Aizaaya 40:2 - EBƆRƐ BE KAWƆL

² Meeŋ leŋ Jerusalɛm be basa to. Kaŋɛ bumo fanɛ b ji awurfoŋ n chɛr ga. Naniere b nya bumo be alubi be ketampaŋ. N tiŋ ŋ gberge bumo kusoe ga ŋkpal bumo be alubi so.”

Aizaaya 40:2 ပူးပေါင်းရင်းမြစ်များ

Jɛnesis 34:3

E ka pur mo na nɛ mbe kagbene kilgi Jeekɔb pibiche Daina na so ga nɛ mbe kasha ba kebichebi na so nɛ e malga mo kutɔ kashaso.

2 Kronikɛls 30:22

Ewura Hɛzekaya daŋ chɔrɔ Livaiebi na nna ŋkpal kenyi nɛ b daa kɔ a juŋkpar basa nɛ baa bunyaŋ Enyɛnpe Ebɔrɛ na so. Nchɛ ashunu nɛ b ta n lara sarga n di Enyɛnpe bumo nananyɛnana be Ebɔrɛ na epaŋ na be kaman,

Nshɛ 32:1

Kagbenefuli la bekama nɛ Ebɔrɛ ta bumo be alubi m paŋ bumo na peya nna. Bumo nɛ e ta bumo be aworandeso ŋ kɛ bumo na.

Nshɛ 85:3

Fo daŋ kaa kagbene nna, n nya agbo n wɔtɔ bumo.

Kaŋinichiŋgeliŋ 3:4

Mo e yili kagbenejija nɛ kagbenefuli be saŋɛ, nseŋ yili kushu keli nɛ keji eyur be saŋɛ.

Aizaaya 12:1

Kachako bee ba nɛ basa e boŋ kashɛ ŋ kaŋɛ le: “Mee kpaŋ fo nna, Enyɛnpe Ebɔrɛ! Fo daŋ nya agbo nna n wɔtɔ ma, ama fo yige fo kanya agbo na nsaa lɔlɔ ma.

Aizaaya 14:3

Enyɛnpe Ebɔrɛ na beeŋ sɔ Israɛl be basa na n yige ashi ebesa nɛ awurfoŋ nɛ kenyaya to.

Aizaaya 27:9

Ekpa koŋwule so nɛ Israɛlebi beeŋ tiŋ m bɔla so n nya bumo be alubi nɛ kewora n jija be ketampaŋ. A daga fanɛ b bure nnyamase be agbirsure nɛ b pɔr a chɔɔ eduwu amo so na nseŋ tia kegbirche nɛ baa tre Ashira na be ndibi tenteŋ nɛ b yuu na kikɛ n lɛ.

Aizaaya 33:24

Enyɛnpe Ebɔrɛ na beeŋ ta menyi be alubi m paŋ menyi, nɛ esa kama nɛ e wɔ anyi be kasawule so maaŋ naŋ fubel ŋ kaŋɛ le: “Mee lɔ nna!”

Aizaaya 43:25

Ma, e naa ta menyi be alubi a paŋ menyi, ŋkpal esa nɛ e la ma so. Ma alɛ maŋ naa nyiŋi alubi nɛ men wora ŋ gbiti ma na.

Aizaaya 44:22

Ma e fuge menyi be alubi fanɛ afu ka ber kuwɔlpa n ya lɛ na nna. Men bɛta m ba ma kutɔ. Ma e la esa nɛ e bee mɔlga menyi.”

Aizaaya 49:25

Ama Enyɛnpe Ebɔrɛ nase kɔnɔ fanɛ e beeŋ kɔ n sa anyi nseŋ sɔ anyi be mbia n yige ashi an doŋana nɛ baa suge basa be asɔ eleŋso be enɔ to.

Aizaaya 51:17

Jerusalɛm to ebi, men koso! Kasogberge nɛ Enyɛnpe Ebɔrɛ na nya agbo n shin nɛ k ba menyi so na shi ga. Kasogberge na shin nna nɛ menyee nite a lente fanɛ basa nɛ b boo nsa na.

Aizaaya 53:5

Anyi ere be asheŋ lubi so nɛ b beri mo nɛ e doro. Kasogberge nɛ e nya na so nɛ an nya kayurwushi nɛ mbe edoro na malɛ shin nɛ an nya kechɛ.

