Aizaaya 38:1 - EBƆRƐ BE KAWƆL

¹ Le be jemanɛ ere nɛ kulɔ ko pɛ ewura Hɛzekaya nɛ a daŋ ka gbrɛ nɛ e wu. Ndoŋ nna nɛ anebi Aizaaya nɛ e la Amɔz pibinyɛn na yɔ nɛ e ya bɔ mo so nseŋ kaŋɛ mo le: “Enyɛnpe Ebɔrɛ yɛ fo bela ase n lɔŋɛ fo kusɔ kama n yili nɛnɛ, ŋkpal manɛ so, fo maaŋ naŋ nya alenfia. Bela ase a jo luwu.”

Aizaaya 38:1 ပူးပေါင်းရင်းမြစ်များ

2 Samuɛl 12:22

Nɛ ewura Deevid shuli so ŋ kaŋɛ le: “Mm, e ka daa wɔ ŋkpa to, n daa kishi nna nsaa shu, ŋkpal manɛ so n daŋ fɛ nna fanɛ Enyɛnpe Ebɔrɛ beeŋ wu ma kuwɔr nseŋ yige kebia na.

2 Samuɛl 17:23

Ahitofɛl ka wu fanɛ b maŋ bɛ mbe kasotoji na so na, nɛ e dii n chena mbe kurma so n yɔ mbe kade to Gilo. E ka koli mbe laŋ to be kusɔ kama abar so n loge, nɛ e ya chɛ efɔl. Kakpa nɛ b puli mo nananyɛnana na nɛ b daŋ puli mo alɛ gba.

2 Kronikɛls 32:24

Jemanɛ ko ka ba fo nɛ kulɔ pɛ ewura Hɛzekaya nɛ e bee sha nɛ e wu. Ndoŋ nna nɛ e kule Ebɔrɛ nɛ Enyɛnpe Ebɔrɛ sa mo tɔɔnɛ fanɛ e beeŋ nya alenfia.

Kaŋinichiŋgeliŋ 9:10

Kushuŋ kama nɛ fo nya, baa shuŋ kumo nɛ fo eleŋ kikɛ, ŋkpal manɛ so, k maaŋ chɛr feeŋ yɔ bubuni to, kakpa nɛ kushuŋ nɛ kefɛ nfɛra nɛ kekre asheŋ nɛ kanyiasheŋ maŋ wɔ.

Aizaaya 1:1

Kubɔya nɛ Ebɔrɛ lara ŋ ŋini Aizaaya, nɛ e la Amɔz pibinyɛn, a laŋɛ Juda be efuli nɛ kadegboŋ nɛ baa tre Jerusalɛm na be kaplɛa so jemanɛ nɛ Uziya nɛ Jotam nɛ Ahaz nɛ Hɛzekaya daa ji kuwura Juda be efuli so na, e wɔ kawɔl ere to na.

Aizaaya 37:2

Kumo be kaman nɛ e shuŋi Eliakim nɛ e bee keni ewura be laŋ so na nɛ Shɛbna nɛ e la ewura be esibɛpo nɛ bɔrɛmatapo nimusoana na ma, anebi Aizaaya kutɔ. Bumo alɛ gba daŋ buu keeli be asɔbuuso nna m ba.

Aizaaya 37:21

Ndoŋ nna nɛ ma anebi Aizaaya ta kubɔya ere n shuŋi n ya sa ewura Hɛzekaya a kaŋɛ mo kusɔ

Jona 3:10

Ebɔrɛ ka wu kusɔ nɛ b wora na nɛ kananɛ b yige bumo be asheŋ lubi nɛ kebaawɔtɔ lubi na, nɛ e wu bumo kuwɔr nsaa maŋ naŋ shin nɛ b mur fanɛ kananɛ e daŋ yili na.

Jona 3:4

Jona ka luri kade na to na nɛ e nite kachɛ koŋwule m bɔ le be kubɔya. E yɛ: “Yili kabre n ya fo nchɛ adena be kefɛato, Ninɛve beeŋ mur.”

Ashuŋ Shunso 9:37

Ndoŋ nna nɛ kulɔ ko ba pɛ mo nɛ e wu nɛ b ber mo nseŋ ta mo n nase esoso be ebu ko to.