keni fo so na e baa sa fo eleŋ.

2 Samuɛl 22:19

Saŋɛ nɛ asheŋ tu ma na, nɛ baa kɔ ma, ama Enyɛnpe Ebɔrɛ na kuŋ ma.

1 Kronikɛls 12:18

Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

2 Kronikɛls 20:17

Mannɛ menyi e naŋ kɔ kena ere. Menyi ere e bela ase a yil. Menyeeŋ wu kananɛ Enyɛnpe Ebɔrɛ na beeŋ kɔ m pɔɔ so n sa menyi. Juda nɛ Jerusalɛmebi, men sa maa lɔ kufu. Men lar n yɔ kena na to, Enyɛnpe Ebɔrɛ beeŋ ba wɔ menyi kutɔ!”

2 Kronikɛls 32:8

Dimɛdi be eleŋ nɛ mo ere kɔ, ama anyi ere kɔ Enyɛnpe anyi be Ebɔrɛ na nna nɛ e bee kɔ anyi be ana a sa anyi. Ndoŋ nna nɛ basa na nya keleŋto ŋkpal kusɔ nɛ ewura kaŋɛ na so.”

Nshɛ 144:11

Jande kɔ m mɔlga ma alɛ gba ashi befɔ fɛpoana nɛ b maa ji kashenteŋ na be enɔ to.

Nshɛ 144:8

Bumo e la befɔ nɛ b maa ji kashenteŋ nsaa ku efɛ a bɔ ntaŋ na.

Nshɛ 145:14

Fo Enyɛnpe Ebɔrɛ na e naa chɛ bumo nɛ b wɔ tɔrɔ to to, nsaa niŋi bumo nɛ b tɔr to.

Nshɛ 147:12

O Jerusalɛmebi, men kikɛ e maŋ Enyɛnpe menyi be Ebɔrɛ na so nseŋ kpaŋ mo!

Nshɛ 18:36

Mo e naa lɔŋɛ ekpa a sa ma nɛ maa nite a fiti.

Nshɛ 27:1

Enyɛnpe Ebɔrɛ na e la ma kefulto, mo alɛ e naa mɔlga ma; amoso maaŋ ŋana esa kikɛ. Enyɛnpe Ebɔrɛ na du fanɛ ekuŋkpagboŋ nna a kuŋ ma; amoso maa lɔ kufu.

Nshɛ 29:11

Enyɛnpe Ebɔrɛ na e naa sa mbe basa eleŋ, nsaa nɛfa bumo nɛ kagbenewushi.

Nshɛ 33:12

Kagbenefuli la efuli kama so ebi nɛ bumo be Ebɔrɛ la Enyɛnpe na peya nna. Kagbenefuli la bekama nɛ e lara fanɛ b baa la mbe basa na peya nna.

Nshɛ 37:17

Ŋkpal manɛ so, Enyɛnpe Ebɔrɛ na beeŋ jija belubiworapo be eleŋ kikɛ; nseŋ sa bumo nɛ baa bɔla mbe ekpa niŋiso so na eleŋ.

Nshɛ 37:24

E fiti gba, e maaŋ tɔr; ŋkpal manɛ so, Enyɛnpe Ebɔrɛ gbagba e naŋ pɛ mo to n yili.

Nshɛ 41:12

Ŋkpal ŋ kaa bee wora asheŋ niŋiso so, feeŋ chɛ ma to, nseŋ shin nɛ m baa wɔ fo kutɔ saŋkama.

Nshɛ 46:11

Enyɛnpetale Ebɔrɛ na wɔ anyi kutɔ. An nananyɛn Jeekɔb be Ebɔrɛ na e la anyi be ekumpogboŋ.

Nshɛ 46:7

Enyɛnpetale Ebɔrɛ na wɔ anyi kutɔ nna. Ebɔrɛ nɛ an nananyɛn Jeekɔb shuŋ na e la anyi be ekumpogboŋ.

Nshɛ 63:8

M baa mar fo nna, nɛ fo enɔ lempo na, e baa kɔ ma to.

