Aizaaya 4:5 - EBƆRƐ BE KAWƆL

⁵ Kumo be kaman nɛ Enyɛnpe Ebɔrɛ na e shin nɛ kuwɔlpa e baa buu kebee nɛ baa tre Zayɔn na nɛ bekama nɛ b gama ndoŋ na so kapaso nseŋ shin nɛ edishi nɛ edɛ wuloŋwuloŋ nɛ kefulto e baa buu kumo so kanyɛso. Ebɔrɛ be kemaŋkura beeŋ baa buu kadegboŋ na kikɛ so a kuŋ kumo.

Aizaaya 4:5 ပူးပေါင်းရင်းမြစ်များ

Nehemaya 9:12

B ka dii teku na be kaman, karechɛ kikɛ fo daa bɔla awɔlpa to nna a juŋkpar fo basa kapaso, nsaa bɔla edɛ be kabɔlpi so a juŋkpar a ŋini bumo ekpa kanyɛso.

Nshɛ 105:39

Ebɔrɛ daa bɔla kuwɔlpa so kapaso nɛ edɛ be kabulpi so kanyɛso nna a ŋini bumo ekpa ashi bumo be enite na to.

Nshɛ 111:1

Meeŋ kpaŋ Enyɛnpe Ebɔrɛ na ashi ma kagbene to. Ma alɛ beeŋ di mo epaŋ ashi mbe basa be nshɛr to.

Nshɛ 78:14

E daa bɔla kuwɔlpa so nna a ŋini bumo ekpa kapaso, nseŋ daa bɔla edɛ be kabulpi so a ŋini bumo ekpa kanyɛso malɛ.

Nshɛ 85:9

Kashenteŋto e wora shiriya nɛ e mɔlga bekama nɛ baa ŋana mo na nna; saŋɛ na so mo gbagba be kemaŋkura beeŋ baa wɔ anyi be kasawule so.

Nshɛ 89:7

Fo nɛ ekama bee ŋana ga ashi ebɔrɛso ndoŋ. Fo asheŋ malɛ bee keta kufu nsaa kɔ bunyaŋ ga a chɔ bekama nɛ b wɔ ebɔrɛso.

Ɛksodɔs 14:24

Kaboŋ ka ba kaa kpaŋɛ to nɛ Enyɛnpe Ebɔrɛ yili edɛ be kabulpi nɛ kuwɔlpa na to n wu Ijipt be benapo na nseŋ ta kebagato n lɛ bumo so.

Ɛksodɔs 24:16

Nɛ Enyɛnpe Ebɔrɛ be kemaŋkura gbelge m ba Sainai be kebee na so nɛ kuwɔlpa na buu kumo so hale n ya fo nchɛnshe. Kachɛ shunusopo na nɛ Enyɛnpe Ebɔrɛ shi kuwɔlpa na be nferinto n tre Mosis.

Ɛksodɔs 26:1

“Le e daga fanɛ men lɔŋɛ Ebɔrɛ be wajɛbu na, men ta ago be ejese lela mɔlmɔlbi nɛ ejese nɛ a la buru nɛ kepeper kpaw n lue epatisa kudu nseŋ shin nɛ esa nɛ e nyi kajɔ e ta kebasibi nɛ jese n jɔ chɛrubim be kaduli n deŋi n deŋi epatisa na so.

Ɛksodɔs 26:7

Kumo be kaman nɛ men ta mboe be afuibi n lue ewajɛ kudukako nɛ a ki Ebɔrɛ be wajɛbu na be buuso.

Aizaaya 32:18

Hale nɛ bɔrɛ ba nɛ abɔrɛjembubi tɔr kupo to be ndibi so nɛ basa be kananɛ baa puchi bumo be ndegboŋana so duga so gba, Ebɔrɛ be basa bre maaŋ baa wɔ kafɔŋ to. Kayurwushi beeŋ baa wɔ bumo be elaŋana to nɛ b maaŋ naa ŋana kufu.

Aizaaya 33:20

Men to anishi ŋ keni Zayɔn be kebee nɛ anyee ji anyi be nchɛgboŋ kumo so na. Menyeeŋ wu fanɛ Jerusalɛm la kakpa nɛ anyi beeŋ tiŋ n nya anyi be amu a wɔtɔ nna. K du fanɛ wajɛbu nɛ k yil a maa gbuŋgbuŋ nna. Kumo be ayir maa tia nɛ kumo be efɔlana malɛ gba maa tuge to kikɛ.

Aizaaya 37:35

Meeŋ kuŋ kadegboŋ na ŋkpal ŋ gbagba be kemaŋkura nɛ kɔnɔ nɛ n nase n sa ma kayɛrbi Deevid nɛ e daa la ewura ashi Jerusalɛm to jemanɛ ko na so.’ ”

Aizaaya 46:13

Meeŋ ba mɔlga menyi. Ma nɛ menyi maaŋ naŋ barga abar. M maaŋ naŋ chɛr nseŋ ba mɔlga menyi. Meeŋ mɔlga basa nɛ b wɔ Jerusalɛm to nseŋ shin nɛ Israɛl be efuli na e nya kemaŋkura.”

Aizaaya 60:1

Jerusalɛmebi, men koso n nyɛkpɛ n fulto fanɛ epeŋi. Karechɛ popɔr bee chɛ menyi so nna na. Ŋkpal manɛ so, Enyɛnpe Ebɔrɛ be kemaŋkura nyaŋɛ n yuu menyi so nna!

Aizaaya 60:2

Tentembiri beeŋ buu durnya nɛ kumo be basa kikɛ so. Ama Enyɛnpe Ebɔrɛ na be kemaŋkura be kefulto beeŋ nyaŋɛ n yuu menyi ere so a ŋini fanɛ e wɔ menyi kutɔ.

Matiu 18:20

Ŋkpal manɛ so, kaplɛkama nɛ basa anyɔ ŋko besa ba shɛr ma ketre to, n wɔ bumo kutɔ ndoŋ.”

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”