Aizaaya 4:4 - EBƆRƐ BE KAWƆL

⁴ Enyɛnpe Ebɔrɛ na beeŋ bɔla mbe eleŋgboŋ so n ji efuli na demu nseŋ fɔr Jerusalɛm be kewora n jija nɛ basa nɛ b mɔ na be ŋklaŋ n lɛ nɛ efuli na e naaŋ nyalɛ so ashi asheŋ lubi be kaplɛa so.

Aizaaya 4:4 ပူးပေါင်းရင်းမြစ်များ

Nshɛ 51:2

Fɔr ma alubi nɛ ma kewora n da so kikɛ nɛ n nyalɛ so.

Sɔlɔmɔn 3:11

Zayɔn be beche, men lar m ba keni ewura Sɔlɔmɔn ka buu kuwurwuro; kuwurwuro nɛ mo nio daŋ ta m buu mo mbe kejafɔ achɛ nɛ k shin nɛ mbe kagbene fuli mo ga na.

Aizaaya 1:15

Nɛ menyee maŋ menyi be enɔana so ashi kabɔrɛkule to, m maaŋ gbɛ ŋ keni menyi gba. Kanaŋkama nɛ men kule ma gba, m maaŋ nu n sa menyi, ŋkpal manɛ so, men la bemɔpo nna nɛ ŋklaŋ gbiti menyi be enɔana.

Aizaaya 1:25

Meeŋ gberge menyi kusoe kenishipereso nɛ ebɔl e lar menyi. Meeŋ lara eyurpi menyi so fanɛ kananɛ baa ta edɛ a lara eyurpi ashi abɛlso to na.

Aizaaya 1:31

Kananɛ edɛbi beeŋ tiŋ n shin nɛ afitiri wɔlso e chɔɔ m mur na nɛ menyi to be bejuŋkparpo lempoana gbagba be asheŋ lubi beeŋ mur bumo nɛ esa kikɛ maaŋ tiŋ n chɛ bumo to.

Aizaaya 27:9

Ekpa koŋwule so nɛ Israɛlebi beeŋ tiŋ m bɔla so n nya bumo be alubi nɛ kewora n jija be ketampaŋ. A daga fanɛ b bure nnyamase be agbirsure nɛ b pɔr a chɔɔ eduwu amo so na nseŋ tia kegbirche nɛ baa tre Ashira na be ndibi tenteŋ nɛ b yuu na kikɛ n lɛ.

Aizaaya 28:6

Enyɛnpe Ebɔrɛ na beeŋ sa demujipoana kashenteŋji be nfɛra nseŋ sa kadegboŋ na be mbuna kenipoana kenyɛn be kagbene nɛ b baa tiŋ a kuŋ kadegboŋ na.

Aizaaya 9:19

Enyɛnpetale Ebɔrɛ na ka nya agbo so, mbe kasogberge bee chɔɔ nna fanɛ edɛ a mur basa na ashi kasawule na kikɛ so, nɛ k ki fanɛ ekama nɛ mbe kumu so be asheŋ nna na.

Aizaaya 9:5

Benapo nɛ b bɛ abar so a nite be asɛbtagboŋ nɛ bumo be asɔbuuso nɛ ŋklaŋ gbiti na kikɛ beeŋ chɔɔ edɛ to m mur.

Jɛremaya 9:6

Ekama baa wɔtɔ nna a puni mo barkasa a ji nna. Ekama malɛ maa shuli so fanɛ ma e la Ebɔrɛ.

Nfabel 1:9

Kumo to be asheŋ lubi na daŋ dii efuli nna, ama amo be asheŋ maŋ tir kumo be basa na. Jerusalɛm be kebure n tɔr na daŋ lubi ga. Esa kikɛ daa maŋ lolo kumo be basa na n ti bumo kagbene. Bedoŋ daŋ pɔɔ basa na so nna nɛ baa shu a kaŋɛ Enyɛnpe Ebɔrɛ na fanɛ e wu bumo kuwɔr.

Ezikɛl 22:15

Ma alɛ beeŋ naŋ shin nɛ b pesaŋ to n yɔ efuli pɔtɛana so nɛ bumo be asheŋ lubi na kikɛ e ba ekar.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Ezikɛl 36:29

Meeŋ kuŋ menyi ashi kusɔ kama nɛ k bee shin nɛ menyee wora eyurpi na to nseŋ shin nɛ menyi be ayu e wora nɛnɛ, saŋɛ na so akoŋ maaŋ naa wɔtɔ.

Zefanaiya 3:1

Asheŋ maaŋ nyalɛ n sa Jerusalɛm be kadegboŋ na, ŋkpal k ka la kapuni nɛ kasuge nɛ kɔrfɛ nɛ kakpa nɛ b kini Ebɔrɛ na so.

Zakareya 13:1

Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Matiu 23:37

O Jerusalɛmebi, Jerusalɛmebi, menyi e naa mɔ anebiana na nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.