Aizaaya 39:2 - EBƆRƐ BE KAWƆL

² Nɛ ewura Hɛzekaya keta mbɔ na kefɔ nseŋ ŋini bumo mbe shuwa nɛ gbiti nɛ eposɔ nɛ e kɔ efɛa belbelso a shin nɛ ajibi bee wora bel na nɛ ɔlif be ŋku lela nɛ etulale nɛ mbe benapo be akɔsɔ kikɛ. Shɛŋ shɛŋ daa maŋ naŋ ka ashi mbe ewurkpa ŋko mbe efuli na kikɛ so nɛ e maŋ ta ŋ ŋini mbɔ na.

Aizaaya 39:2 ပူးပေါင်းရင်းမြစ်များ

1 Bewura 10:10

Ewurche na daŋ ta shuwa kilo ŋgboŋ ana nɛ yawu kpakpaso be abitasɔ damta nɛ asɔ nɛ a kɔ efɛa belbelso nɛ amo be efɛa maŋ kɔ sara nna m ba sa ewura Sɔlɔmɔn. Yawu kpakpaso be asɔ nɛ a kɔ efɛa belbelso kikɛ daa maŋ walɛ fanɛ amo nɛ Shɛba be ewurche na ta m ba sa ewura Sɔlɔmɔn na.

1 Bewura 10:15

Eyawujipo nɛ benitepo be kusɔ nɛ baa sa mo bre maŋ ti so. Areebia be efuli so be bewura nɛ Israɛl be efuli so be abonfu be gomena be benimu gba daŋ ba sa mo shuwa nna.

1 Bewura 10:2

E daŋ keta mbe benimu damta ko nna nseŋ kre asɔ nɛ a kɔ efɛa belbelso nɛ yawu kpakpaso be abitasɔ nɛ shuwa damta ko n deŋi enyɔma so n yɔ. E ka ya fo nɛ mo nɛ ewura Sɔlɔmɔn malga asheŋ nɛ a wɔ mbe nfɛra to kikɛ.

1 Bewura 10:25

Bewura kama nɛ b ba mo kutɔ daa bar mo kakɛ nna. Beko daa bar mo gbiti nɛ shuwa nɛ epiŋi tenteŋ nɛ adoŋsɔ nɛ asɔ nɛ a kɔ efɛa belbelso nɛ egbaŋɛ nɛ ekurma nna. Loŋ nɛ bekama nɛ baa ba mo kutɔ kafɛ kafɛ kikɛ na daa wora.

2 Bewura 20:13

Nɛ ewura Hɛzekaya wora mbɔ na maraba nseŋ ŋini bumo mbe shuwa nɛ gbiti nɛ eposɔ nɛ e bee wora epo a bel na nɛ ɔlif be ŋku lela nɛ etulale nɛ mbe benapo be akɔsɔ kikɛ. Shɛŋ daŋ maŋ naŋ ka ashi mbe ewurkpa ŋko mbe efuli na kikɛ so nɛ e maŋ ta ŋ ŋini mbɔ na.

2 Kronikɛls 32:25

Ama ewura Hɛzekaya daa wu mbe kumu na ga nseŋ kini keta kechɔrɔ n sa Enyɛnpe Ebɔrɛ a laŋɛ kusɔ nɛ e wora n sa mo na so. Ŋkpal loŋ so nɛ Enyɛnpe Ebɔrɛ na nya agbo nsaa shin nɛ e gberge ewura Hɛzekaya nɛ Juda nɛ Jerusalɛm be basa kusoe.

2 Kronikɛls 32:27

Ewura Hɛzekaya daŋ dii dama nna ga nɛ ekama daa sa mo bunyaŋ. E daŋ shin nna nɛ b pɔr asɔ be ebuana nɛ baa ta mbe shuwa nɛ gbiti nɛ yawukpakpaso be ajembu nɛ efɛa belbelso be asɔ nɛ abɛlso be asɔkuŋso nɛ asɔ lela kikɛ a wɔtɔ ndoŋ.

2 Kronikɛls 32:31

Babilɔn be bejuŋkparpoana ka shuŋi mbɔ fanɛ b ya bishi ewura Hɛzekaya etɔɔnɛsheŋ nɛ Ebɔrɛ sa mo na, Ebɔrɛ daŋ wora mo nna ŋ keni e bee ji kashenteŋ a sa mo nseŋ shin nɛ ewura Hɛzekaya sa bumo mo gbagba atuwebi.

2 Kronikɛls 9:1

Shɛba be ewurche ka nu kananɛ Ewura Sɔlɔmɔn be ketre daŋ dii ga nna nɛ e keta mbe benimu damta nseŋ kre asɔ nɛ a kɔ efɛa belbelso nɛ shuwa damta ko n deŋi enyɔma so n yɔ Jerusalɛm nɛ e ya bishi ewura Sɔlɔmɔn mmalga kpakpaso. Mo nɛ ewura Sɔlɔmɔn ka tu abar nɛ e bishi mo asheŋ nɛ e wɔ mbe nfɛra to kikɛ.

2 Kronikɛls 9:9

Ewurche na daŋ ta shuwa kilo ŋgboŋ ana nɛ abitasɔ damta nɛ asɔ nɛ a kɔ efɛa belbelso nɛ amo be efɛa maŋ kɔ sara nna m ba sa ewura Sɔlɔmɔn. Asɔ nɛ a kɔ efɛa belbelso kikɛ daa maŋ walɛ n fo amo nɛ Shɛba be ewurche na ta m ba sa ewura Sɔlɔmɔn na so”.

Job be kawɔl 31:25

ŋko a puchi ŋkpal asɔ damta nɛ ŋ kɔ so.

Aŋasa 4:23

Baa da fo nfɛra fɛso so, ŋkpal manɛ so amo e naa ŋini fo kebaawɔtɔ.

Kaŋinichiŋgeliŋ 7:20

Esa kama maŋ wɔ durnya ere to nɛ e niŋi n ya loge nsaa maa wora a foe.

Jɛremaya 17:9

Menyi Juda be basa la basa nɛ baa fule nna pasaa. Men fule men gbagba be amu, menyi alɛ maaŋ tiŋ n chɛrga kumo to.

2 Kɔrintebi 12:7

Ŋkpal kananɛ k beeŋ wora nɛ n sa maŋ kpal kewuŋkaŋɛ damta gboŋana mo nɛ n nya na so ŋ kpaŋ ma kumu so so, Ebɔrɛ sa ma ebesa ko nna, k la Setani be kabɔ nna nɛ e bee tɔrɔ ma. Saŋɛ na so, m maaŋ baa nya ekpa a maŋ ma kumu so m baŋ so.

1 Jɔn 1:8

Nɛ an baŋ kaŋɛ fanɛ an maŋ kɔ kulubi bre, anyee fule anyi be amu nna nɛ kashenteŋ malɛ maŋ wɔ anyi to kuraa.