Aizaaya 40:22 - EBƆRƐ BE KAWƆL

²² Esa nɛ e chena mbe kuwurputi so ashi durnya be esoso nɛ k baŋ awɔlpa so na e to durnya. Basa nɛ b wɔ kumo to na du fanɛ atutulombi mo kutɔ nna. Mo e parga kuwɔlpa to fanɛ patisa, ŋko fanɛ wajɛbu nɛ esa e chena to na.

Aizaaya 40:22 ပူးပေါင်းရင်းမြစ်များ

Jɛnesis 1:6

Kachɛ juŋkparso na be kaman nɛ Ebɔrɛ kaŋɛ: “Shin nɛ kunji e barga nchuana na to nɛ ako e baa wɔ esoso nɛ ako malɛ e baa wɔ kaseto.” Nɛ loŋ wora.

Job be kawɔl 22:14

Awɔlpa nɛ a biri to maaŋ tiŋ m buu mbe anishi so nɛ e sa maa wu, saŋɛ nɛ e bee nite a kulti awɔlto ndoŋ na.

Job be kawɔl 26:7

Ebɔrɛ e parga awɔlpa nɛ k wɔ kelargato be esoso na to, nseŋ shin nɛ durnya shaso nɛ shɛŋ maŋ kɔ kumo to.

Job be kawɔl 36:29

Esa kikɛ maaŋ tiŋ m pin kananɛ Ebɔrɛ bee shin nɛ bɔrɛwɔlpa bee salga to a sɔ kaplɛkama, ŋko kananɛ e wɔ kakpa nɛ e wɔ nsaa ponte to saŋɛ nɛ bɔrɛ bee ba.

Job be kawɔl 37:18

Ebɔrɛ bre beeŋ tiŋ n shin nɛ bɔrɛwɔlpa e parga to m buu so nɛ kakpa e wushi, ama fo alɛ beeŋ tiŋ n wora loŋ a?

Job be kawɔl 9:8

Ebɔrɛ nawule e to kuwɔlpa m parga kumo to n sɔ kaplɛkama, mo alɛ e naa ji teku nɛ kumo to be asɔ kikɛ so eleŋ.

Nshɛ 104:2

nɛ kefulto kulti fo n wɔtɔ kaplɛkama. Fo e parga kuwɔlpa to n sɔ kaplɛkama fanɛ wajɛbu, a wɔ kumo to.

Nshɛ 18:11

E ta tentembiri nna ŋ kulti mbe kumu, nɛ abɔrɛwɔlpa ta mo ŋ ŋana awɔlpa to.

Nshɛ 19:4

ama durnya to ebi kikɛ bee wu kusɔ nɛ a bee ŋini saŋkama nna. Ebɔrɛ wora awɔlpa nna fanɛ wajɛbu n sa epeŋi.

Nshɛ 2:4

Ebɔrɛ tase mbe kuwurputi so esoso nna ŋ kplaŋ bumo so, nsaa mushe bumo.

Nshɛ 29:10

Enyɛnpe Ebɔrɛ na e naa ji kuwura nchuaana nɛ a wɔ nchiŋ gba so. E bee ji kuwura nna mbaanaayɔ.

Nshɛ 68:33

Men fur emo nɛ e yili dra na kikɛ a dii awɔlpa na. Men kaŋ kusoe n nu mbe ebɔl nɛ k bee gbri fanɛ bɔrɛ ka bee ponte na.

Aŋasa 8:27

N wɔtɔ nna pɔɛŋ, nɛ e ta awɔlpa n yili amo be kaboŋ, nseŋ yili kakpa nɛ esa be kenishi beeŋ tiŋ n wu n ya tar ashi teku so.

Aizaaya 19:1

Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Aizaaya 37:16

“Enyɛnpetale Israɛl be Ebɔrɛ, fo e chena fo kuwurputi so awɔlto nɛ emalaika nɛ baa tre chɛrubim na wɔ fo aya ase. Fo nawule e la Ebɔrɛ. Fo e to esoso nɛ kasawule nsaa ji kuwura durnya be kuwurjiana kikɛ so.

Aizaaya 40:15

Efuliana na maŋ la shɛŋ Enyɛnpe Ebɔrɛ bre kutɔ, a du fanɛ nchu ka do bokiti nɛ nchu to nna; ŋko kalabɛr nɛ a deŋ kusɔ nɛ b kɔ a karga asɔ be egbɛ so nna. Aplasawule nɛ e wɔ kufɔ kufɔ na kikɛ du fanɛ enɔ be bɔlɔ be eshishɛr nna.

Aizaaya 40:17

Efuliana na kikɛ maŋ la shɛŋ n sa Ebɔrɛ, mo ere bee ta amo nna fanɛ asɔ fuloŋ.

Aizaaya 42:4

E maaŋ gben n yige to ŋko m pɔ aba; e beeŋ shin nɛ keji asheŋ nɛ amo be ekpa so e ba durnya to. Efuli pɔtɛ so be basa pere kenishi nna a jo mbe keŋini.”

Aizaaya 42:5

Ebɔrɛ e to esoso nseŋ parga kumo to n sɔ kaplɛkama; mo e to kasawule nɛ asɔ kama nɛ e wɔ kumo so na kikɛ; mo e sa durnya to be basa kikɛ ŋkpa nɛ efute. Naniere kusɔ nɛ Enyɛnpe Ebɔrɛ na bee kaŋɛ mbe kayɛrbi nde:

Aizaaya 44:24

“Ma e la, Enyɛnpe Ebɔrɛ, menyi be emɔlgapo na; Ma e la esa nɛ n to menyi. Ma e la Enyɛnpe Ebɔrɛ nɛ e to kusɔ kikɛ na. N nawule e parga kuwɔlpa to n sɔ esoso kikɛ. Ekama malɛ maŋ chɛ ma to n to durnya.

Aizaaya 51:13

Men teŋ Enyɛnpe Ebɔrɛ nɛ e to menyi nseŋ to esoso nɛ kasawule kikɛ na so nna a? Nɛ manɛ nna nɛ menyee ŋana kufu ŋkpal basa nɛ baa kɔrfɛ menyi nsaa sha kemur menyi agbo so na? Bumo be kanya agbo maaŋ tiŋ n wora menyi shɛŋ.

Aizaaya 66:1

Enyɛnpe Ebɔrɛ yɛ: “Ebɔrɛso e la ma kuwurjiakpa nɛ kasawule so malɛ la ma aya be kusɔ yiliso so. Nɛ nuso be ebu nɛ menyeeŋ naŋ pɔr n sa ma nɛ n naŋ chena to ŋko nnɛ nɛ meeŋ naŋ chena n wushi?

Jɛremaya 10:12

Enyɛnpe Ebɔrɛ na e bɔla mbe eleŋgboŋ so n to durnya; e bɔla mbe kanyiasheŋ so nna n to durnya nseŋ parga awɔlpa to m buu kaplɛkama so.

Zakareya 12:1

Kubɔya nɛ k shi Enyɛnpe Ebɔrɛ na kutɔ a laŋɛ Israɛl be kaplɛa so na nde. Mo e to esoso nseŋ tɔl durnya n yili kumo be gbaltɔlase so, nseŋ sa dimɛdi ŋkpa na.

Nɔmbɛs 13:33

An ka wu basa tenteŋ gboŋgboŋi nɛ b shi Anak be kanaŋ to na, an ki fanɛ alonte nna ashi bumo be anishito.”