Nshɛ 65:5

An be Ebɔrɛ, fo mɔlga anyi, nɛ fo aworbi nɛ a bee keta kufu na shin nɛ an pin fanɛ fo nu kekule nɛ anyee kule a fin kashenteŋji na. Fo e naa sa durnya ere be basa kikɛ tama, hale bumo nɛ b wɔ teku be kaba nɛ anyi maŋ nyi na kikɛ gba.

Nshɛ 99:4

Ewura na la esagboŋ nna, nsaa sha kebaaji asheŋ nɛ amo be ekpa so. Mo e yili keji asheŋ nɛ amo be ekpa so ashi Israɛl be efuli so be kaplɛkama.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Ɛksodɔs 20:20

Ndoŋ nna nɛ Mosis kaŋɛ basa na: “Men sa maa lɔ kufu. Ebɔrɛ ba nna nɛ e ba wora menyi ŋ keni nseŋ shin nɛ men baa wora mo kasonu nsaa maa wora alubi.”

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 37:6

nɛ ŋ kaŋɛ bumo le: “Enyɛnpe Ebɔrɛ na kaŋɛ fanɛ men sa maa lɔ kufu ŋkpal kusɔ nɛ Asiriyaebi na kaŋɛ na so, fanɛ mo ere Ebɔrɛ na maaŋ tiŋ m mɔlga menyi na.

Aizaaya 43:5

Men sa maa lɔ kufu! Ŋkpal manɛ so, ma nɛ menyi nna. Meeŋ yili epeŋilarkpa m ba choŋ epeŋitɔrkpa n ya bar menyi abar so.

Aizaaya 44:2

Ma e la Enyɛnpe Ebɔrɛ nɛ e to menyi. Jemanɛ nɛ b kurge menyi kikɛ nɛ n chɛ menyi to. Men sa maa lɔ kufu, ŋkpal manɛ so, men la ma nyɛrbi nɛ ma basa laraso nɛ mee sha nna.

Aizaaya 49:8

Ade be kaman nɛ Enyɛnpe Ebɔrɛ na naŋ kaŋɛ mbe basa le: “Menyi be kumɔlga be jemanɛ kaŋ fo, meeŋ wu menyi kuwɔr nseŋ nu menyi be kabɔrɛkule. Meeŋ kuŋ menyi nseŋ mɔlga menyi. Meeŋ shin nɛ men ta kɔnɔ nɛ n nase nɛ k kɔ tama na n ya sa efuli pɔtɛana so ebi. Ma alɛ beeŋ naŋ shin nɛ men bɛta m ba chena menyi be kasawule nɛ k dese jiga na so.”

Aizaaya 50:9

Enyɛnpe Ebɔrɛ na gbagba e naŋ malga n chɛ ma kɔnɔ n sa ma. Bekama nɛ baa wu ma kulubi nsaa malga a gbiti ma beeŋ mur fanɛ kananɛ kaŋkaŋ bee muu wajɛ a mur na.

Aizaaya 52:7

K la mamachi be kesheŋ nna fanɛ esa ka beeŋ wu kabɔ ka ta kagbenewushi be baru n shi abee so a gbelge to a ba nɛ e ba sa basa. Kekɔmpɔɔso be kebomboŋ nɛ e bee ber a sa Jerusalɛm to ebi a kaŋɛ le: “Menyi be Ebɔrɛ e la Ewura!”

Aizaaya 60:19

Epeŋi nɛ kufɔl be kefulto be asheŋ maaŋ naa tir menyi. Ŋkpal manɛ so, ma Enyɛnpe Ebɔrɛ na be kemaŋkura be kefulto e naaŋ baa nyaŋɛ a yuu menyi so mbaanaayɔ.

Nfabel 3:57

Nseŋ kaŋɛ ma fanɛ n sa maa lɔ kufu.

Danɛl 10:12

Ndoŋ nna nɛ e kaŋɛ le: “Danɛl sa maa lɔ kufu, baŋ yili saŋɛ nɛ fo fara m bar fo kumu ase a fin kepin asheŋ to na, nɛ Ebɔrɛ nu fo kabɔrɛkule nseŋ shuŋi ma fo kutɔ

Danɛl 6:16

Amoso ewura na daŋ ponte ŋ kaŋɛ fanɛ b ya pɛ Danɛl nna n ya lɛ ebuluŋ be kemaŋ to, nɛ b wora loŋ. Ama le nɛ ewura na daŋ kaŋɛ Danɛl: “Fo Ebɔrɛ nɛ fee shuŋ kashenteŋto na beeŋ mɔlga fo.”