Aizaaya 53:6

Anyi kikɛ daa du fanɛ mbolpɔ nɛ b yeŋ n foe n luri to nna. Ekama daŋ sɔ mbe ekpa nna a yɔ. Ama Enyɛnpe Ebɔrɛ na daŋ shin nna nɛ anyi be kasogberge ba mbe kenya so.

Aizaaya 54:15

M maaŋ naŋ shin nɛ esa kikɛ e kɔ kena ashi fo kadegboŋ na to. Bekama nɛ baaŋ kɔ menyi kena maaŋ tiŋ m pɔɔ menyi so kikɛ.

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Aizaaya 55:7

Kumu kpakpasowuraana, men lar menyi be asheŋ lubi to nseŋ chɛrga menyi be nfɛra lubi nɛ menyee fɛ na. Men bɛta m ba Enyɛnpe anyi be Ebɔrɛ na kutɔ, mo e la ewɔrwupo nsaa nya manaŋ a ta alubi a paŋ na.

Aizaaya 6:7

beta ma kɔnɔpurbi nseŋ kaŋɛ le: “Kede beta fo kɔnɔpurbi nna na. Fo nya alubi be ketampaŋ nsaa maŋ naa la esa nɛ e wora n jija nna na.”

Aizaaya 61:7

Bumo be anishinyɔr nɛ ŋaba beeŋ fo ekar. Baaŋ chena bumo gbagba be kasawule so nɛ bumo be kanya nɛ kedama e daŋɛ so ntuŋ anyɔ so. Bumo be kagbenewushi beeŋ baa wɔtɔ mbaanaayɔ.

Aizaaya 66:13

Kananɛ ebinio bee lolo mbe kebia na nɛ ma alɛ gba beeŋ baa lolo menyi ashi Jerusalɛm to.

Jɛremaya 16:18

Meeŋ shin nɛ b ka bumo be alubi nɛ asheŋ jiga be akɔ ntuŋ anyɔso, ŋkpal manɛ so, b ta agbirana nɛ e maŋ kɔ ŋkpa fanɛ bubuni nɛ ŋ kishi amo be asheŋ na m ba sɔ ma kasawule so be kaplɛkama n shin nɛ k wora eyurpi daŋkare be ekpa so.”

Jɛremaya 17:18

Enyɛnpe Ebɔrɛ, shin nɛ basa nɛ baa kɔrfɛ ma na e ji anishinyɔr, ama baa kuŋ ma nɛ n sa maŋ ji nyɔmɔ. Kumo be kaman nɛ fo shin nɛ kufugboŋ e tɔr bumo so nseŋ naŋ shin nɛ b mur ga.

Jɛremaya 29:11

N nawule e nyi ŋkre nɛ ŋ kɔ a sa menyi. K la ŋkre nɛ k beeŋ shin nɛ asheŋ e nyalɛ nsaa nite nɛnɛ a sa menyi nna, mannɛ ŋkre nɛ k beeŋ shin nɛ men ji jɛrbi. K la ŋkre nɛ k beeŋ sa menyi echefoso be kebaawɔtɔ lela nɛ menyee tama na nna.

Jɛremaya 51:10

Ndoŋ nna nɛ Israɛl be basa na malɛ kaŋɛ le: “Enyɛnpe Ebɔrɛ na sɔ anyi be kɔnɔ so ŋ ka Babilɔnebi na kukɔ a ŋini fanɛ an ji n lar ashi kusɔ nɛ Babilɔn wora anyi na to. Amoso men shin nɛ an ya kaŋɛ basa nɛ b wɔ Jerusalɛm to na kusɔ nɛ Enyɛnpe, anyi be Ebɔrɛ na wora.”

Nfabel 4:22

Zayɔn be kadegboŋ na to be basa bre teŋ ka bumo be alubi be kukɔ nna na. Enyɛnpe Ebɔrɛ na maaŋ naŋ shin nɛ an baa wɔ kenyaya to ashi efuli pɔtɛ wɔfɔ so. E beeŋ shin nɛ an bɛta m ba epe. Ama menyi Edɔm be efuli so be basa bre, e beeŋ gberge menyi kusoe nseŋ shin nɛ menyi be asheŋ lubi e dii efuli nɛ ekama e pin amo.

Ezikɛl 16:42

Aloŋ nɛ ma agbo beeŋ wushi nɛ ma kagbene e dese ma nɛ m maaŋ naŋ nya agbo ŋko ŋ kɔ kukɔrkɔ.

Danɛl 11:35

Ebɔrɛ beeŋ bɔla tɔrɔ nɛ benyiashempo juŋkparpoana na be beko beeŋ luri to na so n shin nɛ b fɔrso n nyalɛ so a jo lalaloge be saŋɛ nɛ k bee ba saŋɛ nɛ Ebɔrɛ yili na.

