Aizaaya 40:3 - EBƆRƐ BE KAWƆL

³ Esa ko bee ponte a kaŋɛ le: “Men lɔŋɛ ekpa kiyi to n sa Enyɛnpe Ebɔrɛ nɛ e bɔla so! Men tise n tise asɔ kama nɛ e dese ekpa na to na, nseŋ sulɔ ajaŋ n deŋi kumo so nɛ k baa walɛ nɛnɛ!

Aizaaya 40:3 ပူးပေါင်းရင်းမြစ်များ

Nshɛ 68:4

Men boŋ nshɛ n sa Ebɔrɛ, men boŋ nshɛ n fur mbe ketre. Mo e dii n chena awɔlpa so, amoso men maŋkura mo. Mbe ketre e la Enyɛnpe na, nɛ anyee tiŋ n ji eyur nseŋ maŋkura mo.

Aizaaya 35:8

Kegbembi lela beeŋ ba dese ndoŋ, nɛ b baa tre kumo “Kecheembiya be ekpa.” K beeŋ baa la Ebɔrɛ be basa be ekpa. Esa nɛ e maa shuŋ Ebɔrɛ maaŋ nite kumo so. Bewulpo gba maaŋ nite loŋ be kegbembi na so.

Aizaaya 40:4

Men ti ataŋɛ nɛ amaŋ kikɛ, nseŋ dɛdɛ abeegboŋ nɛ abeebi kikɛ so. Men lɔŋɛ mboŋ nyaŋgraŋ, n shin nɛ amo kikɛ e dɛdɛ so.

Aizaaya 43:19

Men baa keni kusɔ popɔr nɛ meeŋ wora na ekpa. K tea wora gba! Menyeeŋ tiŋ n wu kumo naniere! Meeŋ wora ekpa keshishɛrsawule so nseŋ shin nɛ men nya mbombi ashi kasawule wɔlso so.

Aizaaya 49:11

“Meeŋ lɔŋɛ kegbembi abee to n sa ma basa nɛ b baa bɔla so a nite.

Aizaaya 57:14

Ade be kaman nɛ Enyɛnpe Ebɔrɛ naŋ kaŋɛ le: “Men lɔŋɛ ekpa nseŋ lara ajembu nɛ keyimu kikɛ kumo so n sa ma basa nɛ b bɔla kumo so m bɛta m ba ma kutɔ!

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Baru lela nɛ Jɔn kute na 1:23

Nɛ Jɔn ta anebi Aizaaya be mmalga ŋ kaŋɛ bumo le: “Ma e la esa nɛ mbe ebɔl bee ponte ashi kiyi to a kaŋɛ fanɛ: ‘Men lɔŋɛ Enyɛnpe be ekpa niŋiso n sa mo nɛ e bɔla so na.’ ”