Aizaaya 40:4 - EBƆRƐ BE KAWƆL

⁴ Men ti ataŋɛ nɛ amaŋ kikɛ, nseŋ dɛdɛ abeegboŋ nɛ abeebi kikɛ so. Men lɔŋɛ mboŋ nyaŋgraŋ, n shin nɛ amo kikɛ e dɛdɛ so.

Aizaaya 40:4 ပူးပေါင်းရင်းမြစ်များ

Aŋasa 2:15

Bumo be asheŋ woraso e maa bɔla ekpa, nɛ esa maaŋ tiŋ n yirda bumo na.

Aizaaya 40:3

Esa ko bee ponte a kaŋɛ le: “Men lɔŋɛ ekpa kiyi to n sa Enyɛnpe Ebɔrɛ nɛ e bɔla so! Men tise n tise asɔ kama nɛ e dese ekpa na to na, nseŋ sulɔ ajaŋ n deŋi kumo so nɛ k baa walɛ nɛnɛ!

Aizaaya 40:5

Saŋɛ na so, Enyɛnpe Ebɔrɛ na be keshi nɛ kemaŋkura beeŋ lar efuli nɛ basa kikɛ e wu kumo. Enyɛnpe Ebɔrɛ na gbagba e nase kumo be kɔnɔ!”

Aizaaya 42:11

Menyi basa nɛ men wɔ keshishɛrsawule so nɛ nde nɛ a wɔ kumo so na kikɛ e kpaŋ Ebɔrɛ; nɛ basa nɛ b wɔ kakpa nɛ baa tre Kɛda na gba e kpaŋ mo! Men shin nɛ basa nɛ b wɔ kadegboŋ nɛ baa tre Sela na e yili abee be awɔlto n wora awɔr kagbene fuli so!

Aizaaya 45:2

“Ŋ gbagba e juŋkpar n dɛdɛ abeegboŋ nɛ abeebi kikɛ so ashi fo ekpa to. Meeŋ bure ndegboŋana na be danyaŋ be mbunagboŋ nseŋ buri abɛlso tenteŋ nɛ b kɔ a ber mbunagboŋ na so kikɛ to.

Aizaaya 49:11

“Meeŋ lɔŋɛ kegbembi abee to n sa ma basa nɛ b baa bɔla so a nite.

Aizaaya 62:10

Jerusalɛmebi, men lar kadegboŋ na to n ya lɔŋɛ ekpa n sa menyi be basa nɛ baa bɛta a ba na! Men lɔŋɛ ekpagboŋ nɛ ajembu e sa maa wɔ kumo so. Kumo be kaman nɛ men yili tuta nɛ k baa la tɔɔnɛ n sa efuli pɔtɛana na nɛ b tiŋ n wu ekpa m bɔla so.

Ezikɛl 17:24

Ndoŋ nɛ ndibi nɛ a wɔ kasawule na so beeŋ pin fanɛ ma, Enyɛnpe Ebɔrɛ na e naa ku ndibi tenteŋ a lɛ nsaa shin nɛ ndibi shiimbi bee daŋ nteŋ. Mee naa shin nɛ ndibi bumbuŋ bee wɔl nsaa shin nɛ ndibi wɔlso bee purge. Ma, Enyɛnpe Ebɔrɛ e malga na; ma alɛ beeŋ wora kusɔ nɛ ŋ kaŋɛ na kikɛ.”

Ezikɛl 21:26

Ma, Enyɛnpe Ebɔrɛ na e naa kaŋɛ fo na fanɛ fo shɛŋi fo kumu so be neemu na nseŋ lara kuwurwuro na. Ŋkpal manɛ so, asheŋ maaŋ naa du kananɛ a daa du na. Esa nɛ e daa maŋ kɔ eyilikpa beeŋ nya eyilikpa nɛ emo nɛ e daa kɔ eyilikpa e paŋ mbe eyilikpa.

Zakareya 4:7

Kusɔ kama nɛ k du fanɛ kebee a kagle fo to beeŋ foe fo anishito. Feeŋ lɔŋɛ bɔrɛlambu na m pɔr. Kachɛ nɛ feeŋ ta lalaloge be berkishi m mɔ kapɔr na so na, basa na kikɛ beeŋ boŋ to awɔrso ŋ kaŋɛ le: “Ebɔrɛ e nɛfa kumo! Ebɔrɛ e nɛfa kumo!”

Luuk 18:14

Nɛ Yesu naŋ kaŋɛ: “Ma e kaŋɛ menyi na fanɛ Ebɔrɛ shin nɛ lamposɔpo na ki elelapo mbe anishito n yɔ epe. Ama Farisinyɛn na bre maŋ nya loŋ, ŋkpal manɛ so, esa kama nɛ e bee maŋ mbe kumu so, baaŋ bar mo kaseto, ama ekama nɛ e bee bar mbe kumu kaseto, baaŋ maŋ mo so.”

Luuk 3:5

A daga kumo be amambi kikɛ ka bɔlɔ so a walɛ. A daga kumo be abeebiana nɛ abeegboŋana kikɛ ka kpal so n nyalɛ. Men niŋi ekpa na be mboŋ kɔntoana na nseŋ lɔŋɛ ekpa tisoana na.

1 Samuɛl 2:8

Fo e naa pulgi betirpo ashi shishɛr to nsaa lara betentaŋasepo ashi bumo be awurfoŋ to; Nsaa ta bumo a yili bewurbi be eyilikpa, ashi ewura be laŋ to be bunyaŋ be kakpa na. Fo Enyɛnpe e wora durnya ere be gbaltɔlase, nseŋ pɔr durnya n yili kumo so.