Aizaaya 38:3 - EBƆRƐ BE KAWƆL

³ “Enyɛnpe Ebɔrɛ, baa nyiŋi kananɛ n daŋ shuŋ fo kashenteŋ nɛ kagbene koŋwule so. Ma alɛ wora ania fanɛ meeŋ baa wora kusɔ kama nɛ fee sha.” Kumo be kaman nɛ e shu ga.

Aizaaya 38:3 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 6:9

Kananɛ Nowa nɛ mbe kanaŋ to ebi be asheŋ lar nde. Nowa daa la esa nɛ e niŋi nna ashi Ebɔrɛ be anishito nseŋ daa maa kɔ amoso mbe jemanɛ na so. Mo nɛ Ebɔrɛ daa ji keteri nna.

1 Bewura 15:14

Kashenteŋ nna fanɛ ewura Asa daa maŋ tiŋ m mur agbir nɛ mboŋ nɛ baa shuŋ amo na ashi Israɛl be kasawule so kikɛ, ama e daŋ ji kashenteŋ nna n sa Enyɛnpe Ebɔrɛ na mbe ŋkpa to kikɛ.

1 Bewura 2:4

Fo nɛ fo kaman to ebi kikɛ baa nu a sa Enyɛnpe Ebɔrɛ na kashenteŋto nɛnɛ bre, mbe kɔnɔ kpakpaso nɛ e nase n sa ma fanɛ ma kanaŋ to be esa e naaŋ baa ji Israɛl be kuwura saŋkikɛ na, beeŋ bɔlɔ so.

2 Bewura 18:3

E daŋ bɛ mo nananyɛn ewura Deevid be aya so nna nseŋ wora kusɔ nɛ keniŋi Enyɛnpe Ebɔrɛ na be anishito.

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

1 Kronikɛls 29:19

Jande sa m pibinyɛn Sɔlɔmɔn kasonu be kagbene nseŋ shin nɛ e ta kenishipere m pɔr bɔrɛlambu nɛ n chala kumo be kepɔr be asɔ kikɛ ere.”

1 Kronikɛls 29:9

Ewura Deevid nɛ basa na kikɛ be ŋgbene daŋ fuli bumo ga nna nɛ b ji eyur ŋkpal ŋkɛ nɛ b daŋ bugi ŋgbene n sa Enyɛnpe Ebɔrɛ na so.

2 Kronikɛls 16:9

Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”

2 Kronikɛls 25:2

Amaziya daŋ wora kusɔ nɛ k par Ebɔrɛ, ama mo alɛ daa maŋ wora kumo nɛ kagbene koŋwule.

Ɛzra 10:1

Anebi Ɛzra ka wɔ nɛ alubi be ketampaŋ be kabɔrɛkule to nsaa shu ŋkpal bumo be alubi damta nɛ b wora na so na, nɛ Israɛlebi be benyɛn nɛ beche nɛ mbia damta ko ba yili ŋ kulti mo ŋ wɔtɔ a shu kenishipereso.

Nehemaya 1:4

Ŋ ka nu loŋ nɛ n chena n shu nchɛ damta ŋkpal kumo so nseŋ kishi ŋ kule Ebɔrɛ ŋ kaŋɛ le:

Nehemaya 13:14

Ma, Nehemaya bee kule Ebɔrɛ nna fanɛ e nyiŋi ma ŋkpal asɔ lela nɛ mee wora a sa bɔrɛlambu ere nɛ basa nɛ baa bunyaŋ mo kumo to na so.

Nehemaya 13:22

Kumo be kaman nɛ ŋ kaŋɛ Livaiebi na fanɛ b baa wora bumo be amu cheembi nsaa kuŋ Jerusalɛm be kadegboŋ na be mbuna na Kewushiachɛ kikɛ, saŋɛ na so basa beeŋ ta kumo ŋ ki kachɛ cheembi nsaa sa kumo bunyaŋ. Ebɔrɛ la ewɔrwupo nna, mee kule mo fanɛ e wu ma kuwɔr nseŋ nɛfa ma ŋkpal kusɔ nɛ mee wora ere so.