Danɛl 12:4

Kumo be kaman nɛ e naŋ kaŋɛ ma le: “Danɛl, da kawɔl na m buu so nseŋ ta tɔɔnɛ be kebersobi m ber kumo so hale nɛ durnya ere e ya fo kumo be ekar. Ama basa kraa beeŋ baa lege to a fin kepin asheŋ to.”

Danɛl 12:9

Nɛ e kaŋɛ ma le: “Danɛl baa yɔ, ŋkpal manɛ so, a daga mmalga ere ka la wulo be mmalga nna n ya fo durnya be lalaloge.

Danɛl 9:12

Kusɔ nɛ fo kaŋɛ fanɛ feeŋ wora anyi nɛ anyi be bejuŋkparpoana na bɔlɔ so. Fo gberge Jerusalɛm kusoe a chɔ kade kama kasawule ere so.

Danɛl 9:2

Mbe kuwura be kafɛ juŋkparso to nɛ n daa koya nwɔl cheembi na nsaa fɛ kananɛ Enyɛnpetale Ebɔrɛ na kaŋɛ anebi Jɛremaya fanɛ Jerusalɛm beeŋ mur nɛ esa kikɛ maa naa wɔ kumo to n ya fo nfɛ adushunu na be asheŋ.

Hoziya 2:14

Ma Enyɛnpe Ebɔrɛ gbagba beeŋ naaŋ kule Israɛlebi fanɛ b bɛta n tu ma m ba keshishɛrsawule so nɛ m malga kashaso bumo kutɔ.

Hoziya 2:16

Yili kumo be kachɛ na a yɔ, menyeeŋ baa tre ma men kul nna, nɛ mannɛ men Nyɛnpe.

Habakuk 2:3

Ŋkpal manɛ so, kelaraŋŋini ere bee jo kumo be jemanɛ nna. Kusɔ nɛ k beeŋ wora lalaloge be nchɛ to na be asheŋ nɛ k bee ji. Kumo alɛ maaŋ baa la efɛsheŋ kikɛ. Kewora fanɛ k bee chɛr nna, ama baa kraa jo. Kanaŋ kama nɛ asheŋ du k beeŋ wora m bɔlɔ so.

Zefanaiya 3:15

Ŋkpal manɛ so, Enyɛnpe Ebɔrɛ na shin nɛ menyi be kasogberge fo ekar. E shin nɛ men doŋana bɛta ashi menyi so. Mo alɛ e la Israɛl be Ebɔrɛ nɛ e wɔ menyi kutɔ na, men sa maŋ naa ŋana kufu kusɔ ko so.

Zakareya 1:13

Ndoŋ nna nɛ Enyɛnpe Ebɔrɛ na ta kagbenewushi be mmalga nɛ e kɔ kechɛto n sa malaika na.

Zakareya 1:15

ama n nya agbo nna n wɔtɔ efuliana nɛ a wɔ kayurwushi to na ŋkpal manɛ so, n daŋ nya agbo gbrɛbi nna n wɔtɔ ma basa, nɛ loŋ be efuliana shin nɛ ma basa be awurfoŋ wora keshi n ti so.

Zakareya 9:12

Men bɛta m ba menyi be kumɔlga be kakpa lempo na nseŋ nya tama. Ŋkpal manɛ so, kabre meeŋ laŋɛ asɔ nɛ men daa kɔ na be ntuŋ anyɔso n sa menyi.

Ashuŋ Shunso 1:7

Nɛ Yesu kaŋɛ bumo: “N Tuto nawule be enɔ to nɛ kusɔ kama nɛ kumo be jemanɛ wɔ. Amo be asheŋ maŋ la asɔ nɛ a daga men ka pin.

Galeeshaebi 4:4

Ama jemanɛ nɛ k daga na ka ba fo nɛ Ebɔrɛ shuŋi mo Pibinyɛn nɛ e bɔla durnya be eche to n lar a wɔ mbra na to na

Kelaraŋŋini 18:6

Men wora mo kananɛ e wora menyi na gbagba chap. Men laŋɛ kusɔ kama nɛ e wora menyi na ŋ ka mo loŋ be ale anyɔ. Men shin nɛ mbe kawiebi nɛ e ta n wora nsa n sa menyi na e bɔlɔ a kɔ eleŋ ale anyɔ a chɔ amo nɛ e sa menyi na.