Hoziya 1:9

Ndoŋ nna nɛ Enyɛnpe Ebɔrɛ kaŋɛ Hoziya le: “Nase kebia na be ketre Lo-Ammi. Kumo be kifito e la fanɛ b maŋ naa la ma basa. Ŋkpal manɛ so, Israɛl be basa na maŋ naa la ma basa, nɛ ma alɛ gba maŋ naa la bumo be Ebɔrɛ.”

Heegai 1:13

Kumo be kaman nɛ anebi Heegai kaŋɛ basa na le: “Enyɛnpe Ebɔrɛ na nase kɔnɔ ŋ kaŋɛ le: ‘Meeŋ baa wɔ menyi kutɔ.’ ”

Heegai 2:5

Kɔnɔ koŋwule be ŋkre nɛ ma nɛ men nanaana daŋ kre jemanɛ nɛ b daŋ lar Ijipt be efuli so na nɛ ŋ kraa bɛ so na. Ma alɛ be Kiyoyu kraa wɔ menyi to, amoso men sa maa lɔ kufu.

Zakareya 10:12

Meeŋ naŋ wɔtɔ ma basa eleŋ to, nɛ b baa bunyaŋ ma nsaa wora ma kasonu. Ma, Enyɛnpe Ebɔrɛ na e malga na!”

Zakareya 10:6

Meeŋ sa Juda be basa eleŋ, nseŋ mɔlga Israɛl be basa. Meeŋ wu bumo kuwɔr nseŋ bɛta bumo kikɛ m ba epe. Baaŋ baa du fanɛ basa nɛ m maŋ naŋ kini ŋ ku so nna. Ma e la Enyɛnpe bumo be Ebɔrɛ na; ma alɛ beeŋ nu bumo be kabɔrɛkule.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Luuk 1:13

Nɛ malaika na kaŋɛ mo: “Zakareya, sa maa lɔ kufu. Ebɔrɛ nu fo kekule na, amoso, fo eche Elizabɛt beeŋ kurge fo ebinyɛn nɛ men nase mo ketre Jɔn.

Luuk 1:30

Nɛ malaika na kaŋɛ mo: “Mɛɛri, sa maa lɔ kufu, ŋkpal manɛ so, Ebɔrɛ bee sha kenɛfa fo nna.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

2 Kɔrintebi 12:9

Ama e maŋ lara kumo nseŋ kaŋɛ ma le: “Ma kuwɔr be kakɛ kukwe fo, ŋkpal manɛ so, fo kapɔshi to nɛ ma eleŋ bee dii efuli nɛnɛ.” Amoso, meeŋ baa kɔ ma kapɔshi ere a ji njɔŋ kagbenefuliso a ti so, saŋɛ na so, Kristo be eleŋ beeŋ baa wɔ ma so.

Ɛfesesebi 3:16

Mee kule mo fanɛ e keni mbe kemaŋkura damta nɛ e kɔ na to m bɔla mbe Kiyoyu na to a ta eleŋ n leŋ menyi to ashi men be ŋgbeneana to

Ditɛronɔmi 20:1

Nɛ men kaŋ yɔ nɛ men ya kɔ men doŋana kena nseŋ wu fanɛ bumo be egbaŋɛ nɛ egbaŋɛturko nɛ benapo shi a chɔ menyeya, men sa maa ŋana bumo. Ŋkpal manɛ so, Enyɛnpe menyi be Ebɔrɛ nɛ e kɔ n suge menyi ashi Ijipt be efuli so na beeŋ chɛ menyi to ŋ kɔ.

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

Demujipoana 6:16

Ndoŋ nna nɛ Enyɛnpe Ebɔrɛ na naŋ kaŋɛ mo le: “Ma e naaŋ chɛ fo to nɛ fo tiŋ m pɔɔ Midianebi na kikɛ so fanɛ b ka la esa koŋwule na.”