Nehemaya 13:31

Ma alɛ daŋ naŋ yili kumo nna fanɛ basa na beeŋ baa bar ndibi puga edɛ bɔrɛsure na ase karechɛ kikɛ nseŋ naa bar bumo be adɔjibi nɛ baaŋ teŋi sososo na bɔrɛlambu na to. Mee kule Ebɔrɛ nna fanɛ e nɛfa ma ŋkpal asɔ lela nɛ mee wora ere so.

Nehemaya 5:19

O Ebɔrɛ, mee kule fo nna nɛ fo nyiŋi kusɔ nɛ n wora n sa basa ere nseŋ nɛfa ma.

Nshɛ 101:2

Jande, chɛ ma to nɛ ŋ koya kebaawora asheŋ niŋiso; saŋɛ na so meeŋ baa ji kashenteŋ nsaa maa kɔ ŋkpɛato ashi ma kuwurji to.

Nshɛ 102:9

Ŋkpal fo ka nya agbo ga nseŋ ta ma n lɛ so, nsunɔ e ki ma ajibi jiso, nɛ anishichubi malɛ ki ma nchu nuuso.

Nshɛ 119:80

Shin nɛ m baa sa fo mbraana bunyaŋ kashenteŋto, saŋɛ na so, m maaŋ ji anishinyɔr.

Nshɛ 16:8

Enyɛnpe Ebɔrɛ na be asheŋ deŋ ma kagbene so nna saŋkama. Ŋkpal e ka taga ma to so, shɛŋ shɛŋ maa keta ma kufu.

Nshɛ 26:3

M maaŋ teŋ fo kasha nɛ k maa loge na so kikɛ. Fo kashenteŋji e naa juŋkpar ma saŋkikɛ.

Nshɛ 32:2

Kagbenefuli la esa nɛ Enyɛnpe Ebɔrɛ maŋ naa nyiŋi mbe alubi na peya nna. Mo e maŋ ta kulubi kikɛ ŋ ŋana mbe kagbene to na.

Nshɛ 6:6

Kebɔltofinfin e naa mɔ ma. Kanyɛso kikɛ, ma anishichubi bee pɔ ma gedo nɛ kaputi nna.

Nshɛ 6:8

Basa lubi, men shile ma so! Enyɛnpe Ebɔrɛ na, nu ma kushu.

Aizaaya 38:2

Ewura Hɛzekaya ka nu loŋ nɛ e kilgi anishi n shoŋi egbal nseŋ kule Ebɔrɛ ŋ kaŋɛ le:

Aizaaya 38:4

Ndoŋ nna nɛ Enyɛnpe Ebɔrɛ naŋ kaŋɛ anebi Aizaaya

Hoziya 12:4

be malaika kɔ emaŋ nɛ Jeekɔb pɔɔ mo so nseŋ shu ŋ kule mo fanɛ e nɛfa mo. Ndoŋ nna nɛ Enyɛnpe Ebɔrɛ malga mo kutɔ ndoŋ ashi Bɛtɛl.

Baru lela nɛ Jɔn kute na 1:47

Yesu ka wu Nataniɛl ka bee ba mo kutɔ nɛ e kaŋɛ mo le: “Kashenteŋto, Israɛl be esa gbagba nde nɛ efɛsheŋ kikɛ maŋ wɔ mo to.”

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

Ditɛronɔmi 6:18

Men baa wora asɔ nɛ a bee par Enyɛnpe Ebɔrɛ na nɛ asheŋ a nyalɛ n sa menyi. Saŋɛ na so nɛ menyeeŋ tiŋ n ya sɔ kasawule nɛ k bee wora adɔjibi ga, nɛ Enyɛnpe Ebɔrɛ na nase kumo be kɔnɔ n sa men nananyɛnana na,

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.