Aizaaya 4:3 - EBƆRƐ BE KAWƆL

³ Baaŋ baa tre Jerusalɛm to be esa kama nɛ Enyɛnpe Ebɔrɛ na shin nɛ e ji efute na esa cheembi.

Aizaaya 4:3 ပူးပေါင်းရင်းမြစ်များ

Nshɛ 69:28

Bubɔ bumo be atre ashi basa nɛ b wɔ ŋkpa to na be atre be kawɔl na to. Lara bumo ashi bumo nɛ b maŋ wora n jija to.

Nshɛ 87:6

Enyɛnpe Ebɔrɛ na beeŋ shin nɛ b sibɛ mbe basa be atre n nase nseŋ ta bekama nɛ b kurge ndoŋ gba be atre n ti so fanɛ b ka la Jerusalɛm to be ndetobia na;

Aizaaya 1:27

Ŋkpal Enyɛnpe Ebɔrɛ na ka niŋi so, e beeŋ mɔlga Jerusalɛm nɛ esa kama nɛ e beeŋ tuba n lar alubi to ashi ndoŋ.

Aizaaya 28:5

Loŋ be kacha na, Enyɛnpetale Ebɔrɛ na beeŋ baa du fanɛ atoto be kuwurwuro lela n sa mbe basa nɛ baaŋ ji efute a wɔtɔ na; mannɛ fanɛ Samɛria nɛ k du fanɛ atoto nɛ a wɔl m bolo n chuge n tɔr na.

Aizaaya 35:8

Kegbembi lela beeŋ ba dese ndoŋ, nɛ b baa tre kumo “Kecheembiya be ekpa.” K beeŋ baa la Ebɔrɛ be basa be ekpa. Esa nɛ e maa shuŋ Ebɔrɛ maaŋ nite kumo so. Bewulpo gba maaŋ nite loŋ be kegbembi na so.

Aizaaya 46:3

Israɛl be basa, nɛ men la ma basa nɛ b ka a wɔ ŋkpa to, men nu nfe! Jemanɛ nɛ b kurge menyi m ba fo mbre na kikɛ nɛ mee keni menyi so.

Aizaaya 52:1

Jerusalɛm to ebi, men tiŋi edi to! Men koso n yili ŋ kpeŋ menyi be eyur to! Ebɔrɛ be kade cheembi to ebi, men ta menyi be asɔbuuso lela m buu! Nnyamase nɛ b shi efuli pɔtɛana so na maaŋ naŋ luri menyi be kadegboŋ to n tɔrɔ menyi kikɛ.

Aizaaya 6:13

Basa kudu to be esa koŋwule gba ka kasawule na so, mo alɛ gba beeŋ mur. E beeŋ ki fanɛ kedibi gboŋgboŋi nɛ b ku n lɛ be keyimu.” (Keyimu na yili n sa Ebɔrɛ be basa ka beeŋ naŋ fara kepopɔr to nna.)

Aizaaya 60:21

Kumo be kaman nɛ menyi be basa kikɛ e chena kasawule na so nsaa wora kusɔ nɛ k niŋi mbaanaayɔ. B du fanɛ kedibi nɛ ŋ gbagba du ndoŋ nɛ n lara ma keshi ŋ ŋini ekama nna.

Aizaaya 62:12

Kumo be kaman nɛ b baa tre menyi, “Ebɔrɛ be Basa Cheembi.” Ŋko Basa nɛ Enyɛnpe Ebɔrɛ na mɔlga. Baaŋ baa tre Jerusalɛm “Kadegboŋ nɛ Ebɔrɛ mɔlga.” Ŋko “Kadegboŋ nɛ basa bɔlɔ kumo to.”

Ezikɛl 13:9

Meeŋ gberge menyi anebiana nɛ menyee ku efɛ be ebɔrɛdare nseŋ naa fule a kpal a malga asheŋ na kusoe. Menyi maŋ naŋ ti ma basa so, menyi alɛ be atre maŋ ti Israɛl be basa be atre so. Menyi maaŋ naŋ bɛta n yɔ menyi be kasawule so. Ndoŋ nɛ menyeeŋ pin fanɛ ma e la Enyɛnpetale Ebɔrɛ na.

Ezikɛl 43:12

Mbra nɛ k dese a laŋɛ bɔrɛlambu na be kaplɛa so e la fanɛ, kaboŋ nɛ k kulti kumo ashi kebee na be awɔlto na kikɛ la kakpa cheembi gbagba nna.”

Jowɛl 3:17

Kede be kaman nɛ Enyɛnpe Ebɔrɛ yɛ: “Kumo be jemanɛ na so nɛ menyi Israɛlebi beeŋ pin fanɛ ma e la Enyɛnpe men be Ebɔrɛ na. Ma e wɔ ma kebee cheembi Zayɔn so na. Jerusalɛm beeŋ naŋ ki kadegboŋ cheembi nɛ efuli pɔtɛana so ebi maaŋ naŋ tiŋ ŋ kɔ m pɔɔ kumo so.

Obadaya 1:17

Kumɔlga beeŋ baa wɔ Zayɔn be kebee bre so, nɛ basa ko e nya ekpa n shile ŋ ŋana. Ndoŋ beeŋ baa la kakpa cheembi nsaa la Jeekɔb be kanaŋ to be kasawule.

Zakareya 14:2

Enyɛnpe Ebɔrɛ na e naŋ gama efuli pɔtɛana na abar so nɛ b ba kɔ Jerusalɛm kena. Baaŋ pɔ kadegboŋ na so nseŋ luri elaŋ to m muu asɔ nseŋ pur beche. Baaŋ pɛ basa na be bargato ŋ ki anya n yɔ efuli pɔtɛana so, ama b maaŋ lara bumo nɛ baaŋ ka na bre kadegboŋ na to.

