Aizaaya 4:1 - EBƆRƐ BE KAWƆL

¹ Jemanɛ na kaŋ fo malɛ, beche ashunu beeŋ baa shil a buu enyɛn koŋwule so a kaŋɛ le: “Anyeeŋ tiŋ a bela nsaa buu anyi be amu, jande, fo ere e baŋ shuli nɛ an baa tre fo anyi kul, saŋɛ na so anyi maaŋ ji nyɔmɔ ŋkpal anyi ka maa kil so.”

Aizaaya 4:1 ပူးပေါင်းရင်းမြစ်များ

Jɛnesis 30:23

nɛ e di kedampo ŋ kurge ebinyɛn nseŋ kaŋɛ: “Naniere bre, Ebɔrɛ lara ma anishinyɔr to.”

2 Samuɛl 6:23

Ŋkpal kusɔ nɛ Sɔɔl pibiche Mikaal kaŋɛ na so e daa maŋ naŋ kurge kikɛ hale m ba wu.

Aizaaya 10:20

Jemanɛ ko bee ba nɛ Israɛl nɛ Juda be basa nɛ baaŋ ji efute na maaŋ naŋ ta bumo be amu n deŋi efuli nɛ k daŋ ka gbrɛ nɛ k mur na so. Baaŋ ta bumo be amu n deŋi Enyɛnpe, Israɛl be Ebɔrɛ cheembi na so nna.

Aizaaya 13:12

Loŋ be jemanɛ na basa gbrɛbi fimbi e naŋ ji efute. Kewu esa kenishiso beeŋ ba kaa du kpakpa a chɔ kewu shuwa.

Aizaaya 17:7

Loŋ be kachɛ na kaŋ fo, basa beeŋ bɛta n yɔ bumo be etopo nɛ e la Israɛl be Ebɔrɛ cheembi na kutɔ n ya fin kechɛto.

Aizaaya 2:11

Enyɛnpe Ebɔrɛ na kaŋ ba, baaŋ bar esa kama nɛ e bee fɛ fanɛ e shi ga, ŋko ekama nɛ e bee maŋ mbe kumu so, kaseto. Enyɛnpe Ebɔrɛ na nawule e naaŋ nya kemaŋkura loŋ be kachɛ na.

Aizaaya 2:17

Kachɛ na kaŋ fo, baaŋ bar esa kama nɛ e bee maŋ mbe kumu so nɛ ekama nɛ e bee fɛ fanɛ e shi ga kaseto. Enyɛnpe Ebɔrɛ na nawule e naaŋ nya kemaŋkura.

Aizaaya 3:6

Jemanɛ ko bee ba nɛ kanaŋ to be kabuna ko be basa e lara bumo gbagba to be esa nseŋ kaŋɛ mo le: “Fo e kɔ asɔbuuso, amoso ki anyi be ejuŋkparpo ashi tɔrɔ be jemanɛ ere to.”

Aizaaya 54:4

Men sa maa ŋana kufu ŋko anishinyɔr. Menyi alɛ e sa maŋ pɔ aba kikɛ. Men teŋ menyi be kebifɔlbi to be asheŋ lubi na so. Men sa maŋ shin nɛ menyi be kebaawɔtɔ nɛ k du fanɛ ekulpoche be kebaawɔtɔ na e baa keta menyi nyɔmɔ.

Jɛremaya 15:8

Juda be kasawule so be bekulpoche beeŋ ba kaa chɔ teku ase be eshishɛr gba. Meeŋ shin nɛ menyi be mbrantiɛfɔlbi e wu nɛ bumo nioana e ji awurfoŋ. Meeŋ shin nɛ kagbenejija nɛ kufugboŋ e tɔr bumo so epul to.

Luuk 1:25

E yɛ: “Naniere bre Enyɛnpe chɛ ma to ŋ ŋini ma mbe kasha nseŋ lara ma anishinyɔr basa to.”

Luuk 21:22

ŋkpal manɛ so, naniere baaŋ gberge Israɛlebi kusoe n tal to n shin nɛ abɔrɛsibɛ na kikɛ e bɔla ekpa.

2 Tɛsalɔnikaebi 3:12

Anyee kaŋɛ nsaa fiɛ le be basa so Enyɛnpe Yesu Kristo be ketre to fanɛ b ta bumo be amu boeŋ a wora bumo be ashuŋ a bela bumo gbagba be amu.

1 Samuɛl 1:6

Haana mo chamana Pɛnina daa wora mo eyurto nɛ asheŋ besaso nna ŋkpal Enyɛnpe Ebɔrɛ ka shin nɛ e la egbentepo so.