Aizaaya 40:8 - EBƆRƐ BE KAWƆL

⁸ Kashenteŋto, afitiri bee bolo nna nɛ atoto malɛ bee chuge a tɔr, ama Ebɔrɛ be kamalga na bre wɔtɔ nna mbaanaayɔ.”

Aizaaya 40:8 ပူးပေါင်းရင်းမြစ်များ

Nshɛ 111:8

Amo alɛ wɔtɔ nna mbaanaayɔ. Kashenteŋ nɛ ekpa niŋiso so nɛ e bɔla so n sa mbraana na.

Aizaaya 59:21

Ma alɛ bee nase kɔnɔ nna fanɛ meeŋ sa menyi ma Kiyoyu nɛ keŋini nɛ a baa wɔ menyi to mbaanaayɔ. Yili kabre a yɔ, menyeeŋ baa wora ma kasonu nsaa ŋini menyi be mbia nɛ kaman to ebi nɛ bumo alɛ gba e baa wora ma kasonu mbaanaayɔ.”

Jɛremaya 44:29

Ma, Enyɛnpe Ebɔrɛ na beeŋ ŋini menyi kusɔ ko nɛ k shin nɛ men pin fanɛ meeŋ gberge menyi kusoe nfe nseŋ naŋ pin fanɛ ŋ ka nase kɔnɔ fanɛ meeŋ mur menyi na la kashenteŋ nna.

Zakareya 1:6

N daŋ bɔla anebiana nɛ b la ma nyɛrbi na so nna n sa men nanaana ma mbraana nɛ kefiɛso be mmalga, ama b daa maŋ tuge ma, nɛ kumo be kasogberge ba bumo so. Kumo be kaman nɛ b chɛrga bumo be nfɛra nseŋ shuli so fanɛ ma, Enyɛnpetale Ebɔrɛ na e sa bumo kasogberge nɛ k daga bumo, fanɛ kananɛ ŋ kre kumo na.”

Nɔmbɛs 23:19

Ebɔrɛ maŋ la dimɛdi nna a ku efɛ ŋko nyiŋgbasa a chɛrga mbe nfɛra, kusɔ kama nɛ e nase kɔnɔ fanɛ e beeŋ wora, mo alɛ beeŋ wora kumo. E bee malga nna nɛ k bee wora.

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!

Matiu 5:18

Kashenteŋto nɛ mee kaŋɛ menyi na fanɛ, pɔɛŋ nɛ esoso nɛ kasawule e ba mur, mbra na to be kasibɛbi ŋko kedosobi nyitiibi kama maaŋ chɛrga m mur ama amo kikɛ ba bɔla so nna nyam.

Maak 13:31

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ.

Baru lela nɛ Jɔn kute na 10:35

To, an nyi abɔrɛsibɛ na ka maa chɛrga kikɛ. Amoso, a ka kaŋɛ fanɛ Ebɔrɛ tre basa mo nɛ mbe kamalga ba bumo to ebɔrɛana ere,

Baru lela nɛ Jɔn kute na 12:34

Ndoŋ nna nɛ jimaŋ na kaŋɛ mo le: “Anyee nu ashi anyi be mbra na to fanɛ Mesaya na beeŋ ba kaa wɔ ŋkpa to mbaanaayɔ nɛ a ji nuso nna nɛ fee kaŋɛ: ‘Baaŋ maŋ Nyiŋgbasa Pibinyɛn na so’? Wanɛ nɛ fee tre Nyiŋgbasa Pibinyɛn na?”

1 Pita 1:25

ama Enyɛnpe be kamalga na bre wɔtɔ nna mbaanaayɔ.” Loŋ be kamalga na e la baru lela mo nɛ b daŋ bɔ n sa menyi na.