Malakai 3:16

Ndoŋ nna nɛ bekama nɛ baa ŋana Enyɛnpe Ebɔrɛ na bee malga kumo be asheŋ nɛ Enyɛnpe na nu kusɔ nɛ b kaŋɛ na kikɛ nseŋ shin nɛ b sibɛ bumo nɛ baa ŋana mo nsaa sa mo bunyaŋ na be atre n wɔtɔ kawɔl to n nase kanyiŋi so.

Luuk 10:20

Ama men sa maŋ shin nɛ menyi be ŋgbene e baa fuli menyi ŋkpal mbuibi lubiana ka bee nu a sa menyi so. Kusɔ nɛ k daga men ka beeŋ kpal kumo so a shin nɛ menyi be ŋgbene e baa fuli menyi e la b ka sibɛ menyi be atre n nase ebɔrɛso na.”

Ashuŋ Shunso 13:48

Nnyamase na ka nu loŋ nɛ bumo be ŋgbene fuli bumo ga nɛ b yɛ Enyɛnpe be kubɔya na wɔ ebel. Nɛ bumo nɛ Ebɔrɛ lara fanɛ b nya Ebɔrɛ be ŋkpa nɛ k maŋ kɔ ekar na ki beyirdapo.

Romebi 11:4

Elaija ka daŋ kaŋɛ loŋ, nuso nɛ Ebɔrɛ kaŋɛ mo? Ebɔrɛ yɛ: “Basa ŋgboŋ ashunu nɛ b maŋ gbir m bunyaŋ kegbir nɛ baa tre Baal na nɛ n yige n sa ma kumu.”

Romebi 11:5

Naniere be jemanɛ ere gba, loŋ koŋwule nna fanɛ mo ere Ebɔrɛ lara basa gbrɛbi ko nna n sa mbe kumu ŋkpal mbe kuwɔr be kakɛ so.

Ɛfesesebi 1:4

Kashenteŋto, pɔɛŋ nɛ Ebɔrɛ to durnya ere gba, e lara anyi nna fanɛ an baa la mo peya ashi Kristo to, saŋɛ na so anyeeŋ baa du cheembi a maa kɔ kulubi kikɛ mbe anishito.

Filipaiebi 4:3

Mee kule fo, ma kagbene koŋwuleso be echɛtopo fanɛ fo chɛ bumo beche anyɔ na to, ŋkpal manɛ so, b chɛ ma to n shuŋ baru lela na be kebɔ be kushuŋ na ga. Bumo nɛ Klɛment nɛ m braana beshumpo nɛ bumo be atre wɔ Ebɔrɛ be ŋkpa be kawɔl na to na kikɛ nna.

Kɔlɔsiebi 3:12

Amoso, men baa wora le be kelela ŋkpal Ebɔrɛ ka lara menyi ŋ kɔr a sha menyi a shin nɛ men baa du cheeŋ na so. Men baa wu kuwɔr, men baa la basa, men baa kɔ bunyaŋ, men baa kɔ kushuso, men baa kɔ kanyiti.

Hibruwebi 12:14

Men wora ania nɛ menyi nɛ basa kikɛ e baa wɔ ebel nɛ men baa kɔ kebaawɔtɔ cheembiana, ŋkpal manɛ so, esa kama maaŋ wu Ebɔrɛ na ama amodoŋwura baa kɔ kebaawɔtɔ cheembi nna.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

Kelaraŋŋini 13:8

Basa nɛ b wɔ kasawule ere so kikɛ beeŋ ba maŋ kusɔbɔya na so. Loŋ be basa na e la bekama nɛ b maŋ sibɛ bumo be atre n wɔtɔ Kpakpafɔlbi nɛ b daŋ mɔ durnya be sososo na kikɛ be kawɔl na to na.

Kelaraŋŋini 17:8

Kusɔbɔya mo nɛ fo wu na daa wɔ ŋkpa to nna, ama naniere e maŋ naa wɔ ŋkpa to. A ka gbrɛbi nɛ e shi kemaŋ nɛ baa tre Abis na to n lar nɛ b mur mo. Basa nɛ b wɔ durnya ere to nɛ b maŋ sibɛ bumo be atre n wɔtɔ ŋkpa be kawɔl na to saŋɛ nɛ durnya ere fara kikɛ na kaŋ wu kusɔbɔya na, bumo be nnɔ beeŋ mɔ bumo, ŋkpal manɛ so, e daa wɔ ŋkpa to nna, ama naniere e maŋ naa wɔtɔ, ama mo alɛ kraa beeŋ naŋ ba.

Kelaraŋŋini 20:15

Esa kama nɛ b daa maŋ sibɛ mbe ketre n wɔtɔ ŋkpa be kawɔl na to, b ta mo nna n lɛ edɛ be kepa na to.

Kelaraŋŋini 21:27

Eyurpi be kusɔ kikɛ maaŋ luri ndoŋ kikɛ. Esa kama malɛ gba nɛ e bee wora anishinyɔrsheŋ ŋko a fule, e maaŋ luri ndoŋ kikɛ. Bumo nɛ b sibɛ bumo be atre n wɔtɔ Kpakpafɔlbi na be ŋkpa be kawɔl na to na nawule e naaŋ luri ndoŋ.

Kelaraŋŋini 3:5

Ekama nɛ e kɔ m pɔɔ so beeŋ buu asɔ fuful fanɛ bumo. M maaŋ kpra mbe ketre ashi ŋkpa be kawɔl na to kikɛ, ama meeŋ ji mbe shɛda n sa n Tuto nɛ mbe emalaika.