Aizaaya 41:1 - EBƆRƐ BE KAWƆL

¹ Ebɔrɛ yɛ: “Menyi basa nɛ men wɔ mplasawule so kikɛ e wora shruum n nu nfe! Men wora shiriya m ba kute menyi be asheŋ nɛ men wora be asheŋ ashi demujikpa. Meeŋ sa menyi ekpa nɛ men malga. Men shin nɛ ma nɛ menyi e ba abar so, n fin emo nɛ e kɔ kashenteŋ.

Aizaaya 41:1 ပူးပေါင်းရင်းမြစ်များ

Job be kawɔl 38:3

To, naniere wora shiriya nɛ ma nɛ fo e ji asheŋ! Meeŋ bishi fo asheŋ, nɛ fo sa ma amo be atuwebi.

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Aizaaya 1:18

Ade be kaman nɛ Enyɛnpe Ebɔrɛ na naŋ kaŋɛ le: “Naniere, men shin nɛ an ji kesheŋ na. Kulubi shin nɛ men pere kpeŋ fanɛ ŋklaŋ, ama meeŋ fɔr menyi so nɛ men fuli parr a chɔ ateebi.

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 34:1

Menyi efuli kama so be basa e ba abar so nseŋ nu nfe! Durnya kikɛ nɛ kusɔ kama nɛ k wɔ kumo to e ba nfe m ba nu.

Aizaaya 40:31

Ama bekama nɛ b yirda Enyɛnpe Ebɔrɛ na beeŋ nya eleŋ popɔr. Baaŋ ber atɛ to ŋ koso n firgi n yɔ awɔlto fanɛ ejɔnɔkoso; bumo alɛ beeŋ shile ga, ama b maaŋ gben a chul to; baaŋ nite ekpa tenteŋ, ama b maaŋ gben m bɛlɛ.

Aizaaya 41:5

Basa nɛ b wɔ nsawule nɛ a wɔ kufɔ kufɔ so na wu kusɔ nɛ n wora; nɛ kufu pɛ bumo nɛ baa chicha. Amoso b gama abar so nna m ba ma kutɔ.

Aizaaya 43:26

To, men shin nɛ ma nɛ menyi e yɔ demujikpa! Nɛ men ta menyi be asheŋ n nase ma anishi to a ŋini fanɛ men wora n nyalɛ nna!

Aizaaya 43:9

Kaŋɛ efuliana na be basa fanɛ b gama abar so. Bumo be agbirana na be kumo e naaŋ tiŋ ŋ kaŋɛ kusɔ nɛ k beeŋ wora echefoso? Agbirana na be emo e naŋ tiŋ ŋ kaŋɛ kusɔ nɛ k bee wora naniere ere? Men shin nɛ agbirana na e bar bumo be eshɛdajipoana, nɛ b ba ŋini fanɛ kusɔ nɛ b kaŋɛ na la kashenteŋ nna.

Aizaaya 48:16

Men firgi n taga ma to naniere nseŋ nu nfe! Sososo na kikɛ nɛ m bugi to ŋ kaŋɛ kusɔ kama nseŋ shin nɛ ma mmalga kikɛ bɔlɔ so kashenteŋto.” Enyɛnpetale Ebɔrɛ na e bɔla mbe Kiyoyu be eleŋgboŋ so n shuŋi ma.

Aizaaya 49:1

Ekama e nu nfe! Menyi nɛ men wɔ efuli pɔtɛana nɛ a wɔ teku be kaba ndoŋ na gba, e nu nfe. Enyɛnpe Ebɔrɛ na e lara ma nɛ m baa la mbe kenya, nseŋ nase ma ketre pɔɛŋ nɛ b kurge ma.

Aizaaya 50:8

Ebɔrɛ nɛ e bee kuŋ ma na taga ma to nna, mo e naŋ chɛ ma kɔnɔ n sa ma. Esa ko wɔtɔ nɛ e ku ma kɔnɔ a? E shin nɛ ma nɛ mo kikɛ e yɔ demujikpa, nɛ e ya ku ma kɔnɔ ashi benimu be anishito!

Habakuk 2:20

Enyɛnpe Ebɔrɛ na bre wɔ mbe bɔrɛlambu cheembi to nna, amoso ekama e wora shruum mbe anishito ashi kasawule ere so.

Zakareya 2:13

Ekama e wora shruum ashi Enyɛnpe Ebɔrɛ na be anishito, ŋkpal manɛ so, e koso kakpa cheembi nɛ e wɔ na nna a ba.